YAKOBUS 2:5 - KITTA' MATANGKASA'

⁵ U'rangi sikamma sari'battangku, sannaka kukarimangnginna! Ia tau nicini' kasi-asia ri anne linoa, iami nipilei ri Allata'ala untu' a'jari tu kalumanynyang lalang ri katappakkanga. Iaminjo tau kammaya la'jari Umma'Na Allata'ala situru' Napa'janjianga Allata'ala mae ri sikamma tau angkamaseangai.

YAKOBUS 2:5 Iomraidhean Croise

1 KARAENG-KARAENG 22:28

Nakanamo Mikha, “Punna ammoterekki' siagang salama', battuanna tena Na'bicara Batara tete ri nakke! Sikamma hadereka anrinni a'jari sa'bi ngasengi.”

AYUB 34:10

He sikamma tau cara'deka, pilangngeri sai! Maka lakkullei Allata'ala Kaminang Koasaya anggaukangi kasalanga?

AYUB 34:19

Tena Nangngalle mae ri sikamma karaenga, yareka Naparioloangngang tau kalumanynyanga na tu kasi-asia. Lanri yangasenna para bate pare'Naji.

AYUB 38:14

Singara'na alloa ampa'nassai nicini'na monconga siagang ka'bunga sanrapang sitempele' ri butta pi' siagang ri juba nilappaka.

KALAPPASSANG 20:6

Mingka Kupappicinikangi pangngamaseangKu mae ri assa'bu-sa'bua jari-jarina tau mangngaia mae ri Nakke siagang mannurukia mae ri parentaKu.

PANGNGEBARANG 13:7

Nia' tau a'gau' kalumanynyang, natena apa-apanna; nia' tau a'gau' kasi-asi, nakalumanynyang kalupepeang.

PANGNGEBARANG 7:24

Lanri kammana anjo, ana'-anaka, pilangngeria'. Parhatikangi sikamma pappakaingakku.

PANGNGEBARANG 8:32

Lanri kammana anjo, pilangngeria', he tau rungkaya! Turuki pitunjukku, nulamate'ne.

YESAYA 14:32

Apa lanipappialiang mae ri sikamma tunisuroa battu ri bansa Filistin? Lanikana ri ke'nanga angkana le'ba'mi Nabangung Batara kota Sion, siagang umma'Na sessaya lanijagai anjoreng.

YESAYA 29:19

Tau kasi-asia siagang tau hinaya lanakasiaki ammotere' kate'neang Napassareanga Allata'ala matangkasa'na Israel.

ZEFANYA 3:12

Anjoreng laKuboliki ammantang tuli se'reang bansa tuna pa'mai', ampattoangai pannulungKu. Akkullei ke'nanga ammantang anjoreng.

ZAKHARIA 11:11

Anjo memang alloa natanipa'jariamo anjo parjanjianga. Najannangngima' anjo sikamma padanggang gimbalaka, siagang napahammi ke'nanga angkanaya KalenNa Batara a'bicara tete ri sikontu apa kugaukanga.

ZAKHARIA 11:7

Nampa inakke, Zakharia, nigajima' ri sikamma padanggang gimbalaka untu' angkalawaki sikamma gimbala' lanipolonga. Inakke nia' rua takkangku; se'reanga kuarengi “Kalammorang” nampa se'reanga pole kuarengi “Sikkokang”. Nampa appakaramulama' anjagai siagang amparakai anjo sikamma gimbalaka.

MATIUS 11:5

accini'mi tau butaya, a'jappami tau pesoka, a'jari baji'mi tau garring salaya, allangngere'mi tau tongoloka, attallasa' poleammi tau matea, kammayatompa nibirittakammi Kabara' Baji' battua ri Allata'ala mae ri tu kasi-asia.

MATIUS 25:34

Nampa laNakana anjo Karaenga mae ri anjo tau niaka ri sa'ri kananNa, ‘Mae ngaseng mako kau tu nibarakkakia ri ManggeKu. Antama' mako ri Tampa' le'baka nipasadiang memangko ri uru nia'na linoa.

MATIUS 5:3

“Mate'nei tau tanjenga ri Allata'ala lanri naassenna kalenna tau tena kullena; nasaba' iami a'jari umma'Na Allata'ala!

MARKUS 7:14

Nampa Nakio' pole Isa sikalipa anjo tau jaia, na Nakana ri ke'nanga, “Pilangngerimi sollanna nupahang!

LUKAS 12:21

Kammaminjo sallang kajarianna sikamma tau eroka a'boya kakalumanynyangang untu' kalenna, mingka teai a'boya kakalumanynyangang ri dallekanNa Allata'ala.”

LUKAS 12:32

“Ikau tau sike'deka, teako mallakki! Nasaba' sannangi pa'mai'Na Allata'ala assareko barakka' battu ri PamarentahanNa.

