PAPPICINI' 7:2 - KITTA' MATANGKASA'

² Nampa nia' pole kucini' se're malaeka' maraengang ammumba battu raya. Angngerangi segele' battua ri Allata'ala Mattallasaka. Nalompoimi sa'ranna anjo malaekaka akkio', angkioki anjo appaka malaeka' le'bakamo anggappa koasa battu ri Allata'ala untu' ampanraki bontoa siagang tamparanga.

PAPPICINI' 7:2 Iomraidhean Croise

2 KARAENG-KARAENG 19:4

Nia'mo sitau panglima tinggi pangka'na battu nasuro karaeng Asyur untu' antunai Allata'ala mattallasaka. Inai angngassengi, gassingka Nalangngere'mi Karaeng Allata'alanu anjo kana-kana mappakatunaya mae ri KalenNa, siagang Nahukkung tau le'baka ampasuluki anjo kana kammaya. Lanri kammana anjo appala' doang laloko mae ri Allata'ala untu' taunta attallasaka ija.”

KELONG MALA'BIRI' 8:6

Pa'jaria rappo ri atinnu, teako nia' maraeng nuraka' pantaranganna inakke; lanri anjo passingaianga sangkammai kassa'na kamateanga, na anjo napasua makoasai rapang kamateang. Rinrana rapangi rinrana pepeka a'rinra sannaka heba'na.

YESAYA 41:2

Inai ampagioki tukoasaya battu raya, siagang tulusu' assarei pammetang? Inai assarei pakkulle untu' ambetai sikamma bansa-bansaya, siagang napatundu' sikamma karaenga? Pa'danna ampassimbungi ke'nanga rapang limbu'bu', panana ampatassiaraki ke'nanga rapang rarame nairikang anging.

YEHEZKIEL 9:4

“A'lampako mange ri sikontu kotaya siagang sarei pammatei abanna sikamma tau si'naya siagang susaya pa'mai'na lanri anjo panggaukang appakaringika ri anjo kotaya.”

MALEAKHI 3:1

Appiali Batara Kaminang Koasaya, “LaKukiringi battu tunisuroKu untu' ampasadiai oloangKu. NaKuti'ring lania' battu, iNakke Batara nuboyaya, mae ri BallakKu. Labattui anjo suroKu nukanakkukanga na napa'la'bang parjanjiangKu.”

MALEAKHI 4:2

Mingka ikau tau mannurukia ri Nakke, lammumbai koasangKu mappasalamaka rapang mataallo, nasioro'na angngerangi pappakamolle ri garring. Lata'lappasakko siagang larannuko rapang ana' sapi beru assuluka battu ri barana.

MATIUS 16:16

Appialimi Petrus nakana, “IKattemi Karaeng Mappasalamaka, Ana'Na Allata'ala Mattallasaka.”

MATIUS 26:63

Mingka tena Nakkana-kana Isa. Nakanamo pole imang lompoa ri Ia, “Nasaba' Allata'ala mattallasaka, paumi ri kambe, maka Ikau tojeng mintu Karaeng Mappasalamaka, Ana'naya Allata'ala?”

YOHANES 6:27

Teako naporo untu' kanre lala'busuka siagang labottokaji bawang nanuanjama-jama. Anjamako untu' kanre tenaya nakkulle botto' siagang akkullea assare katallassang mannannungang. Iaminjo kanre kammaya laNasareangko Ana' Ma'rupataua, nasaba' Iami le'ba' Nalanti' Allata'ala Manggea.”

2 KORINTUS 1:22

Untu' iaminjo nakile'ba'mo Nasare pammatei a'jari taunNa, siagang Napassareang RohNa antama' ri atinta. Iaminjo a'jari pammatei pannanggongi angkanaya laNapassareang ngasengi Allata'ala sikontu apa le'baka Napa'janjiang.

EFESUS 1:13

Ikau ngaseng, a'jari tommako umma'Na Allata'ala ri wattunna nulangngere' pasanNa Allata'ala, iamintu Kabara' Baji' assareako kasalamakkang. Tappakko mae ri Isa Almasi iaminjo naNasareko pammatei Allata'ala ma'nassana taunNako, iamintu RohNa, le'baka Napa'janjiang.

EFESUS 4:30

Teako pa'jari si'nai atinNa RohNa Allata'ala. Le'ba' mako nisare pammatei mattantu ri RohNa Allata'ala, ma'nassanu a'jarimo taunNa Allata'ala. Ia tommi anjo RohNa Allata'ala a'jari pammatei janji majarre' angkanaya labattui mae ri kau Allo Kalappassanga.

