YAKOBUS 1:6 - KITTA' MATANGKASA'

⁶ Inai-nai appala', musti tappaki appala'; takkulleai bata-bata. Nasaba' inai-nai bata-bata, sanrapangi bombang ri tamparang nairika anging anrai'-kalau'.

YAKOBUS 1:6 Iomraidhean Croise

PA'JARIANG 49:4

Lu'mukko ta'goccang sanrapang je'ne', sa'genna teai mako makase're; saba' attinroko siagang baine piaraku, nura'massi katinroanna manggenu.

MATIUS 14:28

Nakanamo Petrus, “Punna ma'nassa iKatte Isa, suroma' battu mae ri Katte, a'jappa irate ri tompo'na je'neka.”

LAMPA-LAMPANA 10:20

Lintakko naung, siagang teako bata-batai ampinawangi ke'nanga, nasaba' iNakke assuroi ke'nanga.”

EFESUS 4:14

Jari, tena nisanrapang ana'-ana', akkullea nierang anrai'-kalau' ri pangngajaranna tau la'bua akkala' salana. Natipui siagang naakkala' salai taua, nanaerang mae ri oloang salaya.

1 TIMOTIUS 2:8

Manna pole kemae, sikamma tu bura'nea kukellai assambayang siagang ati matangkasa', takkulleai nagaukang lalang kalarroang yareka passisala-salang.

IBRANI 10:23

Paralluko anna'gala' jarre' mae ri panrannuang le'baka nimangakui, nasaba' tappakki' angkanaya laNarupai janjinNa Allata'ala.

IBRANI 11:6

Takkulleai taua ampakasannangi atinNa Allata'ala, punna tena natappa' ri Allata'ala. Nasaba' inai-nai battu mae ri Allata'ala, musti tappaki angkanaya ma'nassa nia' Allata'ala, kammayatompa angkana laNasarei pa'balasa' Allata'ala sikamma tau amboyayai.

IBRANI 13:9

Teako sarei kasampatang ajarang mara'-maraenga ampakalinguko. Musti nipakajarreki atinta lanri kabajikang pa'mai'Na Allata'ala; iaminjo bajika mae ri katte; jari teai paratorang-paratoranna agamaya ri passala'na kanre-kanreanga. Sikamma tu rioloa, anturukiai anjo paratorang-paratoranga, tena ngaseng nagappai matu-matunna.

YAKOBUS 1:7

Anjo tau kammaya tena nattantu pikkiranna; takkulleai napattantu baji' sikontu apa-apa nagaukanga. Lanri kammana, tena tommo nakkulle ma'minasa untu' langgappa apa-apa battu ri Batara.

YAKOBUS 5:15

Inai-nai appala' doang siagang tappa' tojeng-tojeng mae ri Batara, lanipamollei battu ri garrinna. Lanipamollei garrinna ri Batara, siagang lanipammopporangi dosa-dosana le'baka nagaukang.

2 PETRUS 2:17

Anjo guru-guru takontutojenga sanrapangi timbuseng kalotoroka je'ne'na, siagang sanrapangi saliu' niirika ri anging lompo. Le'ba'mi nipasadiang ke'nanga se're tampa' sannaka sassanna ri Allata'ala.