PAPPICINI' 9:4 - KITTA' MATANGKASA'

⁴ Tanipa'biangai ke'nanga ampanraki ruku'-rukuka, yareka poko'-poko' kayua, yareka lamung-lamung maraenga. Tau tenayaji bawang ri abanna pammatei segele' battu ri Allata'ala, akkulle nabunduki ke'nanga.

PAPPICINI' 9:4 Iomraidhean Croise

AYUB 1:10

Ia, bone balla'na, siagang sikontu kakalumanynyanganna tuli Kijagai. Jama-jamanna Kibarakkaki siagang Kisarei jai olo'-olo' katuo angganaka untu' sikontu pa'rasanganga.

AYUB 1:12

Nakanamo Batara ri lapung Panggoda, “Baji'mi, gaukammi apa eroka nugaukang mae ri sikontu kakalumanynyanganna Ayub, assala' teako pa'risi'!” A'lampami lapung Panggoda battu ri dallekanNa Batara.

AYUB 2:6

Nakanamo Batara mae ri lapung Panggoda, “Baji'mi, gaukammi apa eroka nugaukang mae ri Ia, assala' teako bunoi.”

PAMMUJI 76:10

Ri wattunTa ammenteng ero' angngadeli untu' ampasalamaki tau nijallakkanga ri lino.

KALAPPASSANG 12:23

Ri wattunna Nainroi Batara anne pa'rasanganga untu' ambunoi tu Mesirka, laNaciniki Batara anjo cera' niaka ri ruaya benteng pakke'bu'nu siagang irateanganna pakke'bu' balla'nu; jari laNalaloiji bawang balla'nu siagang tena Napa'biangi Malaeka' Kamateanga antama' ri balla'nu untu' ambunoko.

YEHEZKIEL 9:4

“A'lampako mange ri sikontu kotaya siagang sarei pammatei abanna sikamma tau si'naya siagang susaya pa'mai'na lanri anjo panggaukang appakaringika ri anjo kotaya.”

YEHEZKIEL 9:6

Bunoi sikontu tu bura'nea siagang tubainea, tau toa tau rungka, tau toa siagang ana'-ana'. Mingka tea sikaliko apa-apai sikamma tau niaka pammateinna ri abanna. Appakkaramula mako anrinni, ri anne BallakKu.” Jari napakaramulaimi tugasa'na ke'nanga na nabuno sikamma pamimpinna Israel niaka sitabang ammenteng ri Balla'Na Batara.

MATIUS 24:24

Nasaba' lania' sallang battu siapa are tumappasalama' patipu, siagang na'bi-na'bi patipu. Lanappicinikangi ke'nanga gau'-gau' teai sipatoka lompona siagang appakalanna'-lannasaka, sollanna akkulle, manna umma'Na Allata'ala lanatipu todong.

EFESUS 4:30

Teako pa'jari si'nai atinNa RohNa Allata'ala. Le'ba' mako nisare pammatei mattantu ri RohNa Allata'ala, ma'nassanu a'jarimo taunNa Allata'ala. Ia tommi anjo RohNa Allata'ala a'jari pammatei janji majarre' angkanaya labattui mae ri kau Allo Kalappassanga.

PAPPICINI' 14:1

Nampa kuciniki, nakucini'mo anjo Ana' Gimbalaka ammenteng rate ri Bulu' Sion. Nia' Naagang tau 144.000 jaina, niaka ngaseng ri tompo' kanynyinna ke'nanga tattulisi' arenNa siagang arenNa ManggeNa.

PAPPICINI' 6:6

Na nia'mo kulangngere' se're sa'ra, kammaya nilangngere' sa'ra akkioka ri tangnga-tangngana anjo appaka anu attallasa'. Nakana anjo sa'raya, “Silitere' berasa' baji' singnganggaraki passawallang siallo, siagang tallung litere' berasa' maraeng singnganggara' tongi passawallang sialloa. Mingka teako panraki poko'-poko' zaitunga siagang koko anggoroka!”

PAPPICINI' 7:1

Le'baki anjo, nia'mo kucini' appa' malaeka' ammenteng ri appaka panyingkulu'na buttaya. Natahammi ke'nanga appaka anging ri buttaya sollanna tena namammiri' mange ri bontoa, yareka ri tamparanga, yareka mange ri poko'-poko' kayua.

PAPPICINI' 8:7

Napasa'rami tarompe'na malaeka' makase'rea; turummi bosia kamma es siagang pepe', accampuruki siagang cera' sannaka batena a'lo'loro' naung ri buttaya. La'busu'mi bage talluna linoa akkanre; kammayatompa bage tallunna poko'-poko' kayua, siagang sikamma ruku'-ruku' moncongbuloa.