LUKAS 16:22

Tena nasallo, matemi anjo tau kasi-asia. Nierammi ri malaekaka mange ri tampa' kaminang la'birika, iamintu ri sa'rinna Abraham ri suruga. Tena nasallo pole, mate tommi anjo tau kalumanynyanga nanitarawang.

LUKAS 16:25

Mingka appialimi Abraham nakana, ‘U'rangi ana' angkanaya: lalang sikontu tallasa'nu le'ba'mi kau nugappa siagang nukasia' sikontu apa-apa bajika; mingka Lazarus sangnging apa-apa kodia bawang le'ba' nagappa. Kamma-kamma anne nakasia' tommi Lazarus te'nea anrinni, na ikau nukasia' tommi sessaya.

LUKAS 22:29

Sangkamma nasareMa' pangngellai ManggeKu ammarenta, sangkamma tommi anjo, laKusare tongko pangngellai kammaya.

LUKAS 6:20

Naciniki ngasemmi ana'-ana' gurunNa Isa, nampa Nakana, “Mate'ne ngasengko tau kasi-asia, nasaba' ikaumi umma'Na Allata'ala!

YOHANES 7:48

Niakka pamarentata yareka tu Farisi tappa' ri Ia?

LAMPA-LAMPANA 7:2

Appialimi Stefanus nakana, “Sikamma bapa'-bapaka siagang sari'battanga! Pilangngeri sai anne kanangku! Ri tenanapa na'lette' boeta Abraham battu ri pammantanganna ri Mesopotamia mange ri Haran, battui Allata'ala mala'birika mae ri ia, angkana,

ROMA 8:17

Jari punna a'jari maki' ana'-ana'Na, ma'nassa a'jari tommaki' warisi'Na, lantarimayai sikamma barakka' le'baka Napasadia Allata'ala untu' ana'-ana'Na. Lannarimaki' siagang Isa apa le'baka Napasadia Allata'ala untu' Isa; nasaba' punna sikapa'risangki' siagang Almasi, lasiagang tommaki' Almasi nipakala'biri'.

1 KORINTUS 2:9

Mingka sangkamma apa tattulisika lalang ri Kittaka angkanaya, “Apa tenaya nale'ba' nacini' yareka nalangngere' rupataua, kammayatompa tenaya nale'ba' ammumba lalang ri pikkiranna rupataua, iaminjo Napasadia Allata'ala untu' tau mangngamaseanga ri Ia.”

2 KORINTUS 4:15

Yangasenna anjo, untu' kaparalluannu ngaseng. Nasaba' punna pila' jai tau angkasiaki pangngamaseanNa Allata'ala, pila' jai tommi pappala' sukkuru' nipanai' ri Allata'ala; jari nipakala'biri'mi Allata'ala.

2 KORINTUS 6:10

Manna nanipakasi'na pa'maitta, mingka tuli rannujaki'. Kasi-asi maki' nicini', mingka jaimi tau nipa'jari kalumanynyang. Tena nicini' apa-apanta, mingka sikontutojenna nia' ngasemmi ri katte sikontu apa-apaya.

2 KORINTUS 8:9

Nasaba' baji' ngaseng nuassenna angkanaya teai sipato' nikarimangnginta ri Isa Almasi Batarata: Kalumanynyangi, mingka Napa'jari kasi-asimi KalenNa untu' kaparalluannu ngaseng; sollanna battu ri kakasi-asianNa nukkulle a'jari kalumanynyang.

EFESUS 1:18

Kupalaki ri Allata'ala sollanna Nasungke pikkirannu, sa'genna a'jari singara'; sollanna akkulle nupahang apa akkullea nurannuang battu ri Allata'ala, le'baka angkiokko. Kammayatompa sollanna nuasseng todong antekamma alla'bi-la'bina barakka' baji'Na Allata'ala, le'baka Napasadia untu' umma'Na;

EFESUS 3:8

Ri sikontu umma'Na Allata'ala, inakkemi anne kaminang tuna. Mingka Nasarema' Allata'ala anne pangngamaseanga: Iamintu jama-jamang untu' ambirittakangi mae ri bansa-bansa maraenga Kabara' Bajika, iamintu kakalumanynyanganNa Almasi tenaya la'busu'na;

1 TESALONIKA 2:12

Kipakainga' mako, kipamajuko, siagang kikellai tojengko attallasa' situru' ero'Na Allata'ala, sa'genna nupakasannang atinNa. Nasaba' le'ba' mako Nakio' Allata'ala untu' a'jari umma'Na lalang ri Lino BeruNa siagang lalang ri kalompoanNa.

2 TESALONIKA 1:5

Anrinnimi anne a'nyata antekamma adele'na apa le'baka Natappuki Allata'ala; Le'ba'mi nukasia' sessaya passabakkang Lino BeruNa Allata'ala, jari lanikellai mako antama' anjoreng.

