RUT 4:6 - KITTA' MATANGKASA'

⁶ Appialimi anjo taua angkana, “Punna kamma, takukulleai. Kamma-kamma anne baji'mi nakulappassang anjo koasaku salaku tu rioloanganga akkulle amballi anjo tanaya. Tena matu-matunna kuballi anjo tanaya, nasaba' attantui angkanaya anjo tanaya takkulleai a'jari pisaka mae ri turungangku. Bajikangngang ikattemo amballi.”

RUT 4:6 Iomraidhean Croise

PA'JARIANG 38:8

Nampa nakanamo Yehuda ri Onan, iamintu andi'na Er, “A'lampamako mange ri jandana daennu, siagang assikatinroang mako siagang ia. Gaukangi tugasa'nu mae ri ia, nasaba' ikau andi'na bura'nenna. Lanri kammana, akkullemi anggappa daennu turungang.”

KAIMANGNGANG 25:25

Punna nia' tu Israel tu'guru' kasi-asi sa'genna tarpassa nabalukang tampa'na, bija pammanakanna kaminang a'reppeseka musti ampasuluki anjo tampaka.

PAOLE 25:7

Punna taeroka taua a'bunting siagang jandana anjo lapung tau matea sari'battanna, anjo bainea musti a'lampai mange andallekang ri sikamma tau toa-toana kotaya nampa nakana, ‘Taerokai sari'battanna tumate bura'nengku anggaukangi kawajibanna untu' ansarei turungang sari'battanna ri tangnga-tangngana bansa Israel.’

PAOLE 25:8

Nampa sikamma tau toa-toana kotaya musti nakioki anjo taua nampa naagang a'bicara. Punna tuli tenana naero',

PAOLE 25:9

anjo jandana tumate sari'battanna musti nareppesi anjo taua ri dallekanna sikamma tau toa-toana kotaya, naallei sandala'na anjo taua, napi'rui rupanna na nakana, ‘Kammaminne batena musti nigaukang mae ri tau tenaya naero' assare turungang mae ri sari'battanna.’

RUT 2:20

Nakanamo Naomi, “Na', anjo taua bija ma'reppesetta tonji. Iami musti antanggongiki'. Tapporo nibarakkaki laloi ri Batara. Tuli Narupai janjinNa Batara, baji' namae ri tau attallasaka ija kammayatompa mae ri ke'nanga ia mateamo.”

RUT 3:13

Anne bangngia ammantang mako rolong anrinni. Ammuko bari'basa' lakukuta'nangi apaka ero'ji anggaukangi anjo tanggong jawa'na mae ri kau yareka tena. Punna eroki, baji'mi; mingka punna taerokai, a'janjia' lalang arenNa Allata'ala mattallasaka, angkanaya lakugaukangi anjo tanggong jawaka. Kamma-kamma anne attinro mako anrinni sa'genna bari'basa'.”

RUT 3:9

Akkuta'nammi angkana, “Inaiko antu?” Appialimi Rut angkana, “Inakke Rut Bapa'. Ikatte bija ma'reppese'na ikambe ia mustia antanggongi katallassangku. Kupalaki nakirella angngallea' a'jari bainenta.”