PAOLE 5:26

Niakka rupatau akkulle tuli attallasa' le'ba'namo nalangngere' Allata'ala mattallasaka a'bicara battu lalang ri pepeka?

1 TESALONIKA 1:9

Nacarita ngasemmi taua antekamma batenu antarimai ikambe pirangalloang, ri wattunna battu ikambe mae ri kau. Nacaritami ke'nanga antekamma batenu ambokoi sikamma barhalaya nunampa battu mae ri Allata'ala mattallasaka siagang tenaya ruanna untu' anynyomba mae ri Ia.

2 TIMOTIUS 2:19

Mingka anjo pammentengang makassa' le'baka Napare' Allata'ala takkulleai nipata'ge'goso'. Irateanganna nia' tattulisi' angkanaya, “Naassengi Batara sikamma taunNa,” siagang “Inai-nai nakana kalenna taunNa Batara, musti ammarimi anggaukangi gau' salaya”.

IBRANI 12:22

Mingka ikau, battu mako ri Bulu' Sion siagang kotaNa Allata'ala assarea katallassang, iamintu kota Yerusalem niaka ri suruga siagang assa'bu-sa'bu malaeka'na.

PAPPICINI' 1:3

Maupaki tau ambacayai siagang tau allangngerekai biritta napau la'bi rioloa anne kittaka, kammayatompa nanaturuki apa niaka tattulisi' ilalang. Nasaba' tasalloami nalakajariang ngaseng anne sikammaya.

PAPPICINI' 10:1

Nampa nia' kucini' malaeka' maraeng sannaka gammara'na naung battu ri suruga. Nikalimbuki ri rammang, siagang nia' tarawe takkalu' ri ulunna. Accayai rupanna sangkamma mataallo, na bangkenna sangkammai benteng pepe'.

PAPPICINI' 10:4

Assa'rana anjo gunturuka, ero'mi kutulisi'; mingka nia'mo kulangngere' sa'ra battu ri suruga angkana, “Rahasiakangi anjo apa napaua anjo tujua gunturu', teako tulisiki!”

PAPPICINI' 16:12

Le'baki anjo natumpami bonena pammoneanna anjo malaeka' makaannanga naung ri Binanga lompoa, iamintu Efrat. A'jari kalotoro'mi anjo binangaya sa'genna a'jappamo sikamma karaeng battu rayaya angngolo anjoreng.

PAPPICINI' 5:2

Nampa nia' kucini' se're malaeka' sannaka kassa'na akkiok-kio' lompo nakana, “Inai siratang anreppeki anne segeleka siagang ansungkei anne kittaka?”

PAPPICINI' 8:3

Nia'mo sitau malaeka' maraengang, battu ammenteng ri dallekanna tampa' pakkoro'banganga; angngerangi se're pa'dupang bulaeng. Sanna' jaina kamanynyang nisareangi untu' lanapanaung ri pappala' doanganna sikontu umma'Na Allata'ala, siagang untu' lanipassareanga ri tampa' pakkoro'bangngang bulaenga nipare' ri dallekanna empoang kala'biranga.

PAPPICINI' 9:14

Nakana anjo sa'raya mae ri malaeka' makaannanga, “Lappassangi anjo appaka malaeka' tassikko' ri anjo Binanga Efrat!”

PAPPICINI' 9:4

Tanipa'biangai ke'nanga ampanraki ruku'-rukuka, yareka poko'-poko' kayua, yareka lamung-lamung maraenga. Tau tenayaji bawang ri abanna pammatei segele' battu ri Allata'ala, akkulle nabunduki ke'nanga.

1 SAMUEL 17:26

Nakanamo Daud, “Barani tojengi anjo tu Filistin kapereka ampa'ngarai tantaraNa Allata'ala attallasaka!” Nampa akkuta'nang mae ri kalase'renna tantaraya angkana, “Apa lanisareangi tau akkullea ambunoi anjo tu Filistin siagang antongkokai siri'na tu Israel?”

1 SAMUEL 17:36

Le'ba'mi atanta ammuno singa siagang beruang. Na anjo tu Filistin kapereka lasangkamma tommi sarenna anjo sikamma olo'-olo' kubunoa, nasaba' barani anghinai tantaraNa Allata'ala attallasaka.