YEHEZKIEL 21:3 - KITTA' MATANGKASA'

³ angkanaya iNakke, Batara, akkana kamma anne, ‘INakke anne musunnu. LaKubi'buki pa'dangKu nampa Kubuno ngasengko, tau ja'dalaka siagang tau bajika.

YEHEZKIEL 21:3 Iomraidhean Croise

PAMMUJI 17:13

Ammenteng maKi', o, Batara ewai musungku siagang naKibeta ke'nanga. Kipasalamakka' siagang pa'danTa battu ri pa'bakkana tau ja'dalaka.

PAMMUJI 80:17

Le'ba'mi nata'bang siagang natunu musu; boli'mi kamma niancuru' ke'nanga ri kalarroanTa.

PAMMUJI 83:15

Sanrapang pepe' angkanreai romanga, rinra pepe' ampamutungai moncong-monconga.

KALAPPASSANG 15:9

Nakana musua, ‘Lakuondangi ke'nanga nampa kujakkala', kubi'buki pa'dangku, nampa kutumpasa' ke'nanga. Nampa kurampasa' sikamma barang-baranna ke'nanga, kubage-bage siagang kukasia' baji'na sa'genna sukku' kusa'ring.’

KATO'BA 9:2

Memang, nia' sare sangkamma lantuju ngasengi taua: Tau lambusuka yareka tau ja'dalaka, baji' natau bajika kammayatompa tau kodia, tau tangkasaka yareka tau rantasaka, tau assarea koro'bang yareka tenaya. Tau bajika tena naupakkangngang na tau dorakaya, tau assumpaya siagang tau tenaya naero' assumpa sangkammaji.

YESAYA 10:5

Nakana Batara, “Cilakai Asyur! Asyur laKupake a'jari cambo' siagang palu-palu untu' antunrungi tau natabaya pangngalarroingKu.

YESAYA 34:5

Napasadiami pa'danNa Batara ri suruga, na kamma-kamma anne latattabami anjo pa'danga mae ri bansa Edom, le'baka nitappuki hukkunganna laniancuru'.

YESAYA 57:1

Tau bajika siagang annabaya matei, natena tau ampahangi siagang amparhatikangi. Punna mate ke'nanga, ta'lappasaki ke'nanga battu ri balaya nampa sannang ammari-mari.

YEREMIA 17:27

Yangasenna anjo lakajariangi punna mannurukiko mae ri Nakke siagang nusa'la' allo Pammari-marianga untu' iNakke. Teako angngangkaki barang-barang apa mamo allalo ri sikamma pakke'bu' lompona Yerusalem ri anjo alloa. Punna nudakkai anjo parenta-parentaKu, laKutunui pepe' sikamma pakke'bu'na Yerusalem siagang sikamma balla' karaenna sa'genna la'busu'; na anjo pepeka takkulleai nibuno.’ ”

YEREMIA 21:13

Nampa Nakana Batara mae ri Yerusalem, “He Yerusalem! La'bi tinggiangngangi pa'dongkokannu nasikamma ka'bung lappara' niaka ri tammulilinu. Sangkammako bulu' batu ammenteng tinggia' nai' ri parang lapparaka, mingka iNakke langngewako. Nukana kalennu angkana tena manna sitau akkulle ambundukiko yareka anrumbangi tembo'-tembo' pattahangannu,

YEREMIA 21:14

mingka iNakke langhukkungko lanri panggaukannu. Balla' karaennu laKutunui, kammayatompa yangaseng-ngasenna apa niaka ri tammulilina lanitunu tongi. INakke, Batara, anne akkana.”

YEREMIA 50:31

Babel, ikau tinggi langga duduko! Lanri kammana anjo, iNakke, Batara Kaminang Tinggia, Allata'ala Kaminang Koasaya, angngewako. Narapi'mi wattunnu Kuhukkung.

YEREMIA 51:20

Nakana Batara, “Babel, ikau rapangko palu-palu, sanjataKu untu' a'bundu'. Kupakeko antunrungi bansa-bansaya siagang sikamma kakaraenganga.

YEREMIA 51:25

He Babel, ikau rapangko moncong ampanrakiai sikontu linoa. Mingka iNakke, Batara, angngewako. LaKupasintakko siagang Kugulungko nampa Kubalang parekangko nikanre ri pepe' a'jari au.

YEHEZKIEL 14:17

Nakulle kapang appabattuA' pa'bundukang ri anjo pa'rasanganga, nakukiring sanjata-sanjata porea untu' ampanraki baji' rupataua kammayatompa olo'-oloka.

