RUT 2:12 - KITTA' MATANGKASA'

¹² Tapporo Nabalasa' lalo Batara kabajikannu. Tapporo nutarima lalo apa siratanga Napassareang Batara, Allata'alana Israel, nasaba' battu mako untu' appala' pa'la'langngang mae ri Ia!”

RUT 2:12 Iomraidhean Croise

PAMMUJI 17:8

Kiparakaia' sanrapang lisere' matanTa, kicokkoa' lalang ri la'lanna ka'nyitTa

PAMMUJI 19:11

Lompoangangi anggaranna HukkunNa Batara na bulaeng ti'no', te'neangangi naje'ne' bani tenaya bengkoro'na.

PAMMUJI 36:7

KabajikanTa ammentengi nai' santinggi monconga, kaadelanTa sangkamma lantanna tamparang lompoa; Kiparakai rupataua siagang olo'-oloka, o, Batara.

PAMMUJI 57:1

Untu' pamimping pakelong. Situru' lagu: TeaKi' papossoki. Pammujina Daud, ri wattunna lari antama' ri kali'bong batua alliliangi Saul.

PAMMUJI 58:11

Rannui tau lambusuka anciniki tau ja'dalaka nihukkung, na nabissai bangkenna lalang cera'na tau dorakaya.

PAMMUJI 61:4

saba' iKattemi pa'la'langangku, tampa' attahang kassakku mae ri musungku.

PAMMUJI 63:7

Ri wattu anra'baku ri tampa' katinroangku, kumangngu'rangi ri Katte; sila'busu' bangngia' annawa-nawaKi',

PAMMUJI 91:4

LaNatongkokko siagang ka'nyi'Na, sa'gennu amang lalang ri la'lanNa; nyawa tamamminraNa sanrapangi pa'lapa' ri batangkalennu anjagaiko.

PANGNGEBARANG 11:18

Kaupakkanna tau ja'dalaka iamintu kaupakkang takontutojeng, kaupakkanna tau a'gau' bajika iami kaupakkang sitojennaya.

PANGNGEBARANG 23:18

sollanna baji' allo ri bokonu, siagang tena natappela' panrannuannu.

YEREMIA 31:16

Pammari karru'nu, lu'luki je'ne matannu! Tena nalasia-sia posonu mae ri ana'-ana'nu. Lania' passawallang mae ri kau, ana'-ana'nu ammotereki battu ri pa'rasanganna musua.

MATIUS 23:37

“O Yerusalem, O Yerusalem! Kau ambunoi na'bi-na'bia. Nusambilai batu sikamma tunisuroNa Allata'ala sa'genna mate. A'mole-moleMa' ero' anraka' ngasengko sanrapang anrong janganga ancokkoi ana'-ana'na irawangang ka'nyi'na. Mingka tena ngaseng nuero'!

MATIUS 5:12

Kasukkurangi siagang karannuangi, nasaba' lompoangangi pahala lanutarimaya sallang battu ri Allata'ala. Kamma tomminjo batena nisessa na'bi-na'bi le'baka battu rioloangannu.”

MATIUS 6:1

“U'rangi, teako gaukangi apa napassuroanga agamanu ri dallekanna tau jaia, lanri ero'nu ampappiassengangi ri tau jaia. Punna kamma anjo batenu appanggaukang, mattantu tena nulanggappa pahala battu ri Allata'ala Manggenu niaka ri suruga.

LUKAS 6:35

Sikontutojenna takammayai anjo! Mingka musti nukamaseangi musunnu, siagang a'gau' bajikko ri ke'nanga. Musti nusarei taua angnginrang, siagang teako attayangi lanipoterangngang. Punna kamma anjo batenu, lompoi pahala lanugappaya, siagang la'jari mako ana'-ana'Na Allata'ala Kaminang Tinggia. Nasaba' baji' pa'maiki Allata'ala mae ri tau tenaya nangngasseng appala' sukkuru', kammayatompa baji' pa'maiki mae ri tau ja'dalaka.

