YEHEZKIEL 3:4 - KITTA' MATANGKASA'

⁴ Nakana pole Allata'ala, “He tau, a'lampako mange ri tu Israel nampa nupabattu pasangKu mae ri ke'nanga.

YEHEZKIEL 3:4 Iomraidhean Croise

YEHEZKIEL 11:25

Nampa kucarita mae ri sikamma tau nipelaka sikontu anjo apa Napappicinikanga Batara mae ri nakke.

YEHEZKIEL 2:3

“He tau, ikau Kusuroko mange ri tu Israel angngewaya ri Nakke. Anjo ke'nanga angngewai sangkamma boe-boena ke'nanga.

YEHEZKIEL 2:4

Kapala batui ke'nanga siagang tena napakalompoA'. Kusuroko mange ri ke'nanga untu' ampabattui kanangKu, iamintu iNakke Batara Kaminang Tinggia, mae ri ke'nanga,

YEHEZKIEL 2:7

Pabattui sikontu pasangKu mae ri ke'nanga, apaka eroki yareka teai ke'nanga ampilangngeri. U'rangi angkanaya anjo ke'nanga tau paewa-ewa.

YEHEZKIEL 20:27

Jari, he tau, pabattui mae ri tu Israel apa Kupaua, iNakke Batara Kaminang Tinggia, mae ri ke'nanga: Anne conto maraeng ampa'nassai antekamma batena boe-boenu anghiNa' siagang tena namajarre' mae ri Nakke.

YEHEZKIEL 3:11

A'lampako mange ri bansanu niaka ri anjo pa'rasangang pammelakkanga, siagang pabattui pasangKu, battu ri Nakke, Batara Kaminang Tinggia; pauangi ke'nanga, apaka napilangngeri yareka tena.”

YEHEZKIEL 3:3

Nakana, “He tau, kanrei! Bonei battannu siagang anne kitta' nigulunga.” Nampa kukanre anjo kittaka na kasia'na te'nei sangkamma je'ne' bani.

YEHEZKIEL 3:5

Mange ri ke'nanga Kusuroangko, teai mange ri bansa susaya bicaranna, tenaya nuassengi yareka tena nupahangi. Ebara' angkana Kusuroko mange ri bansa kammaya anjo, lanapilangngeri ke'nanga kana-kanannu.

MATIUS 15:24

Appialimi Isa ri anjo bainea, Nakana, “INakke nisuro mangejA' bawang ri bansa Israelka, la'biangampa ri tau sala oloanga.”

LAMPA-LAMPANA 1:8

Mingka punna battumo RohNa Allata'ala mange ri kau, langgappa mako koasa. Na la'jari mako sa'bingKu ri Yerusalem, ri sikontu Yudea, ri Samaria, sa'genna ri cappa'na linoa.”