YO"EL 2:2 - KITTA' MATANGKASA'

² Anjo alloa sassang makkapuki, rassi allung anremeng-remeng. Para battui tantara katimbanga rapang rammang takka'ranga irate ri moncong. Tena le'bakai battu kajariang kammaya, na tena todong nalakajariang ribokoangannaya.

YO"EL 2:2 Iomraidhean Croise

PAMMUJI 10:6

Nakana lalang pa'mai'na, “Tena kulasia-sia, na sikontu jari-jariku sangkamma tu tena naja'dala'.”

PAMMUJI 97:2

Nikulilingi ri rammang siagang kasassangang; dasara'na pamarentahanNa iamintu kaadelang siagang hukkung.

KALAPPASSANG 10:14

teai sipato' jaina, sa'genna rassimo sikontu pa'rasanganga napakamma. Tale'bakapi taua accini' katimbang kammaya anjo jaina, baji' riolo kammayatompa ribokoanganna.

KALAPPASSANG 10:6

Balla' lomponu, sikamma balla'na pagawenu siagang balla'na ra'yaka larassi ngasengi katimbang. Anne balaya la'bi hebakkangngangi na sikamma bala le'baka nakasia' boe-boenu.’ ” Nampa nagilimmo kalenna Musa na'lampa.

KALAPPASSANG 20:21

Mingka tuli battu bellana ngaseng anjo taua ammenteng, siagang Musa ji bawang anreppesi anjo rammang sassanga ri tampa' kahaderanNa Allata'ala.

YESAYA 5:30

Anjo wattua nia' kalangngerang sa'ra pakkio' bundu' ri sikontu pa'rasangang Israel, kamma sarrinna arrunna bombang tamparanga. Ciniki, sassangi sikontu anjo pa'rasanganga, rassi kasukkarang. Singaraka a'jari sassang makkapu'.

YESAYA 8:22

yareka naung, tena apa-apa lanacini' ke'nanga pantaranganna kasukkarrang siagang sassang kammayatompa bayang-bayang appakamallaka. Lanipelaki ke'nanga mae ri anjo tampa' sassanga.

YEREMIA 13:16

Musti nupakalompoi Karaeng Allata'alanu lalang tenanapa Napabattui sassanga, siagang tatto'ro bangkennu ri pa'monconganga, lalang anjo singara' numinasaia taNapinrayapi a'jari sassang.

YEREMIA 13:6

Siapa are wattu ribokoanganna, Nasuroma' pole a'lampa Batara mange ri Binanga Efrat untu' angngallei anjo lipa' bodoa.

PIRAUNG 1:12

“He sikamma tunumaloa ri aganga, ciniki siagang parhatikangi! Maka nia' passessa sangkammaya lompona nulangngereka ri kamma-kammaya anne, passessa Napabattua Batara mae ri nakke, lanri pangngalarroi lompoNa?

YEHEZKIEL 32:7

Ri wattunnu Kupanraki, langika laKubomboki, siagang sikamma bintoenga laKupa'jari matei rinrana. LaKucokkoi mataalloa ribokona rammanga siagang bulanga tenamo naccaya.

YEHEZKIEL 34:12

sangkamma sitau pakalawaki amboyai siagang ampa'rappungi sikamma gimbala'na tassiaraka nampa naparakai ke'nanga. LaKuerangi ke'nanga ammotere' battu ri sikontu tampa'na tassiara' ri anjo allo sassanga siagang battuna balaya.

YEHEZKIEL 38:9

Ia siagang tantarana siagang jaia bansa anrurungangi labattui ambunduki, rapang anging lompo battua ambunduki siagang rapang rammang antongkoki sikontu anjo pa'rasanganga.”

DANIEL 12:1

Nakanamo pole anjo malaeka' ammakea pakeang lenang, “Ri anjo wattua lammumbai malaeka' lompoa iamintu Mikhael pajagana bansanu. Nampa lania' wattu kasukkarang tenaya sanrapanna baku' nia'na bansa-bansaya. Mingka sikontu tau battua ri bansanu, ia niaka tattulisi' arenna lalang ri kitta'Na Allata'ala, lanipasalamaki.

