YEHEZKIEL 26:10 - KITTA' MATANGKASA'

¹⁰ Tamaka jaina jaranna ke'nanga, sa'genna bate bangkenna appa'niaki limbu'bu' anri'ba' angkalimbukiko. Sa'ra galutturu'na pasukang a'jaranga, iamintu a'besoka bokong siagang kareta pa'bundukang, lanapa'galatturuki tembo'-tembo'nu ri wattunna naolo ke'nanga sikamma pakke'bu' lompoa nantama' ri anjo kota runtungamo.

YEHEZKIEL 26:10 Iomraidhean Croise

YEREMIA 39:3

na niallemo Yerusalem. Battumi sikamma pagawena karaeng Babel nampa a'lampa mange ammempo ri Pakke'bu' Lompo Tangngaya. Ri alla'na ke'nanga niaki Nergal-Sarezer, Samgar Nebo, Sarsekim kapala ruma tanggana balla' karaenga, Nergal-Sarezer Rabmag siagang perwira-perwira tantara maraenga.

YEREMIA 4:13

Ciniki, ammumbami musua sanrapang rammang. Kareta-kareta pa'bundu'na rapangi anging barubu, jarang-jaranna gassingangngangi larina najangang-jangang rajawali. Cilaka maki'! Panra' maki'!

YEREMIA 47:3

Lallangngereki ke'nanga sa'ra bangkeng jarang, sa'ra reku'na karetaya, siagang a'galutturu'na roda-rodana. Tau toaya la'jari lammai, natenamo nanawa-nawai ana'na.

YEHEZKIEL 23:24

Lanabundukiko ke'nanga battu wara' siagang tantara lompo, kareta-kareta pa'bundukang siagang kareta-kareta angngeranga bokong. Ammakei ke'nanga pannangkisi' siagang topi baja, nabattu ke'nanga ankurungko. LaKulappassangi ke'nanga angngadeliko situru' hukkung-hukkunna todong ke'nanga.

YEHEZKIEL 26:15

Nakana Batara Kaminang Tinggia ri kota Tirus, “Pandudu'na daera biring tamparanga lannekkereki napakamma malla' punna nalangngerekko ammarrang lanri nibetanu siagang sa'ra akkio'na tau nibunoa.

YEHEZKIEL 26:7

Nakana Batara Kaminang Tinggia, “LaKuerangi Karaeng Nebukadnezar battu ri Babel, untu' ambundukiko, he Tirus. Anjo karaeng kaminang kassaka laniaki battu wara' siagang tantara lompo, siagang jai jarang, kareta-kareta pa'bundukang, kammayatompa pasukang a'jarang.

YEHEZKIEL 26:9

Lanarumbangi ke'nanga tembo'-tembo'nu siagang pakkakasa' panrumbang siagang naruntungi menara-menaranu siagang polongang-polongang bassi.

YEHEZKIEL 27:28

Sikamma pakappala'nu ammarrangi napakamma malla' nilangngereki accalli' ke'nanga ri biring-biring tamparanga.

YOSUA 6:20

Nampa natui'mo sikamma imanga tarompe'na. Na kamma nalangngere'na tu Israel anjo sa'ra tarompeka, akkio' lompo-lompomi ke'nanga, sa'genna runtummo tembo' kalli' kotana Yerikho. Tulusu'mi nai' sikontu tantara Israel, nampa antama' siagang naempoi anjo kotaya.

YOSUA 6:5

Nampa anjo sikamma imanga musti natui' la'bu ngasengi tarompe'na. Kamma nulangngere'na ngaseng anjo sa'ra tarompe' la'bua, sikontu tantaraya musti appadai akkio' lompo, nampa laruntung tembo' kalli'na anjo kotaya. Nampa antama' ngaseng memang mako ri anjo kotaya.”