TITUS 1:4 - KITTA' MATANGKASA'

⁴ Titus! Ikau ana' tojeng-tojengkuko, lanri ikau siagang inakke para tappa' maki' mae ri Almasi. Kuminasai nanisareko barakka', pangngamaseang malammoro' siagang kasalewangang battu ri Allata'ala Manggea siagang Isa Almasi Karaeng Mappasalamatta.

TITUS 1:4 Iomraidhean Croise

LUKAS 2:11

Anne kamma, ri kota kalassukanna Daud, lassu'mi Karaeng Mappasalama'nu iamintu Almasi.

YOHANES 4:42

Nakanamo ke'nanga ri anjo bainea, “Tappa' ngaseng maki' anne, mingka teai lanri apa nupaua bawang ri kambe; mingka lanri kalennami ikambe allangngereki, naniassemmo angkanaya Ia memang tommi Karaeng Mappasalama'na anne linoa.”

ROMA 1:12

Ia natabaya kanangku iamintu, nasaba' para tappa' ngaseng maki' mae ri Isa Almasi, jari paralluki' massing sipakajarre'.

ROMA 1:7

Iaminjo saba'na nakutulisi' anne suraka mae ri kau ngaseng. Poro Nabarakkakiko siagang Nasareko katallassang salewangang Allata'ala Manggea siagang Batarata Isa Almasi.

2 KORINTUS 12:18

Kusuromi Titus a'lampa angkunjungiko, siagang kusuro tongi anjo sari'battang Karisteng maraenga anrurungangi. Maka nia' passawallang naalle Titus battu ri kau? Inakke siagang Titus a'julu pa'maikka' anjama-jama, siagang sangkamma-kammai bateku anjama!

2 KORINTUS 2:13

Mingka tena nasannang nyawaku, nasaba' tena nakusibuntulu' siagang sari'battanta Titus anjoreng. Jari appala' kanama' mae ri taua anjoreng, nampa annarrusu' a'lampa mange ri butta Makedonia.

2 KORINTUS 4:13

Nia' lalang ri Kittaka angkanaya, “Lanri tappakku, iaminjo saba'na naku'bicara.” Jari, lanri tappa' lompo kammaya tomminjo na'bicara todong ikambe lanri tappa'na ikambe.

2 KORINTUS 7:6

Mingka sukkurukki', lanri tuli nipakalompona ri Allata'ala atinna tu tappu' panrannuanga; Iami ampakasannangi atinna ikambe ri wattu battuna Titus mae ri kambe.

2 KORINTUS 8:16

Teai sipato' sukkuru'na ikambe mae ri Allata'ala nasaba' nisarena todong pakkulle Titus attojeng-tojeng ambantu ngasengko!

2 KORINTUS 8:23

Na passala'na Titus, iami agang bajikku, kuaganga sipanjama-jamang ambantu ngasengko. Kammayatompa anjo sari'battanga ruaya, niaka anrurungangi Titus, iami ke'nanga tau nisuroa ri sikamma jama'aka, siagang nikarannuanga untu' Almasi.

2 KORINTUS 8:6

Iaminjo nasanna' kukellaina Titus – le'baka ampakaramulai anne jama-jamanga – sollanna napannarrusu' todong anne jama-jamang bajika ri tangnga-tangnganu ngaseng.

GALATIA 2:3

Anjo Titus, kuaganga sipa'lampang, tu Yunani. Mingka tena nanipassai anturuki paratoranna sunnaka;

GALATIA 3:26

Lanri tappa' mako mae ri Isa Almasi, a'jari se'remi tallasa'nu mae ri Ia; na lanri kammana, a'jari mako ana'-ana'Na Allata'ala.

GALATIA 3:28

Lalang ri kammana anjo tenamo nanipasimmaraengi tu Yahudia siagang bansa-bansa maraenga, yareka ataya siagang tau bebasaka, yareka tu bura'nea na tu bainea. A'jari se're ngaseng mako lanri Isa Almasi.

EFESUS 1:2

Battu ri nakke, Paulus, tunisuroNa Isa Almasi, lanri ero'Na Allata'ala; ma'minasa' mae ri Allata'ala Manggeta, siagang Batara Isa Almasi, nuporo Nasare barakka' siagang katallassang salewangang.