DANIEL 9:12

TindakanTa sicoco' le'baki apa le'baka Kipa'janjiang mae ri kambe siagang mae ri pamarentana ikambe. Le'ba'mi Kihukkung kota Yerusalem la'bi sannakkangngang nakota maraenga ri anne linoa.

YO"EL 1:6

Battui pasukang katimbanga ambakkai pa'rasanganta; kassaki ke'nanga natakkullea nibilang jaina, giginna kammai taranna gigi singa ganaya.

YO"EL 2:25

LaKusambei sikontu karugiannu ri taung-taung nakanrena katimbang wassele' lamung-lamunnu. Nasaba' iNakke angkiringi battu anjo pasukang katimbanga mae ri kau.

YO"EL 2:31

Mataalloa la'jari sassangi siagang bulanga la'jari ejai sangkamma cera'. Kabusu'na anjo lakajariangi lalang tenanapa nabattu AllonNa Batara, iamintu allo hebaka siagang appakamalla'-mallaka!

YO"EL 2:5

A'lumpa'-lumpa' ke'nanga ri coppo' monconga, sa'ranna kontui sa'ra galutturu'na kareta pa'bundukanga siagang a'rete'na pepe' akkanreya. A'barrisiki kontu pasukang barania, sadiaya maju mange ri pa'bundukanga.

YO"EL 3:4

LanuapA' anne, he Tirus, Sidon siagang sikontu daera Filistin? Maka erokko a'balasa' mae ri Nakke? Jari, tarimami pa'balasakKu lintaka battu mae ri kau.

AMOS 4:13

Moncong siagang anging, Batara ampareki; rancanaNa Napa'nyatai mae ri rupataua. Napareki alloa siagang bangngia; iratei ri coppo'-coppo' buttaya a'jappa. Karaeng Allata'ala Kaminang Koasaya, iaminjo arenNa.

ZEFANYA 1:7

A'reppese'mi allonNa Batara; anjo alloa langngallemi tindakang Allata'ala. Lanri kammana anjo a'mereki mako ri dallekanNa. Sadia-sadiami Batara untu' ambunoi umma'Na rapang koro'bang lanipassareang siagang le'ba'mi Nakio' battu musu-musunna Yehuda. Nakana Batara,

ZAKHARIA 14:6

Punna battu anjo alloa, talaniakkamo dinging yareka es.

MATIUS 24:21

Ri wattu battuna anjo allo-allo appakamallaka labattumi susa lompo dudua, tenayapa nale'ba' kajariang baku' nia'na linoa, siagang tenayamo nalakajariang pole ribokoanganna.

MARKUS 13:19

Ri wattu battuna anjo allo-allo appakamalla'-mallaka, labattumi susa lompo dudua, tenayapa nale'ba' kajariang baku' Napa'jarina Allata'ala linoa sa'genna kamma-kamma anne, siagang tenayamo nalakajariang pole ribokoanganna.

PAOLE 32:7

U'rangi le'ba' laloa, ri jammang riolo, carita nibolika lalang pangngu'rangi. Kuta'nangi anjo passalaka mae ri tutoanu, na napau ke'nanga mae ri kau.

IBRANI 12:18

Tena nasangkamma apa-apa nudallekanga siagang apa-apa nadallekanga bansa Israel riolo. Nasaba' ia ke'nanga andallekangi apa akkullea nita'gala', iamintu Bulu' Sinai siagang pepe'na a'rinra-rinraya; andallekangi ke'nanga sassang makkappu' siagang anging lompo;

YUDAS 1:13

Sanrapang bombang sannaka lompona siagang a'busa-busaya ri tamparanga, sangkamma tommi anjo sanrapanna a'busa-busana panggaukang appakasiri'-siri'na ke'nanga. Sanrapangi ke'nanga bintoeng-bintoeng pitilampa-lampaia, siagang le'bakamo nipasadiang tampa'na ri Allata'ala, iamintu lalang ri tampa' sannaka sassanna sa'genna satunggu-tungguna.

PAPPICINI' 9:2

Jari nasungkemi anjo bintoenga anjo tubiri'na kamateanga; na nia'mo umbu assulu' battu ri anjo tubiri' tassungkea, sangkamma umbunna bara kayu lompoa. A'jari sassammi mataalloa siagang linoa napakamma anjo umbu battua ri tubirika.