YOHANES 1:7 - KITTA' MATANGKASA'

⁷ Battui angngerang kabara' ri passala'na anjo Singaraka, sollanna akkulle tappa' ngaseng rupataua.

YOHANES 1:7 Iomraidhean Croise

MALEAKHI 3:1

Appiali Batara Kaminang Koasaya, “LaKukiringi battu tunisuroKu untu' ampasadiai oloangKu. NaKuti'ring lania' battu, iNakke Batara nuboyaya, mae ri BallakKu. Labattui anjo suroKu nukanakkukanga na napa'la'bang parjanjiangKu.”

YOHANES 1:12

Mingka nia' todong tau antarimai na tappa' ri Ia, nisarei pangngellai a'jari ana'Na Allata'ala,

YOHANES 1:15

Battui Yohanes a'jari sa'biNa, nakabarrammi angkana: “Iaminne kupaua: Laniaki battu ri bokoangangku, mingka lompoangangi nainakke, nasaba' inakke tenapa', nania' memammo Ia.”

YOHANES 1:19

Nisuromi imang-imanga siagang tu Lewia ri tu Yahudi anna'galaka koasa ri Yerusalem, mange akkuta'nang ri Yohanes, angkana, “Inaiko antu?”

YOHANES 1:36

Ri wattunna nacini' Isa ammalo, nakanamo, “Ciniki! Iaminjo Ana' Gimbala'Na Allata'ala.”

YOHANES 1:9

Singara' sitojennaya, assingariai sikontu rupataua, nia'mi battu ri lino.

LAMPA-LAMPANA 19:4

Nakanamo Paulus, “Naje'neki Yohanes taua sollanna akkulle nipa'nassa angkanaya ma'nassa toba' ngasemmi anjo taua battu ri dosa-dosana. Mingka tuli napau tongiji Yohanes mae ri tu Israelka, angkanaya musti tappaki ke'nanga mae ri Tau niaka battu ribokoanganna, iamintu Isa.”

GALATIA 3:26

Lanri tappa' mako mae ri Isa Almasi, a'jari se'remi tallasa'nu mae ri Ia; na lanri kammana, a'jari mako ana'-ana'Na Allata'ala.

EFESUS 3:9

kammayatompa sollanna battu ri nakke nanaasseng sikontu rupataua angkana antekamma bateNa Allata'ala, – le'baka ampa'niaki sikontu anne linoa – anggaukangi ero'Na, Narahasiakanga mae ri linoa siapa sallona battu riolo.

1 TIMOTIUS 2:4

Eroki sollanna nipasalama' ngaseng rupataua siagang naasseng katojenganga.

TITUS 2:11

Nasaba' Napappicinikammi lammoro' pangngamaseanNa Allata'ala, sollanna Napasalama' sikontu rupataua.

2 PETRUS 3:9

Tena nasallo Batara nampa Napassareang apa Napa'janjianga, manna pole nania' tau sala pahang kamma anjo. Mingka sa'baraki mae ri kau, nasaba' taNapa'biangako nia' panra' manna pole sitau. Eroki sollanna toba' ngaseng taua battu ri dosa-dosaya.