RUT 3:2 - KITTA' MATANGKASA'

² Sai siagangko bai'-bainea anjama ri kokonna Boas? Anjo Boas bijanta tonji. Jari, pilangngeri kanangku! Anne bangngia la'lampai mange anggiling gandung ri kokonna.

RUT 3:2 Iomraidhean Croise

PA'JARIANG 50:10

Ri wattunna anrapi' ke'nanga ri tampa'na tau appatunrunga gandung, iamintu ri Goren-Haatad, irayanganna Binanga Yordan, appiraung lompomi ke'nanga napakamma si'na. Appare'mi Yusuf acara kasusaang tuju allo sallona.

RUT 2:1

Nia' bijanna Naomi battua ri tumate bura'nenna, Elimelekh. Anjo taua kalumanynyangi siagang nikangalikangi. Arenna iamintu Boas.

RUT 2:8

Nampa nakanamo Boas mae ri Rut, “Pilangngeria' rolong. Tea' mako a'lampai mange anrappung ri kokonna tu maraenga. Anrinni mako anrappung siagang bai'-baine pajamaku. Parhatikangi kemae ke'nanga akkatto. Tuli pinawangi ke'nanga siagang teako bellai battu ri ke'nanga. Punna turereko, angngalle mako je'ne' battu katoang-katoang le'baka nabonei pajama bura'-bura'nea. Le'ba'mi kuparentakang ke'nanga sollanna tena nanagangguko.”

RUT 3:1

Siapa are sallona ribokoanganna, nakanamo Naomi mae ri Rut, “Musti usaha' ampa'bura'neko poleang siagang numate'ne.

RUT 3:3

A'je'ne' mako kamma-kamma anne nampa ammakeko minynya'-minynya' mabau', siagang pakemi pakeannu kaminang ga'gaya. Nunampa a'lampa mange ri tampa' napanjamaia Boas anggiling gandung. Tayangi anjoreng sa'genna le'ba' angnganre siagang angnginung, mingka tea' lalo naassengi angkanaya niakko anjoreng.