1 TIMOTIUS 6:18

Pakaingaki ke'nanga nanapa'nyata kabajikanga, namasarro anggaukangi apa-apa bajika, lammoro' pa'maiki siagang nangai assare-sarea apa-apa.

2 TIMOTIUS 4:18

Memang, tuli laNalappassanga' Batara battu ri sikontu usaha ja'dalaka mae ri kalengku. LaNaeranga' siagang salama' antama' ri KakaraenganNa ri suruga. Poro nipakala'biriki sa'genna satunggu-tungguna! Aming.

2 TIMOTIUS 4:8

Na kamma-kamma anne sadiami hadia pammetangku. Ri Allo Kiamaka sallang, laNapassareammi Batara, Haking adeleka, anjo hadiaya mae ri nakke, lanri assibajikingku siagang Allata'ala lalang ri katallassangku. Siagang teai inakkeji bawang lannarima hadia kammaya anjo, mingka sikontu pole tau sannaka nakku'na antayangi kabattuanNa Batara.

IBRANI 11:26

Naassengi Musa angkanaya la'bi lompoangangi anggaranna nipakatunaya lanri Karaeng Mappasalama' Napa'janjianga Allata'ala, naia anggappaya sikamma kakalumanynyangang battu ri butta Mesir; nasaba' pahala untu' allo ri bokoa narannuang Musa.

YAKOBUS 1:12

Maupaki tau sa'baraka ri wattunna nataba paccoba. Nasaba' punna akkullemi attahang lalang ri anjo paccobaya, lanatarimami passawallanna, iamintu katallassang le'baka Napa'janjiang Allata'ala mae ri sikamma tau mangngamaseanga ri Ia.

YAKOBUS 1:16

Sikamma sari'battangku, sannaka kukarimangnginna; teako kau eroki nitipu!

YAKOBUS 1:19

Sikamma sari'battangku, sannaka kukarimangnginna! Parhatikangi anne baji'-baji'! Sikontu taua musti lintaki mappilangngeri, mingka tena nakkaro-karo ero' a'bicara siagang tena nalinta' larro.

YAKOBUS 1:9

Tau Karisteng kasi-asia parallui marannu punna nipakatinggi ri Allata'ala.

1 PETRUS 1:4

Manrannuangki' untu' langgappai barakka'-barakka' Nabolika ri suruga, sa'genna takkullea panra' yareka a'jari botto', yareka a'jari a'langnge.

2 PETRUS 1:11

Lalang kammanami anjo nulanikellai tojeng-tojemmo antama' ri Kakaraengang mannannungang battua ri Batara siagang Karaeng Mappasalamatta Isa Almasi.

PAPPICINI' 2:9

Kuassengi kasusannu ngaseng; Kuassengi angkanaya kasi-asiko, mingka sikontutojenna kalumanynyang ngasengko! Kuassengi sikamma pitina nipamangea ri kau, napare'-pareka sikamma tu nakanaya kalenna tu Yahudi, na sikontutojenna teai; anjo ke'nanga sangnging umma'na Billisika.

PAPPICINI' 21:7

Tau ammetaya lanatarima ngasengi yangasenna anjo battu ri Nakke. INakke la'jari Allata'alana siagang ia la'jari anakKu.

PAPPICINI' 3:18

Lanri kammanami anjo naKupakaingakko sollannu ammalli ngaseng battu ri Nakke bulaeng, iamintu bulaeng ti'no', sollannu a'jari kalumanynyang. Ammalli todong mako battu ri Nakke pakeang kebo' sollannu akkulle ammakeang siagang nutongko' kalennu natena nussolara' siagang natena nuppakasiri'. Siagang ammalli todong mako pa'balle untu' nupasapu mae ri matannu, sollannu akkulle accini'.

HAKING-HAKING 9:7

Nalangngere'na Yotam anjo passalaka, mangemi ammenteng ri cappa'na Moncong Gerizim. Nampa akkio' mange ri yangaseng anjo taua, angkana, “Pilangngeria' ikau ngaseng tuniaka ri Sikhem, sollanna napilangngeri todong Allata'ala.

1 SAMUEL 2:30

INakke, Karaeng Allata'alana Israel, riolo le'ba'Ma' a'janji angkanaya kaluarganu siagang turungannu la'jari palayang mae ri Nakke, salaku imang sa'genna satunggu-tungguna. Mingka kamma-kamma anne tenamo naKuero' ri anjo kammaya! Nasaba' inai-nai ampakala'biriKa' iami laKupakala'biri', na inai-nai anghina' iami laKuhina.

1 SAMUEL 2:8

Battu ri pa'risi' Naangka' tu tenaya apa-apanna, battu ri sessa Nalappassang tu tunaya. Nipa'jari ke'nanga aganna tu mala'birika, na Nasare empoang kalompoang. Pa'lapara'na buttaya Batara pata, irateanganna Nabangung linoa.