RUT 2:20 - KITTA' MATANGKASA'

²⁰ Nakanamo Naomi, “Na', anjo taua bija ma'reppesetta tonji. Iami musti antanggongiki'. Tapporo nibarakkaki laloi ri Batara. Tuli Narupai janjinNa Batara, baji' namae ri tau attallasaka ija kammayatompa mae ri ke'nanga ia mateamo.”

RUT 2:20 Iomraidhean Croise

2 SAMUEL 2:5

akkirimmi tunisuro mange anjoreng angngerang pasang angkana, “Dasi-dasi Nabarakkaki ngasengko Batara, lanri nupappicinikanna tamamminrana pa'mai'nu mae ri karaennu, iamintu lanri nutarawanna maya'na.

2 SAMUEL 9:1

Ri se'reang allo akkuta'nangi Daud angkana, “Nia' ija bijanna Saul attallasa'? Punna nia' erokka' a'gau' baji' mae ri ia lanri Yonatan.”

AYUB 19:25

Kuassengi angkana nia' Mappatojengku ri suruga; kale'bakkanna labattui antulunga'.

PANGNGEBARANG 17:17

Se'rea sahaba' tuli tamamminrana mae ri aganna, se'rea sari'battang amminawang tongi antanggongi kasusaanga.

KAIMANGNGANG 25:25

Punna nia' tu Israel tu'guru' kasi-asi sa'genna tarpassa nabalukang tampa'na, bija pammanakanna kaminang a'reppeseka musti ampasuluki anjo tampaka.

FILIPI 4:10

Lalang asse'rena tallasakku siagang Batara, a'jari sannang sikali nyawaku; nasaba' siapa sallona, kamma-kamma anne nisare mako pole kasampatang untu' annawa-nawai katallassangku. Mingka nakukkana kamma, tena nakukana le'baka' nukaluppai; memang nuparhatikanga', mingka siapa sallona tena nunggappa kasampatang ampappicinikangi.

RUT 2:21

Nampa nakanamo pole Rut, “Amma', nakana pole anjo taua akkullea' anrappung turus gandung siagang sikamma pajamana sa'genna le'ba' sikontu wassele' kokonna nikatto.”

RUT 3:12

Memang, kammatojengi angkanaya inakke musti antanggongi katallassannu, nasaba' inakke bija ma'reppese'nu. Mingka nia' ija maraengannaya musti antanggongi katallassannu. Siagang ia bija la'bi a'reppesangngang na inakke.

RUT 4:14

Nakanamo sikamma bai'-bainea mae ri Naomi, “Nipujimi Batara! Iami assareko sitau cucu bura'ne anne alloa untu' amparakaiko. Poro a'jari masahoro' anjo anaka ri Israel!

RUT 4:4

Nakupikkiriki, musti nuassengi anne passalaka. Punna erokka' amballi, paumi ri dallekanna anne tuniaka ammempo anrinni. Punna tena, paumi silambusu'na, nasaba' ikatteji bawang sipa'rua koasa ri anjo tanaya; ikau rolong nampa inakke.” Appialimi anjo taua angkana, “Iyo, lakuballi.”

RUT 4:6

Appialimi anjo taua angkana, “Punna kamma, takukulleai. Kamma-kamma anne baji'mi nakulappassang anjo koasaku salaku tu rioloanganga akkulle amballi anjo tanaya. Tena matu-matunna kuballi anjo tanaya, nasaba' attantui angkanaya anjo tanaya takkulleai a'jari pisaka mae ri turungangku. Bajikangngang ikattemo amballi.”