RUT 2:13 - KITTA' MATANGKASA'

¹³ Appialimi Rut angkana, “Teai sipato' bajitta mae ri nakke Bapa', manna natena kusangkamma siagang pajama-jamata. Anjo somberetta teai sipato' nasaleorinna atingku.”

RUT 2:13 Iomraidhean Croise

PA'JARIANG 32:6

Ri wattunna ammotere' sikamma anjo tunasuroa Yakub, nakanamo ke'nanga, “Battumi ikambe ri Esau, daenta, nakamma-kamma anne niaki lalang pa'jappang, ero' battu mae ambuntuliki'. Battui mae sirurungang patambilangngang tau.”

PA'JARIANG 33:10

Nakanamo Yakub, “Teaki'! Punna sannang atinta ri nakke Daeng, kitarima laloi anne passareku. Untu' inakke punna kuciniki tanjatta sanrapangi kucini' tanja'Na Allata'ala, lanri bajitta mae ri nakke.

PA'JARIANG 33:15

Nakanamo Esau, “Baji'mi punna kamma. Lakuboliki siapa are jaina ana' buaku nania' nuagang.” Mingka appialimi Yakub angkana, “Tea' maki' susa-susai, ero'naji kupakasannang atinta.”

PA'JARIANG 33:8

Akkuta'nammi Esau angkana, “Apa ero'nu ri anjo sikamma pa'rappungang kubuntuluka sumpadeng?” Appialimi Yakub angkana, “Untu' ampakasannangi atinta Daeng.”

PA'JARIANG 34:3

Mingka sanna'mi ero'na ri Dina, sa'genna tu'guru' pangngai ri ia. Nausahaimi sollanna ero' todong anjo tuloloa ri kalenna.

PA'JARIANG 43:14

Poro Allata'ala Kaminang Koasaya ampagioki atinna anjo guburnurka, natu'guru' mangngamaseang mae ri kau ngaseng, sa'genna napoterang Benyamin siagang Simeon mae ri kau ngaseng. Ia inakke anne, punna paleng musti tappelaki ana'-anakku, tanjeng mama' ri Allata'ala.”

2 SAMUEL 16:4

Nampa nakanamo karaenga ri Ziba angkana, “Appakkaramula kamma-kamma anne sikontu barang-baranna Mefiboset ikau ngasemmi pata.” Appialimi Ziba angkana, “Tarima kasi karaeng. Dasi-dasi natuli sannang pa'maitta mae ri atanta karaeng!”

PANGNGEBARANG 15:33

Mallaka mae ri Batara, iami dasara'na ajarang bajika; kala'biranga nipirioloi ri matuna pa'maika.

HOSEA 2:16

Nampa iNakke lanakio' bura'nenna, teaimi Rewata Baalka.

FILIPI 2:3

Teako na lanri kaparalluang kalennu nanugaukang se'rea jama-jamang, yareka lanri ero'na nupattampo-tampoang kalennu. Mingka paralluko massing tuna pa'mai', nanucini' bajikangang taua na kalennu.

HAKING-HAKING 19:3

a'lampami anjo tu Lewia ampinawangi untu' anynyonyoki sollanna ammotere' mae ri ia. A'lampana, angngerangi sitau suro siagang ruang kayu keledai. Battui mange anjoreng, nierammi ri bainenna mange ri manggena. Nicini'na ri manggena anjo bainea, niruppaimi siagang rannu pa'mai'na,

RUT 2:12

Tapporo Nabalasa' lalo Batara kabajikannu. Tapporo nutarima lalo apa siratanga Napassareang Batara, Allata'alana Israel, nasaba' battu mako untu' appala' pa'la'langngang mae ri Ia!”

RUT 2:14

Ri wattu narapi'namo wattu pangnganreang, nakanamo Boas mae ri Rut, “Maeko angnganre. Anne je'ne' gangang pa'bale.” Angnganremi Rut siagang sikamma pakattoa. Nisare tommi gandung nisanggaraka ri Boas. Angnganremi Rut sa'genna bassoro'. Le'baki angnganre, nia' ija tassesa.

1 SAMUEL 1:18

Appialimi Hana angkana, “Poro kipappala'-palakkanga' bapa'.” Nampa a'lampamo, namange angnganre. Tenamo nasi'na pa'mai'na.

1 SAMUEL 25:41

Ammentemmi nai' Abigail nampa su'ju' siagang nakana, “Inakke anne atanna' Daud, sadia' ambissai bangkenna sikamma atanna.”