YOHANES 1:47 - KITTA' MATANGKASA'

⁴⁷ Nacini'mi Isa nia' battu Natanael; na Napaumo passala' ri batangkalenna Natanael Nakana, “Ciniki, iaminjo tu Israel tojeng-tojenga. Tena apa-apa palassu lalang ri batangkalenna.”

YOHANES 1:47 Iomraidhean Croise

PAMMUJI 32:2

Mate'nei taua, ia tenaya nirekengi kaja'dallanna ri Batara, siagang tenaya nangai annipu.

PAMMUJI 73:1

Pammujina Asaf. Tamaka baji'na Allata'ala mae ri umma'Na, mae ri tau ci'nonga pa'mai'na.

YOHANES 2:25

Tena naparallu nipauang ri passala'na massing rupataua, lanri Naassenna ngaseng apa niaka lalang ri atinna rupataua.

YOHANES 4:16

Nakanamo Isa, “A'lampamako, kioki bura'nennu, nampa ammoterekko mae anrinni.”

YOHANES 8:31

Nampa Nakana Isa ri tu Yahudi tappakamo ri Ia, “Punna attallasakko situru' ajarangKu, nampa mako amminawang tojeng-tojeng ri Nakke;

YOHANES 8:39

Appialimi ke'nanga angkana, “Manggena ikambe iamintu Abraham.” Nakanamo Isa, “Ebara' ana'na tojengko Abraham, tantu nugaukang tommi apa nagaukanga Abraham.

ROMA 9:4

Ike'nammi umma' nipilea siagang nipa'jaria ana'-ana' KalenNa ri Allata'ala, kammayatompa le'baka angkasiaki kakoasanNa Allata'ala. A'janjimi Allata'ala mae ri ke'nanga, siagang nisaremi ke'nanga hukkung-hukkung agama. Nipauammi ri Allata'ala ke'nanga angkanaya antekamma batena ke'nanga musti anynyomba ri Allata'ala; kammayatompa natarimami ke'nanga janji-janjinNa Allata'ala.

ROMA 9:6

Tena nalakukana tenamo natappake janjinNa Allata'ala; mingka tena nasikontu bansa Israelka nipile ri Allata'ala a'jari umma'Na.

FILIPI 3:3

Na sitojenna ikattemi anne le'bakamo anggappai nikanaya sunna' tojeng-tojenga; teai ke'nanga. Ikattemi anynyomba mae ri Allata'ala lanri KalenNa RohNa Allata'ala angnguluki'; siagang appala' sukkuru' maki' lanri asse're maki' siagang Isa Almasi lalang ri tallasatta. Tena katte nitanjeng mae ri sikamma pangngadakkang nacinika mata.

1 PETRUS 2:1

Lanri kammana, pela'mi sikontu apa ja'dalaka battu ri kalennu; tea' mako a'balle-ballei pole, siagang tea' mako assara-sarai. Teako pakimburui, siagang teako hinai parannu tau.

1 PETRUS 2:22

Tena nale'ba' a'gau' dosa, siagang tale'bakai nia' tau allangngereki a'balle-balle.

PAPPICINI' 14:5

Tale'bakai a'balle-balle ke'nanga, siagang tena callanna ke'nanga manna sike'de'.