YEHEZKIEL 26:4 - KITTA' MATANGKASA'

⁴ Lanaancuruki tembo'-tembo'nu siagang lanaruntungi menara-menaranu. Sikontu butta niaka anjoreng laKubarrasaki, sa'genna ia tassesaya iamintu se're mami batu kalotoro' ri tangngana tamparanga.

YEHEZKIEL 26:4 Iomraidhean Croise

YESAYA 23:11

Naangka'mi Batara limanNa irateanna tamparanga siagang Nagulummi sikamma kakaraenganga. Assaremi parenta sollanna niancuru' sikamma benteng pattahanganna Funisia.

YEREMIA 5:10

LaKusuroi musua ampanraki koko anggoro'na ke'nanga, mingka tena napanraki taba sikali. LaKusuroi anjo musua ambattasaki tangke-tangke anggoro'na ke'nanga, nasaba' anjo tangke-tangkea teai iNakke ampatangi.

YEHEZKIEL 26:12

Anjo musu-musunnu lanarampasaki sikontu kakalumanynyangngannu siagang barang-barang danggangngannu. Lanaruntungi tembo'-tembo'nu siagang lanarumbangi sikamma balla' ga'ganu. Lanaallei ke'nanga batu-batunna, papang-papanna, siagang buttana, nampa napasambila antama ri tamparanga.

YEHEZKIEL 26:9

Lanarumbangi ke'nanga tembo'-tembo'nu siagang pakkakasa' panrumbang siagang naruntungi menara-menaranu siagang polongang-polongang bassi.

AMOS 1:10

Lanri kammana anjo lakkiringA' pepe' mae ri tembo'-tembo'na Tirus siagang Kutunu sa'genna cappu' sikamma pattahanganna.”

ZAKHARIA 9:3

Le'ba'mi Tirus ambangung benteng-benteng untu' kalenna siagang appatambung tamaka jaina bulaeng siagang pera' sa'genna a'jari sangkammami barang biasa sangkamma kassi' siagang butta peoka ri aganga.