YO"EL 3:5 - KITTA' MATANGKASA'

⁵ Le'ba'mi nuella' bulaengKu siagang perakKu, siagang barang-barang ka'jalakKu nulalingi mange ri balla' rewatanu.

YO"EL 3:5 Iomraidhean Croise

2 KARAENG-KARAENG 12:18

Jari akkirimmi Yoas mae ri ia doe' sollanna tena nabunduki Yerusalem. Anjo doeka naallei battu ri sikontu doe' le'baka napassareang kalenna Yoas riolo mae ri Batara, siagang nipassareanga ri Yosafat, Yoram kammayatompa Ahazia, iamintu karaeng ammarentaya rioloannaya na ia. Kammayatompa battu ri sikontu bulaeng niaka lalang ri pammolikanga lalang ri Balla'Na Batara siagang balla' karaenga. Jari tenamo nanjari Hazael ambunduki Yerusalem.

2 KARAENG-KARAENG 16:8

Angngalle tommi Ahas bulaeng siagang pera' battu ri Balla'Na Batara, kammayatompa pa'barang-barangngang niaka ri balla' karaenga, nampa nakiring a'jari hadia mae ri anjo karaeng Asyur.

2 KARAENG-KARAENG 24:13

Sikontu pakkakasa' bulaeng napareka Karaeng Salomo untu' Balla'Na Batara, nipanraki ri Nebukadnezar. Nampa sikontu barang-barang niaka anggaranna lalang ri anjo Balla'Na Batara siagang ri balla' karaenga naengkaki mange ri Babel. Sikontu anjo passalaka kajariangi situru' apa le'baka Napau riolo Batara.

YESAYA 11:11

Anjo alloa laNapakei pole sikalipa kakoasanNa Batara siagang Naerang umma'Na niaka tassesa battu ri Asyur siagang battu ri Mesir, ri pa'rasangang-pa'rasangang Patros, Sudan siagang Elam, ri Babel, Hamat siagang pulo-pulo bellaya.

YEREMIA 23:7

Lanarapiki sallang wattunna, natenamo nalassumpa taua lalang arengKu, Allata'ala mattallasaka, angngerangai umma' Israel assulu' battu ri Mesir,

YEREMIA 50:28

Sikamma tau laria mange ri Yerusalem battu ri Babel nacaritai antekamma batena Karaeng Allata'alata ambalasaki panggaukanna tu Babel mae ri Balla'Na Batara.)

YEREMIA 51:11

Nakompami Batara sikamma karaeng Media, lanri eroki Naancuru' Babel. Iaminjo caraNa ambalasaki panggaukanna tau le'baka angngancuruki balla'Na. Sikamma komandang pasukang pa'bundukanga naparentakangi nakana, “Ciduki ana' pananu! Pasadiai pattahannu!

YEHEZKIEL 37:12

Lanri kammana a'boto mako mae ri ummakKu anjo bansa Israel, angkanaya iNakke, Batara Kaminang Tinggia, lassungkei jera'na ke'nanga. LaKupasuluki ke'nanga battu ri anjo jeraka nampa Kupoterang ke'nanga mange ri butta Israel.

DANIEL 11:38

Kabalekanna, lanapakalompoi rewata tenaya nale'ba' nasomba boe-boena, iamintu rewata pajaga pattahanganna. Lanasarei bulaeng, pera', paramata, siagang passare maraeng tinggia anggaranna, anjo rewata tenaya nale'ba' nasomba boe-boena.

OBAJA 1:17

“Mingka ri Bulu' Sion, lania' lasalama', siagang anjo buluka a'jari tampa' nisa'la' untu' iNakke. Jari jari-jarina Yakub lanapatangi ammotere' butta pisakana ke'nanga.