YOHANES 1:12 - KITTA' MATANGKASA'

¹² Mingka nia' todong tau antarimai na tappa' ri Ia, nisarei pangngellai a'jari ana'Na Allata'ala,

YOHANES 1:12 Iomraidhean Croise

2 SAMUEL 7:24

Le'ba'mi bansa Israel Kipa'jari ummatTa sa'genna satunggu-tungguna, siagang iKatte o Batara, a'jari Allata'alana ke'nanga.

YESAYA 56:5

laniu'rangimi arennu lalang ri BallakKu siagang ri alla'na bansaKu. Anjo bajikangngangi nanikanaya nia' ana'-ana' bura'ne siagang baine. Kusareko areng mannannungang tenaya nalanikaluppai.”

YEREMIA 3:19

Nakana Batara, “He Israel, erokKa' antarimako a'jari anakKu, siagang assareko pa'rasangang appakasannanga pa'mai', pa'rasangang kaminang bajika ri sikontu linoa. ErokKa' nukio' mangge, siagang tenamo nanula'lampa pole ampilariA'.

HOSEA 1:10

Bansa Israel la'jari sanrapangi kassika ri tamparanga jaina, sa'genna takkullea nibaku' yareka nirekeng. Kamma-kamma anne Nakana Allata'ala ri ke'nanga, “Ikau teaiko ummakKu,” mingka lanarapiki sallang wattunna nalaNakana ri ke'nanga, “INakkemi Allata'ala mattallasaka siagang ikaumi ana'-anakKu!”

MATIUS 10:40

“Inai-nai antarimako, iNakke natarima. Na inai-nai antarimA', natarima tommi ManggeKu assuroA' battu.

MATIUS 12:21

nalama'minasa sikontu bansa-bansaya ri Ia.”

MATIUS 18:5

Na inai-nai antarimai ana'-ana' sanrapanga anne lanri iNakke, sanrapang iNakkemi natarima.”

YOHANES 1:11

Battui ri pa'rasangang KalenNa mingka tanitarimayai ri bansaNa.

YOHANES 1:7

Battui angngerang kabara' ri passala'na anjo Singaraka, sollanna akkulle tappa' ngaseng rupataua.

YOHANES 11:52

Siagang teai untu' bansa Yahudi bawang, passangalinna sollanna napa'rappungang siagang napasse're ana'-ana'Na Allata'ala tassia'-siaraka.

YOHANES 2:23

Lalang ri nia'na Isa ri Yerusalem, ri wattunna allo Passua'-suarranna Paskaya, jaimi tau tappa' ri Ia lanri sikamma gau' appakalannasa' le'baka Nagaukang.

YOHANES 20:31

Mingka nitulisi'mi sikammaya anne niaka nitulisi', sollannu tappa' ngaseng angkanaya Isa Iami Karaeng Mappasalama', Ana'Na Allata'ala; na lanri tappa'nu ri Ia, nanugappamo katallassanga.

YOHANES 3:18

Inai-nai tappa' ri Ia, tena nalanihukkungi. Mingka inai-nai tena natappa', iami nihukkung ri Allata'ala, lanri tenana natappa' mae ri Ana' Sitau-tauNa Allata'ala.

LAMPA-LAMPANA 3:16

Nucini'mi siagang nusa'bimi apa kajarianga ri kalenna anne tau pesoka. A'jari baji'mi siagang gassimmi ammotere' lanri tappaki mae ri Isa siagang kakoasanNa. Lanri tappa'na mae Isa, a'jari baji'mi ammotere' anne taua ri dallekannu ngaseng.

ROMA 8:14

Inai-nai nirurungang ri RohNa Allata'ala, iami ana'-ana'Na Allata'ala.

ROMA 8:16

RohNa Allata'ala siagang rohna kalenta ampa'nassai angkanaya a'jari maki' ana'-ana'Na Allata'ala.

ROMA 8:19

Sikontu linoa sanna' ngasemmi manakku'na antayangi angkanaya kerepi wattu naNapa'nyata Allata'ala kala'birang laNapassareanga mae ri ana'-ana'Na.

GALATIA 3:26

Lanri tappa' mako mae ri Isa Almasi, a'jari se'remi tallasa'nu mae ri Ia; na lanri kammana, a'jari mako ana'-ana'Na Allata'ala.

GALATIA 4:6

Nasaba' ana'-ana'Naki' Allata'ala, Nasuromi RohNa Ana'Na Allata'ala antama' ri atinta; iamintu Roh angkanaya, “Bapakku, o Bapakku.”

KOLOSE 2:6

Nutarimami Isa Almasi a'jari Bataranu. Lanri kammanami anjo paralluko asse're siagang Ia lalang ri katallassannu,

2 PETRUS 1:4

Kammami anjo caraNa Allata'ala ampa'lammorangi barakka'-barakka' sannaka heba'na siagang sannaka lompona anggaranna mae ri katte, ia le'baka Napa'janjiang. Lanri iami anjo barakka'-barakkaka nakiakkullemo ta'lappasa' battu ri sikamma kaerokang ja'dalaka, akkullea angngerangi anne linoa mae ri possoka; sollanna nukkulle todong anggappa bageang lalang ri sipa' kakaraenganna.

1 YOHANES 3:1

Coba sai cini'! Teai sipato' Nakamaseanta Allata'ala, sa'genta niareng ana'-ana'Na Allata'ala; na kamma memang tongi, ikatte anne ana'-ana'Naki' Allata'ala. Iaminjo saba'na natena napahangki' anne lino ja'dalaka, nasaba' anne linoa tanaassengai Allata'ala.

1 YOHANES 3:10

Iaminne sisalana ana'-ana'Na Allata'ala siagang ana'-ana'na Billisika: inai-nai tena nagaukangi ero'Na Allata'ala, yareka tena nakamaseangi paranna tau, anjo taua teai ana'Na Allata'ala.

1 YOHANES 3:2

Sikamma sari'battangku sannaka kukarimangnginna! Ikatte kamma-kamma anne ana'-ana'Na maki' Allata'ala, mingka antekamma kajarianta sallang, tenapa na'nassa. Mingka niassengi angkanaya punna battu sallang Almasi, la'jari sangkamma maki' Ia, nasaba' lanicini'mi kalenta sitojeng-tojennaya.

1 YOHANES 3:23

Ia Napassuroanga mae ri katte iamintu: musti tappakki' mae ri Ana'Na, iamintu Isa Almasi; siagang musti massing sikamaseangki', sangkamma le'baka Napassuroang Almasi mae ri katte.