YAKOBUS 4:5 - KITTA' MATANGKASA'

⁵ Teako kapangngi angkanaya tena saba'na punna nakana Kittaka, “Ilalang ri kalenta nia' Naboli' Allata'ala Roh sannaka terasa'na cinnana.”

YAKOBUS 4:5 Iomraidhean Croise

PA'JARIANG 26:14

Angngiri matami tu Filistin ri ia lanri jaina surona, pa'rappungang gimbala'na siagang sapina.

PA'JARIANG 30:1

Mingka Rahel tena memampa nanggappa ana'. Lanri kammana angngiri matami ri daenna. Nampa nakanamo ri Yakub, “Sarema' ana'. Punna tena lamatea' kusa'ring.”

PA'JARIANG 37:11

Sikamma daenna Yusuf angngiri mata ngasemmi. Mingka ia manggena, tuli nanawa-nawami anjo so'naya.

PA'JARIANG 38:9

Mingka naassengi Onan angkana anjo ana'-ana'na sallang tena nalaia pata. Jari, punna sikatinroangi siagang anjo jandana daenna, tuli napata'langnge pantaraki katauanna, sollanna tena nanggappa turungang.

PA'JARIANG 6:5

Naciniki Batara antekamma ja'dala'na sikamma rupataua ri lino. Tuli ja'dala'na ngaseng pikkiranna ke'nanga.

PA'JARIANG 8:21

Sannammi pa'mai'Na Batara angngaraki rasa mabau'na anjo koro'banga, na Nakanamo lalang ri pa'mai'Na, “Tenamo nalaKutunrai anne linoa lanri panggaukanna rupataua; Kuassengi angkanaya battu ri wattu lolonaiji naja'dala'mo pikkiranna anjo rupataua. Tenamo nalaKuancuru' pole sikontu apa-apa attallasaka sangkamma anne apa beru le'baka Kugaukang.

PAMMUJI 106:16

Angngiri matai ri Musa ke'nanga ri parang lompoa siagang mae ri Harun ata matangkasa'Na.

PAMMUJI 37:1

Battu ri Daud. Teako lussakki lanri tu ja'dalaka, teako angngiri matai mae ri tu a'gau' salaya.

PANGNGEBARANG 21:10

Tau ja'dalaka tuli eroki anggaukangi kaja'dallanga; manna ri nai tena pangngamaseanna.

KATO'BA 4:4

Kuasseng tongi angkanaya tamaka batena anjama terasa' rupataua, lanri poro assereatina bawang anciniki wassele' usahana siampi' balla'na. Yangasenna anjo poro sia-siaji bawang, sanrapang usaha angngondang anging.

YESAYA 11:13

Tenamo nalangngiri mata kakaraenganna Israel mae ri Yehuda, siagang Yehuda tenamo nanamusui Israel.

PAMMILANGNGANG 11:29

Appialimi Musa angkana, “Angngapa na inakke nunawa-nawa? Ba'lalo kuminasai inakke sollanna Napassareang RohNa mae ri sikontu bansaNa, siagang Napa'jari na'bi ngaseng ke'nanga!”

PAMMILANGNGANG 23:19

Anjo Allata'ala tena nasangkamma rupataua gampanga assesse' lalang siagang nangaia a'balle-balle. Punna a'janji Allata'ala, mattantu laNarupai! Punna a'bicarai, tena taNagaukanNa!

YOHANES 10:35

Niassengi angkanaya apa tattulisika lalang ri Kittaka tappakei sa'genna satunggu-tungguna. Jari, punna Allata'ala anggallaraki ‘allata'ala’ sikamma tau ampilangngeriai kananNa,

YOHANES 19:37

Nia' pole tattulisi' lalang ri Kittaka, angkanaya, “Lanaciniki ke'nanga anjo Tau le'baka natobo'”.

YOHANES 7:42

Kania' tattulisi' lalang ri Kittaka angkanaya anjo Karaeng Mappasalamaka sossoranna Daud siagang labattu anjorengi mae ri Betlehem, iamintu kamponna Daud.”

LAMPA-LAMPANA 7:9

Na anjo boe-boeta assereati mae ri Yusuf, sa'genna nabalukang anjo Yusuf a'jari ata ri Mesir. Mingka nirurungangi Yusuf ri Allata'ala,

ROMA 1:29

Sangnging kaja'dallang mami lalang ri atinna ke'nanga, sangnging apa tenaya nannaba; sangnging kangoang, kabottokang siagang sereati; sangnging eroka ammuno, assiba'ji, annipu, siagang sentimeng. Nangai ke'nanga nabicara paranna tau,

ROMA 9:17

Nasaba' nia' tattulisi' lalang ri Kittaka angkanaya, “Nakana Allata'ala mae ri karaeng Mesir, ‘Se'reji bawang erokKu naKupa'jariko karaeng, iamintu eroki Kupappicinikang kakoasangKu battu ri kau, siagang na'jari masahoro' arengKu ri sikontu linoa.’ ”

1 KORINTUS 6:19

Musti nuassengi angkanaya anjo batangkalennu pammantanganNa RohNa Allata'ala. Anjo RohNa Allata'ala ammantangi lalang ri kalennu. Kammayatompa KalenNa Allata'ala ampassareangi anjo RohNa mae ri kau. Anjo kalennu teaimi ikau pata, mingka Allata'ala pata.

2 KORINTUS 6:16

Apa passisambunganna Balla'Na Batara siagang balla'na barhalaya? Ikattemi anne sanrapang Balla'Na Batara, iamintu Allata'ala attallasaka. KalenNa Allata'ala angkana, “LammantangA' ri tangnga-tangngana ke'nanga, na Kusikatallassang siagang ke'nanga. La'jariMa' Allata'ala mae ri ke'nanga, na la'jarimo ke'nanga ummakKu.

GALATIA 3:8

Le'ba' memammi nipau lalang ri Kittaka angkanaya akkullei assibajiki ammotere' bansa maraenga siagang Allata'ala punna tappa' ke'nanga mae ri Ia. Le'ba'mi nipauang la'bi riolo Abraham anjo Kabara' Bajika ilalang ri janji angkanaya, “Battu ri kaumi nalaNabarakkaki Allata'ala sikontu rupataua ri lino.”

TITUS 3:3

Nasaba' ikatte riolo dongo' tonjaki', lingu tonjaki' siagang tena tonja nimappilangngeri. Nipare' ataki' ri a'rupa-rupaya hawa napasuta siagang kacinnanta; a'rupa-rupai ero' ja'dalatta, assereatiki', siagang sikabiri'-birisiki'.