KOLOSE 2:18

Teako pa'biangi kalennu nipakarugi ri tau assara-saraia napakatuna kalenna siagang anynyombaya malaeka'-malaeka'. Anjo tau kammaya tampoi ri pikkirang-pikkirang pakkalinoanga siagang napa'borro-borroangi apa tasamara' le'baka nacini' ke'nanga;

2 TIMOTIUS 1:18

Siagang ri wattungku ri Efesus jai sikalimi natulunganga'. Yangasenna anne nuasseng ngasemmi. Poro Napappicinikang laloi pangngamaseanNa Batara mae ri ia, ri allo niadelina ngaseng sikontu rupataua ri Batara.

2 TIMOTIUS 4:8

Na kamma-kamma anne sadiami hadia pammetangku. Ri Allo Kiamaka sallang, laNapassareammi Batara, Haking adeleka, anjo hadiaya mae ri nakke, lanri assibajikingku siagang Allata'ala lalang ri katallassangku. Siagang teai inakkeji bawang lannarima hadia kammaya anjo, mingka sikontu pole tau sannaka nakku'na antayangi kabattuanNa Batara.

IBRANI 11:26

Naassengi Musa angkanaya la'bi lompoangangi anggaranna nipakatunaya lanri Karaeng Mappasalama' Napa'janjianga Allata'ala, naia anggappaya sikamma kakalumanynyangang battu ri butta Mesir; nasaba' pahala untu' allo ri bokoa narannuang Musa.

IBRANI 11:6

Takkulleai taua ampakasannangi atinNa Allata'ala, punna tena natappa' ri Allata'ala. Nasaba' inai-nai battu mae ri Allata'ala, musti tappaki angkanaya ma'nassa nia' Allata'ala, kammayatompa angkana laNasarei pa'balasa' Allata'ala sikamma tau amboyayai.

IBRANI 6:10

Anjo Allata'ala teai Allata'ala tangngassenga adele'. TaNakaluppaiyai apa-apa le'baka nugaukang mae ri Ia siagang pangngamaseang le'baka nupappicinikang mae ri Ia ri wattunna nutulung sikamma julu tappatta, baji' na riolo, yareka na ri kamma-kammaya anne.

RUT 1:16

Mingka appialimi Rut angkana, “Teaki' suroia' ammotere' siagang ambokoiki' amma'! Eroka' amminawang ri katte. Kemae-kemae kilampai, anjoreng tommi lakulampai. Kemae-kemaeki' ammantang anjoreng tomma' lammantang. Bansata, iatommi bansaku. Allata'ala kisombaya, iatommi lakusomba.

RUT 2:11

Appialimi Boas angkana, “Le'ba'mi kulangngere' ngaseng sikamma apa le'baka nugaukang mae ri matoang bainenu appakkaramula ri matenamo bura'nennu. Kuassemmi angkanaya nubokoimi tau toanu siagang pa'rasangannu untu' battu mae anrinni ammantang siagang tau tenaya ngasempa nuassengi.

RUT 2:13

Appialimi Rut angkana, “Teai sipato' bajitta mae ri nakke Bapa', manna natena kusangkamma siagang pajama-jamata. Anjo somberetta teai sipato' nasaleorinna atingku.”

RUT 4:15

Anjo mintunnu sanna nasayannu. Nasare mako apa la'biangngang na apa akkullea napassareang tujua ana'-ana' bura'nenu. Kamma-kamma anne nasare mako pole sitau cucu bura'ne, lassareako sumanga' beru, siagang amparakaiko ri wattu toanu.”

1 SAMUEL 24:19

Langkara' sikali nia' tau assibuntulu' siagang musunna nampa naboli' attallasa' anjo musunna! Jari, tapporo Nabarakkakiko Batara lanri anjo panggaukang baji'nu anne alloa mae ri nakke!

1 SAMUEL 24:20

Kamma-kamma anne tappa'ma' angkanaya ikau la'jari karaeng ri Israel, siagang angkanaya lakassaki kakaraenganna Israel irawangang parentanu.