YEHEZKIEL 27:10 - KITTA' MATANGKASA'

¹⁰ Tantara-tantara battu ri Persia, Lidia siagang Libia antamaki ri tantaranu. Nagentungi ke'nanga pannangkisi'na siagang topi bajana ri tembo'-tembo' kotanu. Le'ba' mako nabantu ke'nanga ambetai musu-musunnu siagang pila' katambangi masahoro'nu.

YEHEZKIEL 27:10 Iomraidhean Croise

YEHEZKIEL 38:5

Nirurungangi karaenga ri tantara-tantara Persia, Sudan siagang Libia, massing angngeranga pa'dang siagang topi baja.

YEHEZKIEL 30:5

Lalang ri anjo pa'bundukanga lanibuno tommi sikamma tantara nisewaya battu ri Sudan, Lidia, Libia, Arab, Kub siagang ba'lalo battu ri bansa KalengKu.”

YEREMIA 46:9

A'lumbako, he jarang! A'giokko, he kareta! Majuko, he tubarani angngeranga pannahang, battua ri Sudan siagang Libia. Kamma todong ikau, he sikamma tucara'deka ammake sanjata pana, battua ri pa'rasangang Lidia.’ ”

YESAYA 66:19

LammoliKa' se're pammatei ri tangnga-tangngana ke'nanga. Sike'de'ji battu ri ke'nanga laKupasalama'. LaKusuroi ke'nanga mange ri bansa-bansa niaka ri sikamma pa'rasangang bellaya, tenayapa nalangngereki kabarakKu yareka tenayapa naciniki kala'birangKu siagang koasaKu: mange ri Tarsis, Libia, siagang Lidia siagang sikamma tucara'de'na ammana, mange ri Tubal siagang Yunani. Lanakabarrangi ke'nanga kalompoangKu ri alla'na anjo bansa-bansaya.

KELONG MALA'BIRI' 4:4

Kallonnu rapangi menara Daud, nibangunga untu' pammolikang sanjata. Rantenu kammai sisa'bu pa'lapa', palu-palunna ngaseng tubarania.

NAHUM 3:9

Tebe ammarentai mae ri Sudan siagang Mesir, na koasana tena sanggana; Libia siagang Put naagangi sita'gala'.

DANIEL 5:28

nibage, iamintu angkanaya nibagei kakaraenganta nampa nipassareang mae ri tu Media siagang Persia.”

YEHEZKIEL 27:11

Tantara battua ri Arwad a'jaga ri tembo'-tembo'nu; sikamma menaranu nijagai ri tau battua ri Gamad. Pannangkisi'na ke'nanga ta'gentungi a'jiji'-jijiri' ri tembo'nu. Iaminjo ke'nanga antambai kaga'gannu.

1 PATTOTTORANG 1:17

Ana'-ana' bura'nena Sem iamintu: Elam, Asyur, Arpakhsad, Lud, Aram, Us, Hul, Geter, siagang Mesekh. Iaminne ke'nanga boe-boena bansa-bansa niarenga situru' arenna ke'nanga.

1 PATTOTTORANG 1:11

Turungang battua ri Mesir iamintu: tu Lidia, Anamim, Lehabim, Naftuhim,

1 PATTOTTORANG 1:8

Ana'-ana' bura'nena Ham iamintu: Kus, Mesir, Libia siagang Kanaan. Iaminne ke'nanga boe-boena bansa-bansa niarenga situru' arenna ke'nanga.

PA'JARIANG 10:22

Sikamma ana'na Sem iamintu: Elam, Asyur, Arpakhsad, Lud, siagang Aram.

PA'JARIANG 10:13

Sossoranna Mesir iamintu a'jaria pandudu' ri Lidia, Anamim, Lehabim, Naftuhim,

PA'JARIANG 10:6

Sikamma ana'na Ham iamintu: Kus, Mesir, Libia, siagang Kanaan.

YEHEZKIEL 26:17

Nampa lakkelong ke'nanga ampakkelongangko lagu pattarawang angkana: Ancuru'mi kota nipakalompoa! Sikontu kappala'na nibarrasa' battu ri tamparang. Riolo pandudu'na koasai ri tamparang na'jari malla' sikamma tau ammantanga ri biring tamparang.