PIRAUNG 1:4 - KITTA' MATANGKASA'

⁴ Ri wattu allo-allo lompoa tenamo manna sitau battu mange ri Balla'Na Allata'ala. Sikamma tulolo pakelong niaka anjoreng ballasa'mi na sikamma imanga akkunrareng tommi. Tenamo tau ri sikontu pakke'bu' lompoa, sangnging si'na mami ri Kota Sion.

PIRAUNG 1:4 Iomraidhean Croise

YEREMIA 9:11

Nakana Batara, “LaKupa'jari rumbangngang Yerusalem tampa' paccokkoanna kongkong romanga. Kota-kota Yehuda la'jari sinoi, tampa' tenayamo nanipammantangngi.”

YEREMIA 14:2

“Si'nai pa'mai'na Yehuda a'birimmi kamma mate kota-kotana. Anra'bami naung taunna ri buttaya nakkunrareng. Ammuriciki Yerusalem appala' tulung.

YEREMIA 10:22

Pilangngeri! Nia' kabara' angkanaya nia' se're bansa ri bageang wara' appa'nia' kagegerang lompo. Tantarana lampa'jari sinoi kota-kota niaka ri Yehuda siagang tena nanipammantangngi. Kongkong-kongkong romanga lamangei anjoreng accokko.”

MIKHA 3:12

Lanri anjo kaja'dallannu, lanipa'jekoi Sion rapang koko, la'jari tambungang loroi Yerusalem, siagang la'jari romangi bonto Balla'Na Batara.

PIRAUNG 5:13

Nipassai turungkana ikambe anjama battala' ri panggilinganga, ana' bura'nea niutungi ri kayu pisanganna sa'genna kodi nasa'ring.

YESAYA 3:26

Ri sikamma pakke'bu' lompona kotaya lasusai taua lanri kamateangi siagang lappiraungi, nampa kalenna anjo kotaya lasanrapangi baine nisolarri, ammempo naung ri buttaya.

PIRAUNG 1:21

O Batara, pilangngeri kunrarengku, taenamo ansaleoria'. Rannumi musu-musungku, lanri Kipitujuingku bala. Kipabattu lalomi anjo allo le'baka Kipa'janjiang; Kipa'risimi ke'nanga kamma inakke.

KAIMANGNGANG 26:22

LaKupabattui olo'-olo' sekkeka ri tangnga-tangnganu. Anjo olo'-olo' sekkeka lanakokkoki ana'-ana'nu, lanabunoi olo'-olo' piaranu siagang lanapaccappukko, sa'gennu a'jari sike'de' dudu mamo tassesa, siagang la'jari sinoi sikamma oloanga lalang ri pa'rasangannu.

PIRAUNG 5:14

Tenamo nasse're tau toaya ri pakke'bu' lompona kotaya, tenamo nilangngere' musi' battu ri tau rungkaya.

HOSEA 2:13

LaKuhukkungi lanri napakei allo-alloa untu' attunu dupa mae ri Rewata Baal, kammayatompa namodei kalenna siagang belo-belo untu' angngondangi sikamma tanring-tanrinna, nampa nakaluppai taba sikaliMa'. INakke, Batara, anne akkana.”