YO"EL 2:16 - KITTA' MATANGKASA'

¹⁶ Pa'rappungi sikontu ra'yaka, pabattu ngasengi sikamma ummaka. Suroi battu sikamma tau toa-toaya, ana'-anaka siagang ana'-ana' loloa pole. Ba'lalo manna sikamma bunting berua musti battu tongi. Suroi ke'nanga ambokoi kamara'na.

YO"EL 2:16 Iomraidhean Croise

2 PATTOTTORANG 20:13

Lalanna anjo wattua sikontu tu bura'ne Yehuda siagang massing tubai'-bainena kammayatompa ana'-ana'na ke'nanga ammentengi ri Balla'Na Batara.

2 PATTOTTORANG 29:5

nampa a'bicara mae ri ke'nanga anjoreng. Nakana ri ke'nanga, “Ikau ngaseng tu Lewia, musti nutangkasi kalennu untu' Batara, siagang nutangkasi Balla'Na Batara, Allata'alana boe-boenu. Sikontu apa akkullea anra'massi anjo ballaka musti nupakabellai.

2 PATTOTTORANG 30:17

Jai battu ri sikontu anjo tau hadereka anjoreng tenapa natangkasi kalenna, sa'genna tenapa nakkulle ke'nanga ammolong gimbala' untu' koro'bang Paska. Lanri kammana anjo tu Lewi mami ampolongangi ke'nanga anjo gimbala'na, nampa napassareang ri Batara.

2 PATTOTTORANG 30:19

“O Batara, Allata'ala nasombaya boe-boena ikambe, dasi-dasi nalanri kabajikang pa'maitTa naKipamopporangi ke'nanga anne niaka attojeng-tojeng nyawana anynyomba mae ri Katte, manna pole natasiratanga ke'nanga lanri tenanapa natangkasi kalenna.”

2 PATTOTTORANG 35:6

Musti ammolongko gimbala' untu' Allo Lompo Paskaya. Lanri kammana anjo massing pasadiai kalennu, sollannu siratang anynyomba mae ri Batara; kammayatompa appasadiako koro'bang-koro'bang eroka nipassareang mae ri Batara, sollanna tu Israel maraengannaya akkulle tongi nagaukang apa Naparentakanga Batara tete ri Musa.”

AYUB 1:5

Punna le'ba' anjo massing pa'gaukanga, tuli ambangung bari'basaki Ayub nampa assare koro'bang untu' tungga'-tunggala' ana'na sollanna nipammopporang ke'nanga ri Batara. Saba' nakana pikkiranna Ayub, gassingka dorakami anjo ana'-ana'na siagang nahinai Allata'ala natanaassenga kalenna.

PAMMUJI 19:5

Mingka pakkio'Na kalangngerangi ri sikontu linoa, pappasanNa ta'rapiki sa'genna cappa'-cappa'na buttaya. Appareki Batara balla' ri langi' untu' mataalloa.

KALAPPASSANG 19:10

Kamma-kamma anne buntulimi ke'nanga, siagang suromi ke'nanga anne alloa siagang ammuko ampasadiai kalenna untu' anggaukangi ibadana. Musti nasassai pakeanna ke'nanga.

KALAPPASSANG 19:22

Ba'lalo manna sikamma imang-imang eroka anreppesiA', musti natangkasi kalenna. Punna tena laKuhukkungi ke'nanga.”

YO"EL 1:14

Parentakangi umma'nu untu' appuasa, pappiassengangi passibuntulang lompoa! Kioki sikamma pamimpinga siagang tutoa-toaya, kammayatompa sikontu pandudu'na Yehuda, sollanna battu mae ri Balla'Na Allata'ala, untu' akkio' appala' tulung mae ri Ia.

MATIUS 21:16

Nakanamo ke'nanga mae ri Isa, “Nulangngere'ji anjo napaua ke'nanga?” Appialimi Isa Nakana, “Iyo, Kulangngere'ji. Tena le'bakapi nubaca apa niaka tattulisi' lalang ri Kittaka angkanaya, ‘Le'ba'mi nuajara' ana'-anaka siagang ana' loloa ampaui kana-kana pammujia’?”

MATIUS 9:15

Appialimi Isa angkana, “Maka biasai toanaya si'na atinna punna nia' ija bunting bura'nea ri tangnga-tangngana ke'nanga? Antekamma panggappanu? Tantu tena! Mingka lanarapiki sallang wattunna lanialle anjo bunting bura'nea battu ri tangnga-tangngana ke'nanga. Iaminjo wattua nalasi'namo atinna ke'nanga.

1 KORINTUS 7:5

Teako assikabellai salaku tau akkalabini. Akkulle jako assikabellai untu' poro sinampekang punna assamaturu' jako. Sollanna punna kamma, akkulleko sipappala' doangang natena nunggappa paccoba. Mingka musti ammoterekko sikambani salaku tau akkalabini. Punna takammaya, akkulleko ninyonyo' ri setanga, nasaba' takkulleai nutahang hawa napasunu.

YOSUA 7:13

Kamma-kamma anne ambangungko nai' Yosua! Tangkasi umma' Israel siagang suroi ke'nanga ampasadiai kalenna untu' andallekang ri Nakke. Parentakangi mae ri ke'nanga sollanna sadia-sadia ammuko, saba' iNakke Karaeng Allata'alana Israel, laKupabattui anne mae ri ke'nanga angkanaya: ‘E, ikau ngaseng tu Israel! Anjo barang-barang Kuparentakanga mae ri kau sollanna nuancuruki, niaki sipa'gang ri kau. Lalang tenana nanupelaki anjo barang-baranga, tena nulattahang andallekangi musunnu!’

YOSUA 8:35

Sikamma parentana Musa nabacakangi Yosua mae ri sikontu umma' Israel niaka asse're anjoreng, kammayami tubai'-bainea, ana'-anaka, siagang sikamma bansa maraeng niaka ammantang ri alla'na ke'nanga.

1 SAMUEL 16:5

Appialimi Samuel angkana, “Iyo kammatojengi. Battua' mae untu' assare koro'bang mae ri Batara. Jari tangkasi ngasengi kalennu sollannu akkulle amminawang ri anjo pa'gaukang koro'banga.” Isai siagang ana'-ana'na nasuro ngaseng tommi massing antangkasi kalenna, siagang naundang mange ri anjo pa'gaukanga.