PAPPICINI' 9:3 - KITTA' MATANGKASA'

³ Nampa nia'mo sikamma katimbang assulu' battu ri anjo umbua nanaung ri linoa. Anjo katimbanga nisare ngasengi koasa sangkamma nipassareanga mae ri olo'-olo' kalajengkinga.

PAPPICINI' 9:3 Iomraidhean Croise

1 KARAENG-KARAENG 12:11

Nasareko tanggongang battala' manggeku, mingka lakusareko tanggongang la'bi battallangngangi pole. Nacambokko siagang cambo', mingka inakke lakucambokko siagang cambo' akkatintinga bassi!’ ”

2 PATTOTTORANG 10:11

Nabattalliko manggeku, mingka inakke la'bi lakubattalliko. Nacambokko manggeku siagang pa'ba'bala' biasa, mingka inakke lakucambokko siagang pa'ba'bala' akkatinting bassia!’ ”

2 PATTOTTORANG 10:14

Situru' pappakainga'na tau rungka-rungkaya, nakanamo Rehabeam ri ke'nanga, “Manggeku nabattalliko mingka inakke la'bi lakubattalliko pole. Nacambokko siagang ba'bala' biasa, mingka inakke ba'bala' akkatinting bassi lakucambokangko!”

YESAYA 33:4

Kamma pa'rappungang katimbang battu taua ambakkai siagang angngellaki ke'nanga.

YEHEZKIEL 2:6

Mingka ikau, he tau, teako mallakki mae ri anjo tau paewaya, yareka mae ri manna apa pole nakana ke'nanga. Lanaewako siagang lanahinako ke'nanga, sa'gennu rapangko tau attallasaka ri tangnga-tangngana olo'-olo' niaka racunna punna angngokko'. Mingka manna nakamma teako mallakki.

YO"EL 1:4

Katimbang sannaka jaina takkullea nibilang, a'dangka' ri kokoa ampaccappuki wassele'na. Apa nasesaya anne katimbanga, nipaccappuki ri katimbang maraengannaya.

YO"EL 2:25

LaKusambei sikontu karugiannu ri taung-taung nakanrena katimbang wassele' lamung-lamunnu. Nasaba' iNakke angkiringi battu anjo pasukang katimbanga mae ri kau.

NAHUM 3:15

Manna apa nugaukang, tena bua'-bua'na, lanri lala'busukko akkanre yareka lamateko lalang bundu'. Lalanynyakko rapang wassele' koko nikanre ri katimbang. A'bakka' mako katambang jainu rapang katimbang!

NAHUM 3:17

Sikamma tumalomponu siagang pagawe pamarentanu rapangi lokoang katimbang accokkoa ri tembo'-temboka ri wattu dinginga. Mingka ri wattunna ammumbamo alloa, akkaro-karomi ke'nanga lanynya' anri'ba'; tena manna sitau angngassengi angkana kemae lampana ke'nanga.

LUKAS 10:19

Assemmi, angkanaya le'ba' mako Kusare koasa sollannu akkulle angngonjokkangi ularaka siagang olo'-olo' akkullea ammuno tau racunna. Kammayatompa, sollanna akkulle nubeta ngaseng musu-musu kassaka, natena nunggappa kapanrakang.

PAOLE 8:15

Napimpingko Batara ammalo ri parang lompoa siagang hebaka, jaia ulara' a'racung siagang olo'-olo' akkullea ammuno. Ri butta kalotoroka tenaya je'ne'na Napassolongi je'neka battu lalang ri batua, sollannu akkulle angnginung sa'gennu bassoro'.

PAPPICINI' 9:5

Tanipa'biangai anjo katimbanga ambunoi anjo taua, passangalinna nasessaji ke'nanga sa'genna limambulang sallona. Anjo pa'risi'na batena anynyessa anjo katimbanga, sangkammai pa'risi'na batena angngokko' olo'-olo' kalajengkinga.

PAPPICINI' 9:7

Anjo tanja'na katimbanga sangkamma nicini' jarang sadiaya ero' a'bundu'. Ri ulunna ke'nanga nia' kamma nicini' songko' karaeng bulaenga nipare'. Tanja'na ke'nanga sangkammai tanja' rupataua.

HAKING-HAKING 7:12

Anjo tu Midian, Amalek siagang tu battua ri parang kassika, tassia'-siaraki ri kere-kere mae anjoreng ri lapparaka. Sangkammai nicini' katimbang a'rappunganga. Unta-untana ke'nanga sanna' jaina sanrapang kassi' ri biring tamparang.