YOHANES 1:6 - KITTA' MATANGKASA'

⁶ Battumi tunisuroa ri Allata'ala, iamintu niarenga Yohanes.

YOHANES 1:6 Iomraidhean Croise

MALEAKHI 3:1

Appiali Batara Kaminang Koasaya, “LaKukiringi battu tunisuroKu untu' ampasadiai oloangKu. NaKuti'ring lania' battu, iNakke Batara nuboyaya, mae ri BallakKu. Labattui anjo suroKu nukanakkukanga na napa'la'bang parjanjiangKu.”

MATIUS 11:10

Nasaba' iaminjo Yohanes niaka nisero kana lalang ri Kittaka angkanaya, ‘Nakana Allata'ala, iaminne tunisuroKu, Kusuroa a'lampa rioloanganNu sollanNu nasungkeang oloang.’

MATIUS 21:25

Iaminne pakkuta'nangKu, “Inai assarei koasa Yohanes anje'neki taua? Allata'ala yareka rupataua?” Massing sikuta'nammi para ia anjo imang-imang kapalaya siagang pamimping-pamimpinna tu Yahudia angkana, “Punna nikana ‘Allata'ala assarei koasa,’ lakkuta'nangi pole ri katte angkana, ‘Punna kamma padeng, apa saba'na natena nutappa' ri ia?’

LUKAS 1:13

Mingka nakanamo anjo malaekaka, “Teako mallakki Zakharia! Nalangngere'mi Allata'ala pappala' doannu. Lammanaki tu ri balla'nu Elisabet, sitau bura'ne. Anjo anaka sallang musti nuarengi Yohanes.

LUKAS 1:76

Ikau anakku, lanigallarakko na'biNa Allata'ala Kaminang Tinggia. Nisuroko rioloangangnganNa Bataraya untu' ampasadiai oloang laNaoloa,

YOHANES 1:33

Anjo wattua tenapa nakuassengi angkana inai anjo. Mingka nipauamma' ri Allata'ala assuroa' anje'neki taua siagang je'ne' angkana, ‘Punna nucini' manurung RohNa Allata'ala, nampa ammantang irateang se'reang tau, Iaminjo taua lanje'neki taua siagang RohNa Allata'ala.’ ”

YOHANES 3:28

Nulangngere'mi apa le'baka kupau angkanaya, ‘Teai inakke Karaeng Mappasalamaka. Inakke tau nisuroja' ri dallekanNa.’

LAMPA-LAMPANA 13:24

Ri tenanapa Napakkaramulai Isa jama-jamanNa, napakkio'-kiokammi Yohanes mae ri bansa Israel, sollanna toba' ke'nanga battu ri dosana nampa nije'ne'.