RUT 1:22 - KITTA' MATANGKASA'

²² Kammaminjo riwaya'na Naomi ri ammotere'na battu ri Moab siagang mintunna iamintu Rut, anjo tu battua ri Moab. Wattu appakkaramulai taua akkatto gandung nabattu ke'nanga mange ri Betlehem.

RUT 1:22 Iomraidhean Croise

2 SAMUEL 21:9

Nipassareangi ke'nanga mae ri tu Gibeon, nampa mate kabusu'mo ke'nanga nigentung irate ri bontoa ri dallekanNa Batara. Ri wattu kala'busanna wattu paccu'lakkanna lamung-lamunga nanihukkung mate ke'nanga, iamintu ri wattu appakkaramulana taua angngalle jelai.

KAIMANGNGANG 23:11

Ri allo le'ba'namo Allo Pammari-marianga, imanga musti napassareangi anjo gandunga salaku passare nipappicinikang mae ri Batara, sollanna sannang Batara mae ri kau.

RUT 2:23

Lanri kammana anjo, Rut tuli amminawammi ri sikamma baine pajamaya ri kokonna Boas. Anrappummi gandung anjoreng sa'genna le'ba' ngaseng nikatto gandunga – baji' nakattoang bungasaka kammayatompa kattoang ri boko dudua. Na lalang sikammaya anjo sallona ammantangi Rut siagang matoang bainena.

RUT 2:6

Appialimi anjo mandoroka angkana, “Baine bansa Moab beru battua siagang Naomi battu ri pa'rasangang Moab.