RUT 4:1 - KITTA' MATANGKASA'

¹ A'lampai Boas mange ri tampa' passibuntulanga ri pakke'bu' lompona kotaya. Ammemponamo anjoreng, nia'mo allalo sitau bura'ne naassenga Boas angkanaya anjo taua bija ma'reppese' sikalina Elimelekh. Nakio'mi Boas anjo taua angkana, “Sari'battang, mae sako ammempo anrinni.” Battumi anjo taua, nampa ammempo.

RUT 4:1 Iomraidhean Croise

PA'JARIANG 19:1

Le'ba'na nitoana ri Abraham, a'lampami anjo ruaya malaeka' mange ri kota Sodom. Bangngimi nampa battu ke'nanga mange anjoreng. Sitabangi ammempo Lot ri pakke'bu' lompona kotaya anjo wattua. Nacini'na ke'nanga, ammentemmi Lot mange anruppai ke'nanga. Su'ju'mi Lot ri dallekanna ke'nanga,

PA'JARIANG 23:10

Anjo wattua niaki kalenna Efron sitabang ammempo siagang anjo tu Het ri tampa' pa'rappunganga ri pakke'bu' lompona kotaya. Appialimi nanisa'bi ri sikamma tau niaka anjoreng, angkana,

PA'JARIANG 34:20

Nampa a'lampamo Hemor siagang Sikhem ri tampa' pa'rappunganga ri pakke'bu' lompona kotaya. Nampa napabattu mae ri sikontu tuniaka ri anjo kotaya angkana,

2 SAMUEL 15:2

Tunggala' alloi Absalom ambangung bari'basa' nampa ammenteng ri biring aganga ri ampi'na pakke'bu' lompona balla' kakaraenganga. Tunggala' tau eroka ampabattui parkarana mae ri karaenga, nakio' kabusuki siagang nikuta'nangi ri Absalom angkana, “Battu ri suku kemaeko?” Na punna appiali anjo taua angkana, “Battu ri suku anne yareka anjo,”

2 PATTOTTORANG 18:9

Anjo wattua massing napakei Ahab siagang Yosafat pakeang kalompoanna, ammempo ri empoang kakaraenganga ri ampi'na panggilingang gandunga ri dallekanna pakke'bu' lompona Samaria, nampa battu sikamma na'bia ampabattui kana tappuna ke'nanga.

AYUB 29:7

Punna sipammempoang sikamma tutoa-toana kotaya, niaka' ammempo ri tangnga-tangngana ke'nanga,

AYUB 31:21

Ebara' angkana le'baka' anjallakkangi ana' kukanga, lanri tappakku angkana lammeta' ri parkaraku,

PAMMUJI 69:12

Ammakea' kaeng karung pammatei ri susaku, mingka napianderia' ke'nanga.

PANGNGEBARANG 31:23

Masahoroki arenna bura'nenna kalase'renna pamimping kotaya.

YESAYA 55:1

Nakana Batara, “Mae ngasengko sikamma tau turerea, angnginung mako battu ri je'ne' nipasadiaya. Battu mako mae tau tenaya doe'na tarimai gandunga nuta'bayarra, siagang angnganre mako! Anggoroka siagang dadika sadiai, alle bawang-bawammi.

AMOS 5:15

Kabirisi kaja'dallanga, siagang mangngaiko ri kabajikanga, paentengi kaadelanga. Gassingka laNakamaseangi Batara sikamma tau tassesaya battu ri bansa Israel.

ZAKHARIA 2:6

Nakana Batara mae ri umma'Na, “Le'bakko Kupasiara' mae ri kere-keremae. Mingka kamma-kamma anne, ikau sikamma tau nipelaka a'lampako ampilari Babel siagang ammotere' mako mange ri Yerusalem.

PAOLE 16:18

“Ri tunggala' kota Napassareanga Karaeng Allata'alanu mae ri kau, musti angngangkakko haking-haking siagang patugasa'-patugasa' maraengannaya untu' angngadeli kara-karana ra'yaka siagang adele'.

PAOLE 17:5

anjo tau salaya musti nierangi assulukang ri pantaranna kotaya nampa nisambila batu sa'genna mate.

PAOLE 21:19

Anjo tau toana musti naerangi anjo ana' kammaya mae ri sikamma tau-tau toana anjo kota napammantangngia ke'nanga sollanna niadeli anjo anaka.

PAOLE 25:7

Punna taeroka taua a'bunting siagang jandana anjo lapung tau matea sari'battanna, anjo bainea musti a'lampai mange andallekang ri sikamma tau toa-toana kotaya nampa nakana, ‘Taerokai sari'battanna tumate bura'nengku anggaukangi kawajibanna untu' ansarei turungang sari'battanna ri tangnga-tangngana bansa Israel.’

YOSUA 20:4

Akkullei lari mange ri kalase'renna anjo kotaya, siagang a'lampa mange ri pangadelanga ri pakke'bu' lompona anjo kotaya, nampa napakasingara' anjoreng mae ri sikamma pamimpinga apa le'baka kajariang. Lanipa'biangi ri pamimping-pamimping niaka anjoreng untu' antama' ri anjo kotaya, siagang lanasarei pammantangngang.

RUT 3:12

Memang, kammatojengi angkanaya inakke musti antanggongi katallassannu, nasaba' inakke bija ma'reppese'nu. Mingka nia' ija maraengannaya musti antanggongi katallassannu. Siagang ia bija la'bi a'reppesangngang na inakke.

RUT 3:18

Nampa nakanamo Naomi, “Tayang mami na', sa'genna nucini' antekamma sallang kale'bakkanna anne passalaka. Tena nala'mereki Boas punna tena napa'le'baki Boas anne passalaka, ia memang anne alloa.”