RUT 1:15 - KITTA' MATANGKASA'

¹⁵ Akkanami Naomi mae ri ia, “Rut, cinissai! Ammotere'mi lagonu mange ri bansana siagang ri rewata-rewatana. Ikau pole ammotere' tommako na', pinawammi ammotere'!”

RUT 1:15 Iomraidhean Croise

2 KARAENG-KARAENG 2:2

nampa ri tangngana aganga nakanamo Elia mae ri Elisa, “Ammantangko anrinni. Nasuroa' Batara a'lampa mange ri Betel.” Mingka appialimi Elisa angkana, “Lanri Batara mattallasaka siagang lanri nyawata bapa', tena nakuero' ambokoiki'.” Jari siagammi ke'nanga ampatulusuki lampana sa'genna mange ri Betel.

PAMMUJI 125:5

Mingka tau a'gau' jekkonga poro nihukkung laloi ri Batara siagang tau ja'dalaka. Poro salewangang lalo ummatTa!

PAMMUJI 36:3

Nakanai kalenna sanna' heba'na, sa'genna tanaassenga kasalanna, siagang tena nakabirisi.

ZEFANYA 1:6

LaKupanraki ke'nanga tau tenaya nabattu mae ri Nakke yareka tenaya naero' Kururungang kammayatompa ma'bokoa mae ri Nakke siagang tenayamo naero' amminawang mae ri Nakke.”

PAMMILANGNGANG 10:30

Appialimi Hobab angkana, “Tarima kasi, mingka kaerokka' ammotere' mange ri kampongku.”

LUKAS 24:28

Lalang a'jappana ke'nanga, a'reppese'mi ke'nanga mange ri desa natujua ke'nanga. Kammami angkanaya la'jappa tulusuki Isa,

IBRANI 10:38

Na ia ummakKu annabaya latappa'mi siagang lattallasa'mi; mingka punna nia' ri ke'nanga lammono'boko, tasannangai pa'maikKu mae ri ia.”

YOSUA 24:15

Ebara' angkana taerokako anynyomba mae ri Batara, pilei memammi anne alloa, angkana inai lanusomba: rewata-rewata nasombaya boe-boenu riolo ri Mesopotamia yareka rewata-rewatana tu Amori nupammantangngia pa'rasanganna kamma-kamma anne. Mingka ikambe, iamintu inakke siagang sikontu kaluargaku, Batara bawang lakusomba.”

YOSUA 24:19

Nampa nakana Yosua, “Mingka tena kapang nanukullei anynyomba mae ri Batara, nasaba' anjo Allata'ala matangkasaki, Tenaya Ruanna. Taerokai punna nia' nipa'rembangi. Punna nubokoi Batara nampa anynyombako ri rewata-rewataya, tena nalaNapammopporang dosanu. Kabalekanna, laNabaliangko siagang laNahukkungko. LaNaancuru' ngasengko manna pole riolo bajiki mae ri kau.”

1 YOHANES 2:19

Ia musu-musunNa Almasi, iamintu sikamma tau a'lampayamo ambokoiki', nasaba' anjo ke'nanga teai memangi taunta. Punna taunta anjo ke'nanga, tantu tuli ammantangi assiagang ikatte. Mingka assulu'mi ke'nanga battu ri katte, sollanna a'jari singara'mo angkanaya tena manna sitau battu ri ke'nanga antama' tojeng-tojenga ri golonganta.

HAKING-HAKING 11:24

Na kamma-kamma anne apaka erokko angngallei ammotere'? Anjo butta nasareangko rewatanu Kamos, akkullei tuli nupatang. Mingka apa le'bakamo Napassareang Batara, Allata'alana ikambe mae ri kambe, lanapartahangkangi ikambe.

RUT 1:14

Angngarru' lompomi Rut siagang Orpa. Nampa appala' kanamo Orpa nanabau matoanna, nampa ammotere'. Mingka Rut taerokai sisa'la' siagang matoanna.

RUT 1:16

Mingka appialimi Rut angkana, “Teaki' suroia' ammotere' siagang ambokoiki' amma'! Eroka' amminawang ri katte. Kemae-kemae kilampai, anjoreng tommi lakulampai. Kemae-kemaeki' ammantang anjoreng tomma' lammantang. Bansata, iatommi bansaku. Allata'ala kisombaya, iatommi lakusomba.