RUT 3:9 - KITTA' MATANGKASA'

⁹ Akkuta'nammi angkana, “Inaiko antu?” Appialimi Rut angkana, “Inakke Rut Bapa'. Ikatte bija ma'reppese'na ikambe ia mustia antanggongi katallassangku. Kupalaki nakirella angngallea' a'jari bainenta.”

RUT 3:9 Iomraidhean Croise

LUKAS 14:11

Nasaba' inai-nai ampakalompoi kalenna, iami lanipakatuna, mingka inai-nai ampakatunai kalenna, iami lanipakalompo.”

RUT 2:20

Nakanamo Naomi, “Na', anjo taua bija ma'reppesetta tonji. Iami musti antanggongiki'. Tapporo nibarakkaki laloi ri Batara. Tuli Narupai janjinNa Batara, baji' namae ri tau attallasaka ija kammayatompa mae ri ke'nanga ia mateamo.”

RUT 3:10

Nakanamo Boas, “Tapporo Nabarakkakiko Batara anakku. Punna nipasinrapangi apa le'baka nugaukang mae ri matoang bainenu, anne apa nugaukanga ri kamma-kammaya anne ma'nassa la'bi lompoangangi pole pangngainu. Akkullejako a'boya bura'ne ia la'bi rungkangnganga ri tau kalumanynyanga yareka tu kasi-asia, mingka tena nanugaukangi anjo kammaya.

RUT 3:12

Memang, kammatojengi angkanaya inakke musti antanggongi katallassannu, nasaba' inakke bija ma'reppese'nu. Mingka nia' ija maraengannaya musti antanggongi katallassannu. Siagang ia bija la'bi a'reppesangngang na inakke.

RUT 3:8

Ri tangngana bangngia ti'ring ambangummi Boas na ero' anggiling. Ta'bangkami nacini'na nia' sitau baine attinro ri ampi' bangkenna.

RUT 4:4

Nakupikkiriki, musti nuassengi anne passalaka. Punna erokka' amballi, paumi ri dallekanna anne tuniaka ammempo anrinni. Punna tena, paumi silambusu'na, nasaba' ikatteji bawang sipa'rua koasa ri anjo tanaya; ikau rolong nampa inakke.” Appialimi anjo taua angkana, “Iyo, lakuballi.”

RUT 4:6

Appialimi anjo taua angkana, “Punna kamma, takukulleai. Kamma-kamma anne baji'mi nakulappassang anjo koasaku salaku tu rioloanganga akkulle amballi anjo tanaya. Tena matu-matunna kuballi anjo tanaya, nasaba' attantui angkanaya anjo tanaya takkulleai a'jari pisaka mae ri turungangku. Bajikangngang ikattemo amballi.”

1 SAMUEL 25:41

Ammentemmi nai' Abigail nampa su'ju' siagang nakana, “Inakke anne atanna' Daud, sadia' ambissai bangkenna sikamma atanna.”