RUT 1:14 - KITTA' MATANGKASA'

¹⁴ Angngarru' lompomi Rut siagang Orpa. Nampa appala' kanamo Orpa nanabau matoanna, nampa ammotere'. Mingka Rut taerokai sisa'la' siagang matoanna.

RUT 1:14 Iomraidhean Croise

PA'JARIANG 31:28

Ba'lalo tena nanusarea' kasampatang untu' ambaui cucungku untu' a'jari pammatei passibokoi. Teai sipato' dongo'na panggaukannu!

PA'JARIANG 31:55

Ammukona bari'basa', lassibokoinna ke'nanga, nabaumi Laban cucunna, nabarakkaki ke'nanga, nampa ammotere' mange ri tampa' pammantanganna.

2 SAMUEL 19:39

Nampa a'limbammo Daud siagang sikontu ana' buana ri Binanga Yordan. Nampa nabau Daud anjo lapung Barzilai siagang appala' kana mae ri ia. Le'baki anjo ammotere'mi Barzilai mange ri balla'na.

1 KARAENG-KARAENG 19:20

Jari nabokoimi sapina Elisa nampa lari angngondangi Elia, siagang nakana, “Kipa'bianga' rolong mange appala' kana ri tau toaku, nampa kulamminawang ri katte.” Appialimi Elia angkana, “Baji'mi, mange mako; tena nakupisangkaiko.”

PANGNGEBARANG 17:17

Se'rea sahaba' tuli tamamminrana mae ri aganna, se'rea sari'battang amminawang tongi antanggongi kasusaanga.

PANGNGEBARANG 18:24

Nia' sahaba' tamamminraya, nia' todong la'bi jarre' na sari'battanga.

YESAYA 14:1

LaNakamaseangi Batara Israel umma'Na, siagang Napilemi ke'nanga a'jari taunNa. LaNaboliki ammotere' ke'nanga ri pa'rasangang kalenna. Bansa maraenga labattu nampa asse're siagang ke'nanga.

ZAKHARIA 8:23

Ri anjo allo-allo kammaya, sampulo tau bansa maraeng labattu mange ri se're tu Yahudi na nakana, ‘Ero' tongi ikambe upa' sangkamma ikau ngaseng; nasaba' nalangngereki ikambe angkanaya Nabarakkaki ngasengko Allata'ala.’ ” Kammaminjo kana le'baka Napau Batara Kaminang Koasaya.

MATIUS 10:37

Inai-nai la'bi angkamaseangi anrong manggena naiNakke, tasiratangai amminawang ri Nakke. Kammaya todong, inai-nai la'bi angkamaseangi ana'-ana' bainena yareka ana'-ana' bura'nena naiNakke, tasiratanga tongi amminawang ri Nakke.

MATIUS 16:24

Nampa Nakana Isa mae ri ana'-ana' gurunNa, “Tau eroka amminawang ri Nakke takkulleai tanapariboko kaparalluang kalenna, nanapisang salli'na, nampa amminawang tuli ri Nakke.

MATIUS 19:22

Nalangngere'na akkana kamma Isa, a'lampami anjo tau rungkaya; si'na sikali atinna nasaba' akkalumanynyang sikali.

LAMPA-LAMPANA 17:34

Mingka nia' todong ri ke'nanga angngalle-alleangi Paulus, siagang a'jari tappa' ri Isa: nia' niareng Dionisius anggota kumpulanna Areopagus, siagang sitau baine niarenga Damaris, na siapa are pole tau maraengannaya.

PAOLE 10:20

Pakala'biriki Karaeng Allata'alanu, siagang Iaji bawang musti nusomba. Paralluko tuli majarre' pa'mai'nu mae ri Ia siagang lalang arenNa bawang nussumpa.

PAOLE 4:4

nampa ikau tuli majarreka tappa'na mae ri Karaeng Allata'alanu attallasa' ijako sa'genna kamma-kamma anne.

2 TIMOTIUS 4:10

nasaba' nabokoima' Demas lanri nakarimangnginna anne linoa. A'lampami mange ri Tesalonika. A'lampami Kreskes mange ri Galatia, siagang Titus a'lampami mange ri Dalmatia.

IBRANI 10:39

Ikatte anne teaiki' umma' ammono'bokoa siagang sala oloanga. Mingka ikatte umma' matappakki' mae ri Allata'ala siagang nipasalamaka ri Allata'ala.

RUT 1:13

maka ero'jako lattayang sa'genna lompo? Tena na', teako appakammai! Si'nai nyawaku annawa-nawai sarennu lanri nahukkungku sallang Batara.”

RUT 1:15

Akkanami Naomi mae ri ia, “Rut, cinissai! Ammotere'mi lagonu mange ri bansana siagang ri rewata-rewatana. Ikau pole ammotere' tommako na', pinawammi ammotere'!”

RUT 1:7

A'lampami ke'nanga a'rurung ammotere' mange ri Yehuda. Ri tangngana aganga,

RUT 2:11

Appialimi Boas angkana, “Le'ba'mi kulangngere' ngaseng sikamma apa le'baka nugaukang mae ri matoang bainenu appakkaramula ri matenamo bura'nennu. Kuassemmi angkanaya nubokoimi tau toanu siagang pa'rasangannu untu' battu mae anrinni ammantang siagang tau tenaya ngasempa nuassengi.