RUT 3:12 - KITTA' MATANGKASA'

¹² Memang, kammatojengi angkanaya inakke musti antanggongi katallassannu, nasaba' inakke bija ma'reppese'nu. Mingka nia' ija maraengannaya musti antanggongi katallassannu. Siagang ia bija la'bi a'reppesangngang na inakke.

RUT 3:12 Iomraidhean Croise

MATIUS 7:12

Gaukammi ri parannu tau apa nungaia lanagaukang parannu tau ri kalennu. Iaminjo hukkung napabattua Musa, siagang pangngajaranna na'bi-na'bia.”

1 TESALONIKA 4:6

Ri anne passalaka, tea' laloko niakki appanggaukang sala yareka annipu mae ri sari'battanna. Pirangalloang le'ba'mi napau sitojeng-tojenna ikambe mae ri kau ngaseng angkanaya laNahukkungi Batara sikontu tau anggaukangai kasalang kammaya anjo.

RUT 2:20

Nakanamo Naomi, “Na', anjo taua bija ma'reppesetta tonji. Iami musti antanggongiki'. Tapporo nibarakkaki laloi ri Batara. Tuli Narupai janjinNa Batara, baji' namae ri tau attallasaka ija kammayatompa mae ri ke'nanga ia mateamo.”

RUT 3:11

Lanri kammana, tea' mako batai Rut. Sikontu anjo apa nupalaka lakugaukangi; nasaba' sikontu taua ri anne kotaya naassemmi angkanaya ikau tau baji' pa'maikko.

RUT 3:13

Anne bangngia ammantang mako rolong anrinni. Ammuko bari'basa' lakukuta'nangi apaka ero'ji anggaukangi anjo tanggong jawa'na mae ri kau yareka tena. Punna eroki, baji'mi; mingka punna taerokai, a'janjia' lalang arenNa Allata'ala mattallasaka, angkanaya lakugaukangi anjo tanggong jawaka. Kamma-kamma anne attinro mako anrinni sa'genna bari'basa'.”

RUT 4:1

A'lampai Boas mange ri tampa' passibuntulanga ri pakke'bu' lompona kotaya. Ammemponamo anjoreng, nia'mo allalo sitau bura'ne naassenga Boas angkanaya anjo taua bija ma'reppese' sikalina Elimelekh. Nakio'mi Boas anjo taua angkana, “Sari'battang, mae sako ammempo anrinni.” Battumi anjo taua, nampa ammempo.

RUT 4:4

Nakupikkiriki, musti nuassengi anne passalaka. Punna erokka' amballi, paumi ri dallekanna anne tuniaka ammempo anrinni. Punna tena, paumi silambusu'na, nasaba' ikatteji bawang sipa'rua koasa ri anjo tanaya; ikau rolong nampa inakke.” Appialimi anjo taua angkana, “Iyo, lakuballi.”