YEHEZKIEL 23:5 - KITTA' MATANGKASA'

⁵ Manna pole nakubaineammo anjo Ohola, mingka tuli nagaukanna assundalaka, siagang sanna' lompona nyawana allayani sikamma tanrinna battu ri Asyur.

YEHEZKIEL 23:5 Iomraidhean Croise

1 KARAENG-KARAENG 14:16

Lanibokoi Israel ri Batara lanri dorakanamo Yerobeam siagang a'jaria passabakkang nadoraka todong tu Israel.”

1 KARAENG-KARAENG 14:9

Mingka ikau nugaukangi kaja'dallang la'bi lompoanganga naapa nagaukanga sikamma tau le'baka ammarenta rioloangnganna naikau. Ikau nubokoiA' siagang nupabattui larroKu lanri apparekko patung-patung battu ri bulaeng untu' nisomba.

1 KARAENG-KARAENG 15:26

Sangkamma manggena, ammarentayana rioloanganna, ja'dala' tommi panggaukanna ri dallekanNa Batara, sa'genna dorakamo tu Israel.

1 KARAENG-KARAENG 15:30

Dorakai Yerobeam siagang iami passabakkang nadoraka tommo tu Israel. Lanri kammana anjo napakanassumi Yerobeam Batara, Ia nasombaya tu Israel.

1 KARAENG-KARAENG 21:26

Ahab nagaukangi dosa-dosa sannaka hinana: anynyombai barhala sangkamma nagaukanga tu Amori, iamintu tau le'baka nibongka ri Batara assulu' battu ri pa'rasangang Kanaan ri wattunna napantamakki Israel anjo pa'rasanganga.

2 KARAENG-KARAENG 15:19

Ri wattunna nia' battu Pul iamintu karaeng Asyur ambunduki tu Israel, nisarei ri Menahem 34.000 kilogarang pera' sollanna nibantu Menahem ampakajarreki kakoasanna ammarenta ri Israel.

2 KARAENG-KARAENG 16:7

Akkiringi Ahas tunisuro mange ri Tiglat-Pileser karaeng Asyur, siagang appasang kamma anne, “Inakke anne ata majarretta; lanri kammana anjo, kupalaki ri katte, poro battu laloki' nakipasalamakka' battu ri karaeng Siria siagang karaeng Israel niaka kamma-kamma anne ambundukia'.”

2 KARAENG-KARAENG 17:3

Nibunduki siagang nibetai ri Salmaneser karaeng Asyur, sa'genna tunggala' taungi musti a'bayara' passare mae ri ia.

YEREMIA 50:38

Kalotori sikontu binangana siagang kokonna! Nasaba', Babel rassi barhala appakaringi'-ringi', ampa'jari pongoroki sikamma tau anynyombaya ri ia.

YEHEZKIEL 16:28

Mingka tenapa nasangga nusa'ring pakkasia'nu; lanri kammana anjo, nuondang-ondangi pole tu Asyur. A'jariko pasundala'na ke'nanga, mingka tena tompa nasangga nusa'ring pakkasia'nu mae ri ke'nanga.

YEHEZKIEL 16:37

Lanri kammana anjo, sikontu tanrinnu laKupasse'rei, baji' nanungaia kammayatompa tenaya nungai. Lammentengi ke'nanga antammuliliko siagang lanapasulu' ngasengi ke'nanga care-carenu, sa'genna akkulle ke'nanga anciniki kalennu assolara'.

YEHEZKIEL 23:12

Oholiba sanna' todong cinnana ri anjo tu Asyur, iamintu sikamma tu bura'ne gammara' battu ri pasukang a'jarang, bija-bija karaeng, pagawe-pagawe tinggi, siagang sikamma tantara ammakeang ejaya siagang cura' lame butunga anjo.

YEHEZKIEL 23:16

Ri wattunna nacini' Oholiba anjo gambara'-gambaraka, tenamo naparrangi balere'na siagang akkirimmi undangang mange ri anjo perwira-perwirana Babel.

YEHEZKIEL 23:20

Sanna' lompona cinnana mae ri tu bura'ne allumpa-lumpaya balere'na, sangkamma lompona balere'na jarang lakia. (

YEHEZKIEL 23:4

Ia toaya niarengi Ohola; iami pangngebaranna Samaria. Andi'na niarengi Oholiba; iami pangngebaranna Yerusalem. A'buntingA' siagang ke'nanga, siagang para anggappa' ana' battu ri ke'nanga.

YEHEZKIEL 23:7

Kabusu'nami anjo tau lompo kammaya naagang Ohola a'gau' bawang. Nampa pole lanri sanna' balere'na, nara'massimi kalenna iamintu anynyombai mae ri barhala-barhalana ke'nanga.

YEHEZKIEL 23:9

Lanri kammana anjo Kupassareammi mae ri sikamma tanrinna, iamintu sikamma tu Asyur sannaka nakanakkukinna.

HOSEA 10:6

Anjo barhalaya laniengkaki mange ri Asyur untu' nihadiakang mae ri karaeng lompoa. Naturuki Israel rancana angngerangai ke'nanga mae ri nipakasirika siagang nipakatunaya.

HOSEA 12:1

Nakana Batara, “NakulilingiA' bansa Israel siagang bicara balle-ballena na gau' annipuna; bansa Yehuda tulusu' angngewana ri Nakke, Allata'ala Matangkasaka siagang majarreka.

HOSEA 5:13

Bansa Israel siagang bansa Yehuda nasadari kakodianna sarenna. Jari a'lampami tu Israel mange appala' bantuang battu ri Asyur, battu ri karaeng lompoa. Mingka anjo karaenga takkulleai antulungi yareka ampakabajiki katallassanna ke'nanga.