RUT 1:6 - KITTA' MATANGKASA'

⁶ Siapa are wattu ribokoanganna, nalangngere' kabara'mi Naomi angkanaya nibarakkakimi umma' Israel ri Batara, na baji'mo wassele' lamung-lamunna ke'nanga. Lanri kammana, apparurumi Naomi siagang anjo ruaya ana' mintunna untu' ambokoi Moab.

RUT 1:6 Iomraidhean Croise

PA'JARIANG 21:1

Nibarakkakimi Sara ri Batara, situru' apa le'baka Napa'janjiang.

PA'JARIANG 28:20

Nampa assumpamo Yakub angkana, “Punna Natulunga' siagang Najagaia' Batara lalang ri anne pa'lampangku, siagang Nasarea' kanre siagang pakeang,

PA'JARIANG 48:15

Le'baki anjo nabarakkakimi Yusuf, nakana, “Allata'ala, Iami Batara napakalompoa Abraham siagang Ishak, Iami anrurunganga' sa'genna kamma-kamma anne;

PA'JARIANG 50:25

Nampa nasuromo Yusuf sikamma bija pammanakanna assumpa angkana, “A'janji mako ri nakke, angkanaya punna Napimpingko Allata'ala mange ri anjo pa'rasanganga, lanuerang tongi mayakku.”

PAMMUJI 102:14

LambangungKi' na Kikamaseang Sion, narapi'mi wattunTa untu' mangngamaseang ri ia.

PAMMUJI 111:5

Nasarei dalle' tau mappilangngeria, siagang tuli Nau'rangi parjanjianNa.

PAMMUJI 132:15

Sikontu kaparalluanna laKusarei alla'bi-la'bi, tu kasi-asina laKusarei kanre sa'genna bassoro'.

PAMMUJI 145:15

Sikontu apa apa attallasaka manrannuangi ri Katte; Kisarei ke'nanga kanre punna narapi' wattunna.

PAMMUJI 146:7

Naalleangangi ha'na sikamma tau nijallakkanga, na Nasare kanre tau cipuruka. Batara allappassangi sikamma tunitahanga,

PAMMUJI 147:14

Ia anjagai daeranu sollanna tuli amang, ampakabassorokko siagang gandung kaminang bajika.

KALAPPASSANG 3:16

A'lampamako siagang passe'rei sikontu pamimpinna tu Israel. Pa'la'bangi pauang ke'nanga angkana iNakke, Batara, Allata'alana boe-boena ke'nanga, Allata'alana Abraham, Ishak siagang Yakub, le'ba'mi Kupappicinikang KalengKu mae ri kau. Pauangi ke'nanga angkanaya battuMa' mae ri ke'nanga siagang Kucini'mi antekamma batena nigau' ke'nanga ri bansa Mesir.

KALAPPASSANG 4:31

Jari tappa'mi ke'nanga; siagang nalangngere'namo ke'nanga angkanaya Naparhatikammi Batara bansa Israel kammayatompa Nacini'mi sikamma kasessanna ke'nanga, su'ju'mi ke'nanga anynyomba.

PANGNGEBARANG 30:8

Tena lalo kupaui kana-kana jekkonga siagang a'balle-ballea, siagang teaKi' lappassangia' a'jari kasi-asi yareka akkalumanynyang. Kisarea' apa kuparalluanga bawang.

YESAYA 55:10

Rapang bosi turunga battu ri langi', na tammotera nai', passangalinna nabasai buttaya, napakacoppongi siagang napattimboi lamung-lamunga, assarei wassele' untu' nipakioro' siagang untu' nikanre,

YEREMIA 29:10

Nakana Batara, ‘Punna ganna'mo wattua tujupulo taung untu' Babel, laKuparhatikangko pole ammotere', siagang laKurupai janjingKu untu' angngerangko ammotere' mae ri anne tampaka.

YO"EL 2:19

Appialimi ri ke'nanga kamma anne, “Kamma-kamma anne Kusare ngasengko: gandung, anggoro' siagang minynya' zaitun untu' kanre-kanreang, sollannu nibassori ngaseng. Tena nalaKupa'biangko nihina yareka nikakkali ri bansa-bansaya.

ZEFANYA 2:7

Pandudu'na Yehuda akkullea ta'lappasa' lanaempoi anjo daeranu. Lakkalawaki olo'-olo' ke'nanga anjoreng ri tampaka, siagang punna bangngi latinroi ke'nanga ri balla'na tu Askelon. Nasaba' Batara, iamintu Allata'alana ke'nanga, lanjagai pole ke'nanga siagang laNapa'jari ke'nanga akkalumanynyang poleang.

MATIUS 6:11

Kisarei ikambe anne alloa apa naparalluanga ikambe.

LUKAS 1:68

“Umba kimammuji ri Batara, Allata'alana bansa Israel! Battumi antulungi umma'Na na Nalappassang ke'nanga.

LUKAS 19:44

Lanaancurukko siagang sikontu bonenu; na tenanniakka manna sibatu batu tela lanakellai ammantang tassusung ri tampa'na, lanri tenana nanujampangi ri wattunna battu Allata'ala untu' ampasalamakko!”

1 TIMOTIUS 6:8

Jari, punna nia'mo nikanre siagang nipake, angganna'mi anjo.

1 PETRUS 2:12

Musti sannaki nubajikinna panggaukannu ri tangnga-tangngana tau tenaya naassengi Batara. Sollanna punna napitinako ke'nanga angkana tau ja'dalakko, mingka musti napakkontutojengi panggaukang-panggaukang baji'nu; sa'genna lanapuji sallang ke'nanga Allata'ala, ri allo kabattuanNa.

RUT 1:5

mate tommi anjo ruaya ana' bura'nena Naomi, sa'genna nibokoimi Naomi baji' na bura'nenna kammayatompa rua ana' bura'nena.

RUT 1:7

A'lampami ke'nanga a'rurung ammotere' mange ri Yehuda. Ri tangngana aganga,

1 SAMUEL 2:21

Nibarakkakimi Hana ri Allata'ala, sa'genna allassukang pole tallu ana' bura'ne siagang rua ana' baine. Na Samuel pila' a'bakka' tommi lompona lalang allayanina ri Allata'ala.