PAPPICINI' 8:13 - KITTA' MATANGKASA'

¹³ Nampa kucinikimi pole; na nia'mo kulangngere' sa'ra jangang-jangang rajawali sitabanga anri'ba' tinggi rate ri allaka akkio' angkana, “Cilakai! Cilakai! Cilakai sikontu tau niaka ri lino punna nalangngere' sinampe' anjo tallua malaeka' maraenga ampasa'rai tarompe'na!”

PAPPICINI' 8:13 Iomraidhean Croise

PAMMUJI 103:20

Pujimi Batara, he malaeka'-malaeka' gammaraka, ampilangngeriai siagang anggaukangai parentaNa.

YEHEZKIEL 2:10

niaka tulisang ri rua-rua sa'rinna. Nampa nasungke anjo gulunganga siagang nia' tattulisi' anjoreng piraung, karru' siagang kunrareng.

IBRANI 1:14

Jari punna kamma, apai sikontutojenna anjo malaeka'-malaekaka? Anjo ke'nanga, iamintu roh-roh allayaniai Allata'ala, siagang nisuroa ri Allata'ala antulungi sikontu tau lannarimaya kasalamakkang.

PAPPICINI' 11:14

Allalomi cilaka makaruaya. Mingka ciniki! Tasalloami nalabattu pole cilaka makatallua.

PAPPICINI' 12:12

Lanri kammana, parallui ma'rannu-rannu surugaya siagang sikontu tau niaka ammantang lalang! Mingka cilakami buttaya siagang tamparanga, nasaba' naummi Billisika mae ri kau sanna' larrona, lanri naassenna angkana sinampe' mami wattunna.”

PAPPICINI' 14:3

Na ri dallekanna anjo empoang kalompoanga, siagang appaka olo'-olo', kammayatompa sikamma anjo pamimping akkulilinga ri anjo empoang kala'biranga, akkelong ngasemmi anjo tau 144.000 jaina. Kelongang beru anjo nakelonganga ke'nanga. Manna inai takkulleai napappilajari anjo kelonga, pantaranganna anjo tau 144.000 jaina. Yangasemmi anjo ke'nanga tau le'baka nilappassang battu ri linoa.

PAPPICINI' 14:6

Nampa nia' kucini' se're malaeka' maraengang anri'ba' tinggi rate ri langika. Anjo malaekaka angngerangi biritta iamintu ri sesena Kabara' Baji' mannannunganga, untu' nipabattu mae ri rupataua ri lino; iamintu mae ri sikontu bansaya, sukua, bahasaya siagang pa'rasanganga.

PAPPICINI' 19:17

Nampa nia' kucini' sitau malaeka' ammenteng irate ri matanna alloa. Akkio' lompomi mae ri sikontu jangang-jangang anri'baka ri langika, angkana, “Maeko a'rappungang untu' anghaderi passua'-suarrang lompoNa Allata'ala!

PAPPICINI' 3:10

Lanri nuturukimi apa Kuparentakanga mae ri kau, iamintu Kukellaiko tamalanrea, laKujagai mako ri kasusaang lantujuai sallang sikontu linoa. Lakajariangi anjo sikammaya, untu' a'jari paccoba mae ri sikontu rupataua ri lino.

PAPPICINI' 8:2

Nampa kucini' anjo tujua malaeka' ammentenga ri dallekanNa Allata'ala, siagang nisarei ke'nanga tuju tarompe'.

PAPPICINI' 9:1

Nampa napasa'ra tarompe'na malaeka' makalimaya; na nia'mo kucini' se're bintoeng tu'guru' battu ri langika naung ri buttaya. Anjo bintoenga nisarei koncina tubiri'na kamateanga.

PAPPICINI' 9:12

Allalomi cilaka makase'rea. Le'baki anjo nia' pole rua cilaka musti battu.