1 TIMOTIUS 1:12

Appala' sukkurukka' mae ri Batarata Isa Almasi. Iami le'ba' assarea' kagassingang untu' allayani mae ri Ia, siagang ampa'jaria' tau siratang anggaukangi anjo jama-jamanga.

2 TIMOTIUS 1:1

Natarimai Timotius, anakku sannaka kukarimangnginna! Anne suraka battu ri nakke, Paulus. Ma'minasa' sollannu nisare barakka', pangngamaseang malammoro', siagang kasalewangang battu ri Allata'ala Manggea siagang Batarata Isa Almasi. Lanri ero'Na Allata'ala, nakuniangka' a'jari tunisuroNa Isa Almasi siagang nisuro untu' ambirittakangi ri sesena katallassang Napa'janjianga Allata'ala. Anjo katallassanga akkullei nitarima lanri asse'reki' siagang Isa Almasi.

2 TIMOTIUS 4:10

nasaba' nabokoima' Demas lanri nakarimangnginna anne linoa. A'lampami mange ri Tesalonika. A'lampami Kreskes mange ri Galatia, siagang Titus a'lampami mange ri Dalmatia.

TITUS 1:3

Punna narapi'mo wattunna, laNapa'nyatami anjo janjinNa Allata'ala lalang pappasanNa mae ri linoa. Anjo pappasanNa Napappirannuammi mae ri nakke, siagang kubirittakammi anjo pappasanga situru' parentaNa Allata'ala Mappasalamatta.

TITUS 2:13

Kamma-kamma anne nitayammi anjo Allo niminasaya; anjo Alloa lanacini'mi bonena linoa kala'biranNa Isa Almasi, iamintu Allata'ala Kaminang Lompoa siagang Karaeng Mappasalamatta.

2 PETRUS 1:1

Natarimai sikamma sari'battangku, le'bakamo anggappa katappakkang sangkammaya baji'na katappakkanna ikambe. Le'ba' maki' Nasare katappakkang Isa Almasi, Iamintu Allata'ala siagang Karaeng Mappasalamatta, lanri Nagaukanna apa annabaya. Anne suraka battu ri nakke, iamintu Simon Petrus, atanNa siagang tunisuroNa Isa Almasi.

2 PETRUS 1:11

Lalang kammanami anjo nulanikellai tojeng-tojemmo antama' ri Kakaraengang mannannungang battua ri Batara siagang Karaeng Mappasalamatta Isa Almasi.

2 PETRUS 2:20

Punna ta'lappasa'mo taua battu ri kakoasanna lino anra'massiai rupataua, lanri tappa'namo mae ri Batara siagang Mappasalamatta Isa Almasi, nampa nijarro' poleang sa'genna nibeta ri anjo kakoasanga, kajarianna lapila' panra'mi anjo taua na rioloangannaya.

2 PETRUS 3:18

Poro pila' nukasia' lalo passare lammoro'Na Batara, Karaeng Mappasalamatta iamintu Isa Almasi, siagang poro pila' tappa' laloko mae ri Ia. Poro Iami nipuji, ri kamma-kammaya anne sa'genna satunggu-tungguna! Aming. Sallangku, Petrus

2 PETRUS 3:2

Kukellaiko sollanna nuu'rangi kana-kana le'baka napau na'bi-na'biNa Allata'ala riolo, siagang apa Napassuroanga Batara, Karaeng Mappasalamatta, ia napabattua sikamma tunisuroNa mae ri kau.

1 YOHANES 5:14

Siagang barani maki' andallekang ri Allata'ala, lanri tappakki' angkanaya laNaiyoi pappala' doanganta; manna pole apa nipala' mae ri Ia laNaiyoi assala' situruki ero'Na anjo pappalatta.

YUDAS 1:3

Sikamma sari'battangku sannaka kukarimangnginna! Sanna' dudu erokku annulisi' sura' mae ri kau ngaseng ri passala'na kasalamakkang nitarimayamo. Mingka kamma-kamma anne erokka' kusa'ring ampakaingakko lalang ri anne suraka, sollannu barjuang turus untu' katappakkanta; anjo katappakkanga sikaliji Napassareang Allata'ala sa'genna satunggu-tungguna mae ri Umma'Na.