YEHEZKIEL 14:21

Nakana Batara Kaminang Tinggia, “LaKupabattui appaka hukkungang kaminang hebaka mae ri Yerusalem untu' angngancuruki baji' narupataua kammayatompa olo'-oloka. Anjo appaka hukkungang iamintu: bundu', kacipurang, olo'-olo' sekke' siagang garring.

YEHEZKIEL 21:19

“He tau, a'gambarakko rua oloang akkullea naolo karaeng Babel angngerangi pa'danna. Anjo ruaya oloang musti appakkaramulai cappa'na ri se're pa'rasangang; oloang se'rea a'lampa mangei ri Raba, kota Amon; anjo se'reanga pole a'lampa mangei ri Yerusalem, kota niaka pattahanganna ri Yehuda. Patabai papang pammatei oloang ri tampa'na appakkaramula appengka anjo oloanga.

YEHEZKIEL 24:9

Nakana Batara Kaminang tinggia, “Cilakai anjo kota rassia siagang pabuno-buno! KalengKu lappa'gompo kayu untu' antunui.

YEHEZKIEL 26:3

Nakana Batara Kaminang Tinggia, “INakke musunnu he Tirus! LangngerangA' jai bansa battu untu' ambundukiko, siagang labattui ke'nanga sanrapang bombanna tamparanga.

YEHEZKIEL 29:10

jari iNakkemi a'jari musunnu, siagang musunna anjo Nil binanganu. Sikontu Mesir laKupa'jari butta sino appakkaramula battu ri kota Migdol bageang wara' sa'genna kota Aswan ri bageang timboro', sa'genna pa'baeng-baenna Sudan.

YEHEZKIEL 5:12

Bage tallunna pandudu'nu lamatei passabakkang garring siagang bala kacipurang antujuai kotaya. Bage tallunna lamate nibunoi siagang pa'dang ri pantaranganna kotaya, nampa bage tallunna pole laKupasiaraki mange-mange siagang laKuondangi siagang pa'dang.

YEHEZKIEL 5:8

Jari iNakke, Batara Kaminang Tinggia, Kupa'nassai angkanaya iNakke musunnu. LaKuhukkungko ri dallekanna bansa-bansa maraenga.

KAIMANGNGANG 26:25

Lappa'niakKa' pa'bundukang ri tangnga-tangnganu lanri nudakkaina parjanjiangKu siagang ikau. Siagang punna asse'reko ri kotanu untu' a'boya pa'la'langngang, lappabattuA' garring tenaya nakkulle niballei, sa'gennu tarpassa manyara mae ri musunnu.

KAIMANGNGANG 26:33

Lappa'niakKa' pa'bundukang ri pa'rasangannu siagang laKupasimbung-simbungko mae ri pa'rasanganna bansa maraenga. Lammantangi ta'ronang sikamma kokonnu siagang laKulappassangi a'jari loro kota-kotanu.

AMOS 5:6

Ammotere' mako mae ri Batara, na nulattallasa'. Punna tammoterako mae ri Ia, labattui kontu pepe' a'le'lereka siagang antunui sa'genna cappu' sikontu tu Israel. Ri Betel tena manna sitau akkulle ambunoi anjo pepeka.

AMOS 7:4

Anggappa' se're paccini' pole battu ri Batara Kaminang Tinggia. Kuciniki sadia-sadia untu' anghukkungi umma'Na siagang pepe'. Anjo pepeka nalepaki tamparanga sa'genna la'busu' irawa ri buttaya siagang appakkaramulami napammutung kokoa.

NAHUM 2:13

Nakana Batara Kaminang Tinggia, “INakke anne musunnu. LaKutunui kareta-karetanu sa'genna cappu'. Lamatei tantaranu lalang ri pa'bundukanga, siagang laKuallei battu ri kau sikontu apa le'baka nualle battu ri tau maraenga. Sikamma apa natuntuka tunisuronu tenamo lanilangngere'.”

NAHUM 3:5

Nakana Batara Kaminang Koasaya, “He Niniwe laKusessako! Kusungkei pakeannu ri dallekanna bansa-bansaya, sa'genna nacini' ngaseng ke'nanga kodinu.

ZEFANYA 2:12

Kammayatompa pandudu'na Sudan lanihukkung mate tongi ri Batara.

ZAKHARIA 13:7

Nakana Batara Kaminang Koasaya, “Ammentengko nai' he pa'dang, nampa nubuccu' pakalawaki anjamaya untu' iNakke! Bunoi, natassimbung-simbung sikamma gimbalaka. LaKubunduki ummakKu,