YEHEZKIEL 1:10 - KITTA' MATANGKASA'

¹⁰ Tunggala' anjo apa attallasaka appa' ngaseng rupanna, mingka simmara'-maraengi anjo appaka rupanna; rupanna ri dallekanga attanja' taui, rupanna ri sa'ri kanang attanja' singai, rupanna ri kairia attanja' sapi liaraki, siagang rupanna ri bokoanga attanja' rajawali.

YEHEZKIEL 1:10 Iomraidhean Croise

1 PATTOTTORANG 12:8

Ri wattu nia'na Daud ri pattampakkanna ri parang lompoa, jai pejuang masahoro' siagang niaka pangalamanna battu ri suku Gad battu a'gabung mae ri ia. Iami ke'nanga pejuang-pejuang sannaka cara'de'na ammake sanjata poke siagang pa'lapa' barambang; sanna' ngaseng baranina ke'nanga sanrapang singa, siagang lacciri' sikali ke'nanga sanrapang jonga.

AYUB 39:27

Parentanuka naturuki jangang-jangang rajawalia ri tenanapa napareki ru'munna ri moncong tinggia?

PANGNGEBARANG 14:4

Punna tena sapi, tena wassele'na kokoa; lanri kagassinganna sapia, lalla'bi kattoanga.

YESAYA 40:31

Mingka tau manrannuanga ri Batara, langgappai kagassingang beru. Rapangi ke'nanga jangang-jangang rajawali anri'ba' tinggia siagang kagassingang ka'nyi'na. Lari ke'nanga na tena naposo, a'jappai ke'nanga natena na'jari mangngang.

YESAYA 46:8

U'rangi siagang tangara' bajiki, he sikamma tau dorakaya!

YEHEZKIEL 1:6

mingka massing taappakki rupanna siagang ruampasang ka'nyi'na.

YEHEZKIEL 10:14

Tunggala' anjo malaeka' akka'nyika massing appa' rupanna, tenaya nasangkamma-kamma rupanna. Rupanna uru-urua iamintu attanja' kammai sapi liara', makaruaya attanja' sangkammai tau, makatallua attanja' sangkammai singa, siagang makaappaka attanja' sangkammai jangang-jangang rajawali.

YEHEZKIEL 41:19

se're attanja' rupatau a'dalle' mange ri poko' kayu palem ri kairia, nampa se'reanga attanja' singa, iamintu a'dalle' mangea ri poko' kayu palem ri kananga. Anjo ukirang-ukiranga attammui ri sikontu Balla'Na Batara,

DANIEL 7:4

Makase'rea sangkammai tanja'na singa, mingka nia' ka'nyi'na iamintu ka'nyi' jangang-jangang garuda. Ri wattunna kuciniki, ti'ring ta'bi'bu'mi ka'nyi'na nampa ta'lappasa'; ta'angkaki battu ri buttaya nampa nipaenteng lambusu' ri ruaya bangkeng sangkamma tau, nampa nisare akkala' rupatau.

PAMMILANGNGANG 2:10

Ri bageang timboro', iamintu pasukang a'la'langa irawangang bandera kasatuanna Ruben, musti akkemai situru' pasukanna siagang massing pamimpinna, iamintu kammaya anne susunna: Suku Pamimping Jaina Tau Ruben Elizur ana'na Syedeur 46.500 Simeon Selumiel ana'na Zurisyadai 59.300 Gad Elyasaf ana'na Rehuel 45.650 Yangasenna: 151.450 Kasatuanna Ruben musti a'lampa makarua.

PAMMILANGNGANG 2:18

Ri bageang ilau', iamintu pasukang a'la'langa irawangang bandera kasatuanna Efraim, musti akkemai situru' pasukanna siagang massing pamimpinna, iamintu kammaya anne susunna: Suku Pamimping Jaina Tau Efraim Elisama ana'na Amihud 40.500 Manasye Gamaliel ana'na Pedazur 32.200 Benyamin Abidan ana'na Gideoni 35.400 Yangasenna: 108.100 Kasatuanna Efraim musti a'jappa ri bokona suku Lewi.

PAMMILANGNGANG 2:25

Ri bageang wara', iamintu pasukang a'la'langa irawangang bandera kasatuanna Dan, musti akkemai situru' pasukanna siagang massing pamimpinna, iamintu kammaya anne susunna: Suku Pamimping Jaina Tau Dan Ahiezer ana'na Amisyadai 62.700 Asyer Pagiel ana'na Okhran 41.500 Naftali Ahira ana'na Enan 53.400 Yangasenna: 157.600 Kasatuanna Dan a'lampa kaminang kala'busang.

PAMMILANGNGANG 2:3

Ri bageang iraya, iamintu pasukang a'la'langa irawangang bandera kasatuanna Yehuda musti akkemae situru' pasukanna siagang massing pamimpinna, iamintu kammaya anne susunna: Suku Pamimping Jaina Tau Yehuda Nahason ana'na Aminadab 74.600 Isakhar Netaneel ana'na Zuar 54.400 Zebulon Eliab ana'na Helon 57.400 Yangasenna: 186.400 Kasatuanna Yehuda musti a'lampa kaminang ri dallekang.

LUKAS 15:10

Kamma tomminjo rannuna malaeka'Na Allata'ala, punna nia' se're tau ja'dala' a'jari toba' battu ri dosa-dosana. Patappa'mi anne!”

1 KORINTUS 14:20

Sikamma sari'battangku! Teako appikkiri' kammai ana'-ana'. Ri passala' nikanaya panggaukang sala, paralluko a'jari tuli kamma ana' ca'di. Mingka ri passala'na nikanaya pikkirang, paralluko a'jari tau toamo.

PAOLE 28:49

Nia' se'reang bansa tenaya nuassengi bicaranna laNapabattu Batara battu ri cappa'na buttaya anne untu' angngewako. Rapang jangang-jangang rajawali labattui antamberoko.

PAPPICINI' 4:7

Anjo anu se'rea sangkammai singa. Makaruaya sangkammai sapi laki. Makatallua sangkammai tau rupanna. Anjo makaappaka sangkammai nicini' jangang-jangang rajawali, sitabanga anri'ba'.

PAPPICINI' 5:5

Nampa nakanamo kalase'renna anjo pamimpinga mae ri nakke, “Teako angngarruki! Ciniki! Ammetami anjo singa battua ri suku Yehuda, sossorang lompona Daud. Akkullei Nareppe' anjo segeleka siagang Nasungke anjo kittaka.”

HAKING-HAKING 14:18

Jari ri maka tujuna alloa, ri tenanapa nalabu alloa, nakanamo anjo ke'nanga mae ri Simson, “Apaya la'bi te'neangngang na bania? Na apaya pole kassakangang na singaya?” Appialimi Simson angkana, “Kapunna tena nakusuro bainengku, takkulleako angngissengi battuanna anjo tappu-tappuanga!”