RUT 2:14 - KITTA' MATANGKASA'

¹⁴ Ri wattu narapi'namo wattu pangnganreang, nakanamo Boas mae ri Rut, “Maeko angnganre. Anne je'ne' gangang pa'bale.” Angnganremi Rut siagang sikamma pakattoa. Nisare tommi gandung nisanggaraka ri Boas. Angnganremi Rut sa'genna bassoro'. Le'baki angnganre, nia' ija tassesa.

RUT 2:14 Iomraidhean Croise

2 SAMUEL 17:28

battu ri Rogelim ri Gilead.

PAMMUJI 23:5

Kipasadianga' passua'-suarrang ri dallekang matanna balingku. Kiruppaia' sangkamma toana lompoa. Kipatalanga' inungang bajika siagang alla'bi-la'bia.

YESAYA 32:8

Mingka tau la'birika akkala' baji'na, la'biriki apa-apa narancanakanga siagang la'biri' tongi tindakanna.

YESAYA 58:7

Bagei kanrenu siagang tau cipuruka, tarimai sikamma tau tenaya balla'na ri balla'nu. Sarei care-care tau assolaraka, siagang teako tollaki sari'battannu punna parallu nitulung.

MATIUS 14:20

Angnganre ngasemmi ke'nanga sa'genna bassoro'. Le'baki angnganre ke'nanga, napasse'remi ana'-ana' gurunNa Isa sikamma kanre niaka tassesa; nia' sampulo anrua baku' rassi ngaseng anjo kanre alla'bia.

PAOLE 11:15

kammayatompa rukuka untu' olo'-olo' piaranu. Sikontu kanre-kanreang nuparalluia lasadia ngasengi untu' ikau.

PAOLE 8:10

Langnganreko sa'genna sukku' pa'mai'nu siagang sukkuru' mae ri Karaeng Allata'alanu lanri anjo butta coppong Napassareanga mae ri kau.”

RUT 2:13

Appialimi Rut angkana, “Teai sipato' bajitta mae ri nakke Bapa', manna natena kusangkamma siagang pajama-jamata. Anjo somberetta teai sipato' nasaleorinna atingku.”

RUT 2:15

Nampa a'lampamo pole Rut mange anrappung gandung. A'lampanamo, nakanamo Boas mae ri sikamma pakattoa, “Punna anrappungi gandung le'bakamo nisikko'-sikko', lappassangi mange. Teako pakasiriki yareka teako kalarroi. Pakkunjungiammi ambi'buki tassike'de'-ke'de' battu ri anjo le'bakamo nisikko'-sikko', nanutu'gurang untu' ia sollanna nanarappungi.”

RUT 2:18

Nampa ammotere'mo mange ri kotaya angngerangi anjo apa nagappaya nanapaccinikang matoanna siapa jaina napasse're. Siagang nasareang tommi matoanna anjo kanre tenaya nala'busuki ri wattunna angnganre.

1 SAMUEL 17:17

Ri se'reang allo nakanamo Isai ri Daud, “Allei anne sampuloa kilo biralle tunu siagang sampulo batu roti, nampa nuerang mange ri sikamma daennu niaka ri kemana tantaraya.

1 SAMUEL 25:18

Jari akkaro-karomi Abigail angngalle ruambilangngang roti, siagang pammoneang rassia anggoro', limang kayu gimbala' nilangga, sampulo antuju kilo battala'na gandung, sibilangngang tangkenna anggoro' kalotoro' kammayatompa ruambilangngang kanrejawa ara. Yangasenna anjo nilurammi irate ri sikamma keledaina.