RUT 4:11 - KITTA' MATANGKASA'

¹¹ Sikamma tutoa-toana masarakaka siagang tumaraengannaya ia hadereka anjoreng massing angkanami, “Iyo, ikambemi sa'bina. Tapporo nipa'jari anjo bainennu ri Batara sangkamma Rakhel siagang Lea, allassukanga jai ana' untu' Yakub. Tapporo kalumanynyangko ri tangnga-tangngana tau battua ri bijanna Efrata, siagang tapporo alla'bangko niasseng ri Betlehem.

RUT 4:11 Iomraidhean Croise

PA'JARIANG 23:10

Anjo wattua niaki kalenna Efron sitabang ammempo siagang anjo tu Het ri tampa' pa'rappunganga ri pakke'bu' lompona kotaya. Appialimi nanisa'bi ri sikamma tau niaka anjoreng, angkana,

PA'JARIANG 29:16

Anjo Laban nia' rua ana'na baine; toaya niarengi Lea, na andi'na niarengi Rahel.

PA'JARIANG 29:25

Nampami ammukona bari'basa' nanaasseng Yakub angkanaya Lea anjo nabuntingia. Mangemi Yakub ri Laban na nakana, “Angngapa nakipakamma' anjo purina? Sai anjama' untu' ikatte sollanna kugappa Rahel? Angngapa kiballe-balleia?”

PA'JARIANG 29:32

Attianammi Lea nampa allassukang sitau ana' bura'ne. Nakanamo Lea, “Nacini'mi Batara kasusaangku, nakamma-kamma anne lanangaima' bura'nengku.” Nampa naaremmo anjo anaka Ruben.

PA'JARIANG 35:23

Ia ana' battua ri Lea iamintu Ruben (ana' bungasa'na Yakub), Simeon, Lewi, Yehuda, Isakhar, siagang Zebulon.

PA'JARIANG 35:24

Ana'-ana' battua ri Rahel iamintu Yusuf siagang Benyamin.

1 KARAENG-KARAENG 21:8

Annulisi'mi sura' Izebel lalang arenna Ahab nampa nabonei segele'na karaenga anjo suraka. Nampa nakiring anjo suraka mae ri pamimping-pamimping siagang tutoa-toana masarakaka ri Yizreel.

1 PATTOTTORANG 2:51

Salma ana' makaruana, iami ambangungi kota Betlehem; na Haref ana'na makatallua ambangungi kota Bet-Gader.

PAMMUJI 132:6

Ri Betlehem nilangngereki passala' Patti Parjanjianga, nampa nibuntulu' ri parang Yaar.

PANGNGEBARANG 14:1

Pakkalabinianga nibangungi ri kacara'dekanna bainea mingka niruntungi ri kadongokanna.

PANGNGEBARANG 31:23

Masahoroki arenna bura'nenna kalase'renna pamimping kotaya.

MIKHA 5:2

Jari, laNalappassangi Batara nikoasai umma'Na ri musu-musunna ke'nanga, sa'genna baine le'baka nipattantu untu' a'jari anrong ri anjo tumakoasaya, nalassukammi anjo Anaka. Le'baki anjo, sikamma julu bansana niaka ri pammelakkanga lanipakase'rei ammotere' siagang bansana ke'nanga.

MATIUS 2:6

‘Ikau Betlehem, ri pa'rasangang Yudea, Tena sikali naikau kaminang tuna ri alla'na sikamma kota lompo niaka ri Yudea, Nasaba' battu ri kaumi lammumba sitau pamimping eroka ampimpingi ummakKu Israel.’ ”

PAOLE 25:7

Punna taeroka taua a'bunting siagang jandana anjo lapung tau matea sari'battanna, anjo bainea musti a'lampai mange andallekang ri sikamma tau toa-toana kotaya nampa nakana, ‘Taerokai sari'battanna tumate bura'nengku anggaukangi kawajibanna untu' ansarei turungang sari'battanna ri tangnga-tangngana bansa Israel.’

PAOLE 25:9

anjo jandana tumate sari'battanna musti nareppesi anjo taua ri dallekanna sikamma tau toa-toana kotaya, naallei sandala'na anjo taua, napi'rui rupanna na nakana, ‘Kammaminne batena musti nigaukang mae ri tau tenaya naero' assare turungang mae ri sari'battanna.’