TITUS 1:5 - KITTA' MATANGKASA'

⁵ Kuboli' mako ri Kreta pirangalloang sollanna akkulle nupa'le'ba' apa-apa parallua nujama. Kammayatompa sollanna akkulle nuangka' pamimping-pamimping jama'aka ri kota-kotaya. Siagang u'rangi anne pappasangku:

TITUS 1:5 Iomraidhean Croise

1 PATTOTTORANG 6:32

A'le'basaki ke'nanga nisare tugasa' ri KemaNa Batara ri wattu tenanapa nale'ba' nabangung Karaeng Salomo Balla'Na Batara.

KATO'BA 12:9

Anjo lapung Tau Assarea Pangngajarang bajiki akkala'na siagang cara'deki. Lanri kammana anjo napangngajarrangi anjo pangngassenganna mae ri rupataua. Jai pangngebarang napappilajari nampa nauji katojenganna.

YESAYA 44:7

Inaika sangkamma iNakke? Suromi mangaku! Lappassammi napau siagang napa'butti mae ri Nakke! Inai le'ba' antappu rioloi apa labattua battu ri uru-urua sa'genna kala'busang jammang?

KAIMANGNGANG 14:42

Nampa anjo batu-batu nipasuluka musti nisambei siagang batu-batu beru. Sikontu tembo'na anjo ballaka musti nilapisiki siagang palestere' beru.

LAMPA-LAMPANA 11:30

Nagaukammi ke'nanga anjo passamaturukanga. Na'lampamo Barnabas siagang Saulus angngerangi anjo sumbanganga mae ri pamimping-pamimping jama'aka ri Yudea.

LAMPA-LAMPANA 14:23

Nampa naangka'mo Paulus siagang Barnabas pamimping-pamimpinga ri massing-masinna anjo jama'aka. Nampa appala' doang siagang appuasa ke'nanga, nanapassareang ke'nanga anjo pamimping-pamimping jama'aka mae ri Batara napatappaka ke'nanga.

LAMPA-LAMPANA 2:11

nia' tu Yahudi, siagang tu bansa-bansa maraeng antamayamo agama Yahudi; nia' todong tu battu ri Kreta siagang battu ri Arab. Massing nilangngere' ngasemmi ke'nanga a'bicara lalang bicaranta ngaseng; nabicaraya ke'nanga iamintu gau'-gau' appakalannasa' Nagaukanga Allata'ala!”

LAMPA-LAMPANA 27:12

Tena memang nabaji' napammantangi kappala' anjo palabuhanga punna wattu dinging. Iaminjo saba'na najaiangang ana'-ana' kappalaka erokangang a'lampaya pole assombala' ambokoi anjo palabuhanga. Eroki nausahai ke'nanga anrapi' mange ri Feniks nampa ammantang anjoreng sa'genna allalo wattu dinginga. Feniks, iamintu palabuhang ri Pulo Kreta a'dalle' mangei ri warakkanna sike'de' ri tampa' labuna alloa.

LAMPA-LAMPANA 27:13

Anjo wattua battu timboroki anginga siagang lammai nisa'ring battuna. Jari nakana ana'-ana' kappalaka akkullemi ke'nanga assombala' pole. Jari assombala'mi ke'nanga antulakkangi birinna Pulo Kreta.

LAMPA-LAMPANA 27:21

Siapa aremi sallona tena ngaseng nangnganre taua. Jari mangemi Paulus ammenteng ri tangnga-tangngana ke'nanga nampa nakana, “Sikamma sari'battangku! Ka'de' nupilangngeri kanangku natanibokoia Kreta, tenaja nalanikasia' ngaseng anne kapanrakanga siagang karugianga.

LAMPA-LAMPANA 27:7

Pirangallo are sallota sanna' lansanta assombala'. Sanna' susata assombala' nampa akkulle nirapi' sa'genna kota Knidus. Nampa lanri kodina ija anginga, takkullea maki' annarrusu' assombala' situru' oloang nitujua uru-uruna. Jari a'lampa timboro'na maki' Pulo Kreta assombala', allalo ri Tanjung Salmone, sollanta ta'linrung ri anginga anjoreng.

1 KORINTUS 11:34

Punna nia' tau cipuru', parallui angnganre rolong ri balla'na. Punna nuparhatikang anne kammaya anjo pa'rappungang sambayannu, tenamo nalappabattu hukkungang mae ri kalennu. Ia passala' maraenganga, battupa' sallang nampa kupakasingariangko!

1 KORINTUS 14:40

Mingka musti nubajiki siagang nuatoroki batenu anggaukangi.

1 KORINTUS 4:17

Iami anjo nakusuromo Timotius battu mae ri kau ngaseng. Salaku tumminawang ri Almasi, sangkammai ana' kalengku, kukamaseanga. Iami ana' akkullea nipatappa'. Iami lampakaingakko ri passala'na katallassang kupinawanga ri wattungku a'jari tappa'mo mae ri Almasi; iamintu katallassang le'baka kupangngajarrang mae ri sikontu jamaah niaka ri kere-keremae.

KOLOSE 2:5

Nasaba' manna pole nakisikabellai, mingka nyawaku tuli niaki ri tangnga-tangnganu. Na sanna' rannuku ancinikko a'julu ati siagang majarre' tappa' mae ri Isa Almasi.

1 TIMOTIUS 1:3

Kukellaiko sollannu ammantang ri Efesus. Anne le'ba' mako kupauang baji'-baji' ri wattungku mange ri daera Makedonia. Nasaba' nia' siapa are tau ri Efesus angngerang pangngajarang sala. Na parallu nupammari angngajara' sala anjo ke'nanga.

2 TIMOTIUS 2:2

Anjo pangngajarang le'bakamo nulangngere' battu ri nakke ri dallekanna tau jaia, parallui nupappirannuang mae ri sikamma tau akkullea nipatappa' siagang cara'deka angngajaraki tau maraenga.

TITUS 1:12

Le'baki nia' na'bina ke'nanga, battua todong ri Kreta, angkana, “Anjo tu Kretaya memang tuli paballe-ballei, sanrapangi olo'-olo' sekke', angngoai siagang kuttui.”