YOHANES 1:13 - KITTA' MATANGKASA'

¹³ teai lanri ri rupataua nanilassukang, nasaba' Allata'ala nakabattui anjo katallassang berua.

YOHANES 1:13 Iomraidhean Croise

PA'JARIANG 25:22

Attianammi ana' akkambara'. Ri tenanapa nalassu' anjo ana'-anaka, assilutturu'mi ke'nanga lalang ri battanna. Nakanamo Ribka, “Angngapa namusti kajariang anne kammaya ri kalengku?” Nampa appala'mo pitunju' mae ri Batara.

PA'JARIANG 25:28

Ishak la'bi nangaiangngangi Esau, lanri nangaina Ishak angnganre dageng nisosoka. Mingka Ribka la'bi nangaiangngangi Yakub.

PA'JARIANG 27:33

Appakkaramulami annekkere' sibatu kalenna Ishak, siagang akkuta'nammi angkana, “Punna kamma, inai anjo sumpadeng battua assoso' nampa naerang mae ri nakke? Le'ba'mi kukanre ri tenanapa nubattu. Nampa le'ba'mi kupassareang barakkakku kala'busanga mae ri ia, nakamma-kamma anne iami pata anjo barakkaka sa'genna satunggu-tungguna.”

PA'JARIANG 27:4

Bajiki palluna situru' pallu-pallu kungaia, nampa nuerang mae ri nakke. Punna le'baki kukanre, lakusareko barakka' lalang tenanapa kumate.”

PAMMUJI 110:3

Ri allo battunu siagang koasa, ri bulu' matangkasa' ra'ya'nu maju siagang pa'mai' rella. Sanrapang saliu' ri bari'basaka, sikamma tau rungkaya battu mae ri kau.

MATIUS 3:9

Teako akkapangi angkanaya lakkullei nuliliang hukkunganNa Allata'ala lanri nukanana kalennu sossorannako Abraham. U'rangi angkanaya, manna anne batu-batua, akkulle tongi Napa'jari Allata'ala sossoranna Abraham!

YOHANES 3:3

Appialimi Isa Nakana, “Patappaki angkanaya, tenanniakka tau akkulle a'jari umma'Na Allata'ala, punna tena nanilassukang poleangi.”

1 KORINTUS 3:6

Inakke sanrapanja' tau a'lamunga, na Apolos sanrapang ansirangi je'ne', mingka KalenNa Allata'ala ampattimboi anjo lamung-lamunga.

FILIPI 2:13

nasaba' KalenNa Allata'ala anjama lalang ri kalennu, sa'gennu ero' siagang akkulle ampakarannui pa'mai'Na Allata'ala.

TITUS 3:5

Napasalama' maki', lanri KalenNa angkamaseangki', jari teai lanri nia'na kabajikang le'ba' nigaukang. Napasalamakki' tete ri RohNa Allata'ala assareaki' kajariang beru siagang katallassang beru lanri Natangkasinta.

YAKOBUS 1:18

Lanri ero' KalenNa na Napa'jariki' ana'-ana'na tete ri kana matojenNa. Nagaukammi anjo kammaya sollanta anggappa tampa' lomoro' se're ri tangnga-tangngana sikontu apa-apa attallasa' le'baka Napa'jari.

1 PETRUS 1:23

nasaba' tete ri Iami anjo kana mattallasa'Na siagang kana mannannunganNa Allata'ala nanunipa'jari tau beru; teai lanri nilassukannu ri rupataua, passangalinna battu ri Mangge mannannunganga.

1 PETRUS 1:3

Maeko nakiappala' sukkuru' mae ri Allata'ala, ManggeNa Batarata Isa Almasi! Sanna' mangngamaseanNa mae ri katte; lanri kammanami anjo naNasare maki' katallassang beru. Carana iamintu, Napattallasa' poleangi ammotere' Isa Almasi battu ri kamateanga. Iaminne assareki' panrannuang attantua.

1 PETRUS 2:2

Paralluko a'jari sanrapang ana' lolo beru lassuka, tuli turerea ero' angnginung je'ne' susu rohani tenaya bengkoro'na, sollannu akkulle a'bakka' siagang nipasalama'.

1 YOHANES 3:9

Inai-nai a'jarimo ana'Na Allata'ala, tenamo natuli la'gau' dosa, nasaba' nia'mi sipa'Na Allata'ala ri kalenna. Nasaba' iaminjo Allata'ala Manggena, tenamo natuli lanagaukang ija dosaya.

1 YOHANES 4:7

Sikamma sari'battang sannaka kukarimangnginna! Mae mako kimassing sikamaseang; nasaba' Allata'ala assala'na anjo pangngamaseanga. Inai-nai mangngamaseang, iami ana'Na Allata'ala siagang iami angngassengi Allata'ala.

1 YOHANES 5:1

Inai-nai tappa' angkanaya iaminjo Isa, Karaeng Mappasalama' Napa'janjianga Allata'ala, iami Ana'Na Allata'ala. Na inai-nai mangngamaseang ri Manggea, nakamaseang tongi Anaka.

1 YOHANES 5:18

Niassengi angkanaya sikontu tau a'jariamo ana'-ana'Na Allata'ala, tenamo natuli a'gau' dosa ija; nasaba' nijagai ri Ana'Na Allata'ala siagang takkulleami I Ja'dala' a'gau' apa-apa mae ri ia.

1 YOHANES 5:4

nasaba' sikamma ana'Na Allata'ala akkulle ngasengi nabeta anne lino ja'dalaka. Na anne linoa akkullei nibeta siagang katappakkanta.