YEHEZKIEL 13:3 - KITTA' MATANGKASA'

³ Nakana Batara Kaminang Tinggia, “Cilakai anjo na'bi-na'bi toloa! Anjo panggappana sangnging pikkirang napare'-pare', siagang anjo paccini'na sangnging balle-balle bawang.

YEHEZKIEL 13:3 Iomraidhean Croise

PANGNGEBARANG 15:14

Tau cara'deka a'boyai pangngassengang; tau dongoka sibuki siagang kadongokanga.

PANGNGEBARANG 15:2

Kana-kana cara'deka ampa'jari pangngassenganga angngalle pa'mai'; kana-kana tau dongoka, poro kadongokang bawang bonena.

YEREMIA 23:1

Nakana Karaeng Allata'alana Israel, “Cilakako he ikau sikamma pamimping ampanrakiai siagang ampasisa'la'-sa'lakai ummakKu! Ikau ngaseng mustina nuparakai ummakKu, mingka tena nanugaukangi kammaya; nubalang parekangi tassiara', lari. Kamma-kamma anne laKuhukkungko lanri kaja'dallannu.

YEREMIA 23:16

Mae ri pandudu'na Yerusalem, Nakana Batara Kaminang Koasaya, “Teako pilangngeri kana-kananna sikamma na'bia, tuli ampabattuangko panrannuang kosong bawang. Pikkirang napare' kalenna bawang ke'nanga anjo napabattua, teai pasangKu.

YEREMIA 23:9

Iaminne pasangku ri sesena na'bi-na'bia: Ancuruki atingku siagang annekkerekka'. Batara siagang kana matangkasa'Na ampa'jaria' rapang tau nasa'ring lanri jai duduna anggoro' kuinung.

YEREMIA 28:15

Yangasenna anjo kupabattui mae ri Hananya, nampa kukana pole, “Pilangngeri he Hananya! Tena naNasuroko Batara; nupa'jari tappa'mi anne bansaya ri bicara balle-ballea.

PIRAUNG 2:14

Apa napabattua na'bi-na'bia mae ri kau, sangnging balle-balleji bawang. Tena le'bakai nasungke ke'nanga dosanu, sa'genna tena nutoba'. Kabalekanna iaji bawang napabattu ri kau kana-kana baji' a'balle-ballea.

YEHEZKIEL 13:18

siagang pabattui kanangKu, iNakke, Batara Kaminang Tinggia, mae ri ke'nanga: ‘Cilaka ngasengko! Nupapparekang ngasengi taua ponto-ponto jima' siagang bongong-bongong ammakea baca, sa'genna akkulle nakoasai tau maraenga. Erokko koasa mae ri tallasa'na siagang matena ummakKu, siagang anjo koasa kammaya nupakei untu' kaparalluang kalennu.

YEHEZKIEL 13:4

He Israel, na'bi-na'binu tena matu-matunna, sangkamma serigala-serigala ammantanga ri tangnga-tangngana rumbanna kotaya.

YEHEZKIEL 34:2

“He tau, callai sikamma karaeng Israel, siagang pabattui apa Kupaua, iNakke, Batara Kaminang Tinggia mae ri ke'nanga angkana, ‘Cilakako, he sikamma pakalawakinna Israel. Sangnging kaparalluang kalennu bawang nunawa-nawa, teai kaparalluanna sikamma gimbala'nu.

HOSEA 9:7

Narapi'mi wattu panghukkunganga, wattu annarimaya pa'balasa' mae ri sikontu panggaukanga. Lanakasia'mi Israel! Nukana ngaseng, “Anne na'bi nikoasaia ri roh toloi! Pongoroki!” Nukkana kamma anjo lanri birisi' duduko mae ri Nakke siagang lompo duduna dosanu.

ZAKHARIA 11:15

Nampa Nakana Batara ri nakke, “Sikalipi pole a'gau' rapangko pakalawaki, mingka kamma-kamma anne salaku pakalawaki kodia.

LUKAS 11:40

Ikau tolo ngasengko! Sai anjo Napa'niaka Allata'ala iamintu bageang pantaraka siagang bageang lalanga?

LUKAS 11:52

Cilaka ngaseng mako ikau guru-guru agamaya. Nasaba' niaki ri kau niboli' koncina pangngissenganga. Mingka kalennu tonji taeroka antama' amboyai anjo pangngissenganga. Ba'lalo, ikau ngasemmi anrompa-rompai sikamma tau eroka antama'!”

1 KORINTUS 9:16

Nasaba' takkullea' ampakatinggi pa'maikku punna passabakkang iaja anjo kubirittakanna Kabara' Baji' battua ri Allata'ala; nasaba' Allata'ala assuroa' anggaukangi anjo jama-jamanga. Cilakama' kusa'ring punna tena nakubirittakangi anjo Kabara' Bajika!

1 TIMOTIUS 6:4

yangasenna anjo tau kammaya sangnging tau tampo, mingka tena apa-apa naasseng! Ia garrinna ke'nanga iamintu nangai a'gea'-geaka siagang a'besereka passabakkang bicara appamumbaya sereati, passisa'la-sa'lakkang, pitina, sibata-batai kodia,

2 TIMOTIUS 3:9

Mingka talanggappayai apa-apa ke'nanga, nasaba' niassemmi kadongokanna ke'nanga ri yangasenna taua, sangkamma kajarianga todong ri kalenna Yanes siagang Yambres.