YEHEZKIEL 19:10 - KITTA' MATANGKASA'

¹⁰ Amma'nu rapangi poko' anggoro' ga'ga attimboa ri koko a'biring pangka binangaya. Coppongi leko'na na'rappo lanri alla'bina je'neka anjoreng.

YEHEZKIEL 19:10 Iomraidhean Croise

PAMMUJI 1:3

Tau kammaya lamanggappa wassele' ri sikontu usahana; rapangi poko' kayu ri biring binanga a'rappoi punna narapi' wattu pa'rappoang tale'baka kalumeng leko'na.

PAMMUJI 128:3

Bainennu sanrapangi poko' anggoro' copponga lalang balla'nu. Ana'-ana'nu sanrapangi cu'la'na poko' zaitun ri tammulilina mejang pangnganreannu.

YEHEZKIEL 17:6

Anjo lamung-lamunga a'jari poko' anggoro' attimbo tena natinggi, mingka luaraki batena a'la'ba'. Sikamma tangkenna tattuju mangei ri anjo jangang-jangang rajawalia, siagang aka'-aka'na anna'gala' jarreki lalang ri buttaya. Teai sipato' copponna leko'na anjo poko' anggoroka.

YEHEZKIEL 19:13

Kamma-kamma anne nilamungi ri parang kassi', ri butta roso' tenaya je'ne'na.

YEHEZKIEL 19:2

Amma'nu rapangi singa gana ia hebaka siagang porea. Napakalompoi ana'-ana'na ri tangnga-tangngana singa-singa porea.

HOSEA 2:2

Nakana Batara, “He ana'-anakKu, anjo amma'nu teaimi bainengKu, siagang iNakke teaiMa' bura'nenna. Lanri kammana anjo akkara-kara mako siagang ia, sollanna tenamo na'gau' bawang siagang assundala' pole.

HOSEA 2:5

Amma'nu pasundala' tena siri'na. Angkanai, ‘Erokka' a'lampa mange ri tanring-tanringku, assarea' kanre-kanreang siagang inung-inungang, kaeng wol siagang kaeng lenang, minynya' zaitun siagang anggoro'.’

YOHANES 15:1

Nakanamo pole Isa, “INakkemi sanrapang poko' anggoro' sitojennaya, na ManggeKu a'jari Tummarakaina ri kokonNa.

PAOLE 8:7

Karaeng Allata'alanu angngerangko mange ri pa'rasangang copponga buttana; pa'rasangang jaia binangana siagang timbuseng je'ne'na, niaka je'ne' a'lo'loro' rawanganna buttana, assolonga mae ri sikamma ka'bunga siagang buluka.

PAOLE 8:9

Tena nulanaalle cipuru' siagang tena nulakakurangang anjoreng. Batu karanna akkimbolongi bassi, siagang akkulleko angngeke tambaga battu ri bulu'-bulu'na.