YO"EL 3:3 - KITTA' MATANGKASA'

³ Nagoccangi ke'nanga untu' ampattantui angkanaya inai anggappai tunitahanga. Nabalukangi ke'nanga tuloloa siagang turungkaya untu' nipa'jari ata. Nampa doe'na napakei ke'nanga assundala' siagang untu' angnginung anggoro'.

YO"EL 3:3 Iomraidhean Croise

AYUB 6:27

Ba'lalo ana' kukanga nupaccampallekangi sarenna, agang baji'nu nujekkongi sollannu kalumanynyang.

YEHEZKIEL 27:13

A'danggangko mange ri Yunani, ri Tubal, siagang Mesekh; na salaku ballinna annarimako battu ri ke'nanga iamintu siapa are tau ata siagang barang-barang tambaga.

YO"EL 1:5

He sikamma tau nasa'ringa, ambangungko nai'! He sikamma painunga, angngarru' mako! Nasaba' anggoro' berunu nialleang mako battu ri bawanu.

AMOS 2:6

Nakana Batara, “Tu Israel a'mole-molei doraka, lanri kammana anjo ma'nassa laKuhukkungi ke'nanga. Tau lambusu' tenaya nakkulle ambayaraki inranna, nabalukangi ke'nanga a'jari ata. Kammatommi anjo panggaukanna mae ri tu kasi-asia tenaya nakkulle ambayaraki inranna, manna pole naanjo inranna anggarang sipammalli sandala'ji bawang.

OBAJA 1:11

Ammenteng bellako, ri allo battuna musua allappoi pakke'bu'na Yerusalem siagang nabeta anjo kotaya. Tena apa-apa nukana ri wattunna naengka' ngaseng ke'nanga kakalumanynyangnganna Yerusalem na nabage-bage ri ke'nanga. Sangkamma jako ja'dala'nu siagang anjo musua.

NAHUM 3:10

Mingka manna nakamma, nijakkala' tonji pandudu'na Tebe na niengka' mange ri pammelakkanga. Ri sikontu panyingkulu' aganga, niba'ji-ba'ji ana'-ana'na sa'genna mate. Sikamma tumalompona nirantei siagang rante siagang nibage-bagei ri tu antahangai.

PAPPICINI' 18:13

kuli' kayu bauka, rampa-rampaya, sitanggi, minynya' bau', siagang kamanynyang; anggoro' siagang minynya', tarigu siagang gandung; sapi siagang gimbala'; jarang siagang bendi, ata-ataya, ba'lalo nyawana pole taua.