YAKOBUS 1:11 - KITTA' MATANGKASA'

¹¹ Ri wattunna battu alloa nanitaba ri bambang sarrona, kalumemmi anjo rukuka sa'genna ru'rusu' bungana siagang tappela'mi kaga'ganna. Kamma tomminjo mae ri tau kalumanynyanga: laancuruki ri wattunna napajappa usahana.

YAKOBUS 1:11 Iomraidhean Croise

2 SAMUEL 22:46

Lanynya'mi kabaranianna ke'nanga; annenremmi siagang assulu'mi ke'nanga battu ri paccokkoanna.

PAMMUJI 102:11

saba' le'ba'ma' Kiangka' nampa Kipasambila' lalang pangngalarroi a'rinra-rinraTa.

PAMMUJI 102:4

Tappelaki tallasakku sanrapang umbu; a'barai buku-bukungku sanrapang pepe'.

PAMMUJI 103:15

Sanrapangi ruku' bodona tallasa'na rupataua; a'bakkaki sanrapang bunga ri kokoa;

PAMMUJI 37:2

Saba' tasalloa nalanynya' ke'nanga sanrapang ruku', nakalumeng sanrapang lamung-lamung moncongbuloa.

PAMMUJI 39:6

Antekamma bodona umurukku Kipattantua! Untu' iKatte tena siapa la'buna tallasakku. Tojeng, rupataua sanrapanji sipa'maikang nappasa' bawang,

PAMMUJI 90:6

attimboi na'bakka' ri wattu bari'basa', mingka kalumengi ri wattu karuenna.

KATO'BA 5:15

Anjo kammaya teai sipato' appakasi'nana! A'lampaki' sangkamma ri wattunta battu. Nimangngangngi kalenta untu' angngondang anging, nampa apa wassele'na?

YESAYA 28:1

Cilakai kota nakalompoang pa'maika sikamma painunna Israel! La'jari toami kaga'ganna, rapang bunga kalumeng niaka ri simbolenna ke'nanga. Cilakai kota tinggia nai' battu ri tangngana ka'bung copponga, nakalompoanga pa'mai' sikamma tau sitangnga matea nasa'ring.

YESAYA 28:4

Masahoro'na anjo kota appakaramulayamo toa, lalanynyaki. Sarenna larapangi rappo ara ti'noka ri wattu alla'; kamma nicini'na, kamma niallena na nikanre.

YESAYA 49:10

Tena nalaturere yareka cipuru' ke'nanga, siagang talanitujuai ri bambang allo ri parang lompoa. Saba' iNakke ansayangi ke'nanga, lanrurungangi ke'nanga, siagang langngerangi ke'nanga mange ri sikamma timbuseng je'neka.

MATIUS 13:6

Mingka ri wattu nai'namo alloa, appakaramulami kalumeng anjo bine beru accu'laka; nampa kalotoro', sa'genna mate, nasaba' tenana nalantang antama' ri buttaya aka'na.

MATIUS 20:12

Nakana ke'nanga, ‘Pajama ri boko dudua sitette'ji anjama. Na ikatte sila'busu' alloki' nabambangi allo anjama, mingka kipasangkammaji kipa'gajianga ri ke'nanga siagang ri kambe anne!’

MATIUS 6:30

Anjo ruku'-ruku' niaka ri paranga, attimboi anne alloa nammuko lanitunui sa'genna cappu'. Mingka manna nakamma, nipipakei tonji ri Allata'ala anjo ruku'-rukuka sa'genna ga'ga nicini'. Jari la'biangampa pole ikau! Tena tanipipakeinu! Mingka sayanna kakurang tappakko!

MARKUS 4:6

mingka wattunna nai'mo alloa pakkaramulami kalumeng, sa'genna kalotoro' nampa mate, lanri tena nabella antama' aka'na ri buttaya.

1 KORINTUS 7:31

siagang inai-nai jai urusanna ri passala'na pakkalinoanga, sanrapangi tau tenaya najampangi anjo passalaka. Nasaba' tasalloami anne linoa niaka nicini' ri kamma-kammaya anne lalanynya' ngasengi.

1 PETRUS 1:4

Manrannuangki' untu' langgappai barakka'-barakka' Nabolika ri suruga, sa'genna takkullea panra' yareka a'jari botto', yareka a'jari a'langnge.

1 PETRUS 5:4

Na punna battu sallang Pakalawaki Mala'birika, langgappa mako hadia sannaka ga'gana. Anjo hadiaya takkulleai amminra kaga'ganna.