PAPPICINI' 6:8 - KITTA' MATANGKASA'

⁸ Kucinikimi, nampa nia' kucini' sikayu jarang pi'lasaka tanja'na. Pabaena niarengi Kamateang. Ri bokona a'reppese'mi amminawang Lino Kamateanga. Kakoasanga mae ri bage appa'na anne linoa nipassareangi mae ri ke'nanga, sollanna akkulle ke'nanga ammuno lalang ri pa'bundukanga, lalang ri kacipuranga, lalang ri kagarringanga, kammayatompa battu ri olo'-olo' sekkeka.

PAPPICINI' 6:8 Iomraidhean Croise

PANGNGEBARANG 5:5

Nare'resangko naung ri linona tau matea; oloang naoloa iamintu oloang lamange ri kamateanga.

YESAYA 25:8

LaNaancuruki Batara Kaminang Makoasaya anjo kamateanga sa'genna satunggu-tungguna! LaNasapui sikamma je'ne' mataya battu ri rupaya, siagang Napakabella kahinanga ia natanggonga umma'Na ri sikontu buttaya. Batara anne le'ba' akkana kamma, na mattantu lakajarianna anjo passalaka.

YEREMIA 14:12

Manna pole appuasa ke'nanga, tena Kuero' amparhatikangi pakkio'na ke'nanga appala' tulung; siagang manna pole assare ke'nanga mae ri Nakke koro'bang nitunu siagang gandung, mingka tena nalasannang nyawaKu mae ri ke'nanga. Kabalekanna, laKutumpasaki ke'nanga lanri pa'bundukang, kacipurang, siagang garring.”

YEREMIA 16:16

Nakana Batara, “LakkiokKa' jai paboya juku' untu' anjakkalaki anne taua. Nampa lakkiokKa' jai pasoso' untu' assosoki ke'nanga ri sikamma monconga siagang buluka, siagang ri sikamma leang-leang batua.

YEREMIA 16:4

Lamatei ke'nanga lanri nitaba ri garring angngeranga kamateang, siagang lamatei ke'nanga lalang pa'bundukang yareka mate naallei cipuru'. Tena manna sitau langngarru' yareka antarawangi ke'nanga. Latassiaraki maya'na ke'nanga rapang pupu' panynyoppongi ri butta, siagang nikanre ri jangang-jangang siagang olo'-olo' sekke'.

YEREMIA 24:10

LaKupabattui mae ri ke'nanga pa'bundukanga, kacipuranga, siagang garringa sa'genna mate ngaseng ke'nanga siagang tenamo ammantang tassesa anrinni ri pa'rasangang le'baka Kupassareang mae ri ke'nanga siagang boe-boena ke'nanga.”

YEREMIA 29:17

Nakana Batara Kaminang Koasaya, ‘INakke lappabattu pa'bundukang, kacipurang, siagang garring mae ri ke'nanga. LaKugauki ke'nanga sanrapang rappo-rappo ara sannaka botto'na, sa'genna takkullea nikanre.

YEREMIA 43:11

Labattui Nebukadnezar siagang lanabetai Mesir. Siagang sikamma tau le'baka nipattantu lamate lanri garring, lamatei lanri garring. Tau le'baka nipattantu laniengka' salaku tau nitahang, laniengkaki salaku tau nitahang; tau nipattantua lamate lalang pa'bundukang, lamatei lalang pa'bundukang.

YEHEZKIEL 29:5

Nampa ikau siagang sikontu anjo jukuka Kupasambilako mange ri parang kassika. Latattappasaki kalennu naung ri buttaya siagang ammonrang mako anjoreng. Tena manna sitau lantarawangko. Tubunu laKupassareangi mae ri jangang-janganga siagang olo'-olo' maraenga untu' nakanre.

YEHEZKIEL 5:12

Bage tallunna pandudu'nu lamatei passabakkang garring siagang bala kacipurang antujuai kotaya. Bage tallunna lamate nibunoi siagang pa'dang ri pantaranganna kotaya, nampa bage tallunna pole laKupasiaraki mange-mange siagang laKuondangi siagang pa'dang.

HOSEA 13:14

Anne bansaya tena nalaKupasalamaki battu ri linona tau matea. He kamateanga, pa'la'bammi racunnu! Gaukammi anjo jama-jamannu angngancuruka! Tenamo naKukamaseangi anne bansaya.

HABAKUK 2:5

Anjo kakalumanynyanganga tuli appa'dongo'-dongoki. Anjo tau angngoaya tampoi siagang lussaki. Rapang kamateang, tena todong nale'ba' sukku' nasa'ring; tasse're-se're bansa naallei nakammai.

ZAKHARIA 6:3

makatallua jarang kebo' siagang makaappaka jarang balo.

MATIUS 11:23

Kammayatompa ikau tau niaka ri Kapernaum! Gassingka nukana lanipakatinggiko nai' ri suruga? Tena! Passangalinna lanipelakko antama' ri naraka! Nasaba' ka'de' anjorengi ri kota Sodom le'ba' nigaukang anjo gau'-gau' appakalannasaka, mattantu nia' iji kota Sodom sa'genna kamma-kamma anne!

MATIUS 24:7

Bansa se'rea la'bunduki siagang bansa maraenga, siagang se'rea pa'rasangang lanabakkai pa'rasangang maraenga. Ri kere-keremae lakajariangi bala kacipuranga siagang lata'ge'gosoki linoa.

1 KORINTUS 15:55

“E, kamateanga, kemaemi pammetannu? E, kamateanga, kemaemi racunnu?”

PAPPICINI' 1:18

INakkemi mattallasaka! Le'ba'Ma' mate, mingka cini'mi, attallasaKa' sa'genna satunggu-tungguna. MakoasA' irateanganna kamateanga, kammayatompa irateanganna linona sikontu tau matea.

PAPPICINI' 12:4

Nare'resammi bage talluna sikontu bintoenga ri langika siagang ingkonna nampa napasambila naung ri buttaya. Ammentengi anjo nagaya ri dallekanna anjo baine eroka ammana', lanri eroki nakanre ana'na anjo bainea punna lassuki.

PAPPICINI' 9:15

Nilappassammi anjo appaka malaeka'. Nipasadiami ke'nanga untu' ambunoi bage talluna sikontu rupataua; massing nipasadiai ke'nanga angkana untu' tette' siapa, allo apa, bulang siapa, siagang taung siapa nasadia ke'nanga ammuno.

PAPPICINI' 9:18

Iaminjo assuluka battu ri bawana anjo jaranga, iamintu: pepe', umbu siagang bara pepe' ampanraki siagang ambunoi bage talluna sikontu rupataua.