PAPPICINI' 6:4 - KITTA' MATANGKASA'

⁴ Nampa nia'mo pole jarang maraeng assulu'. Anjo jaranga ejai tanja'na. Pabaena anjo jaranga nisarei koasa ampattaenai passiamakkanga ri lino, sollanna massing sibuno-buno rupataua. Jari nisaremi se're pa'dang lompo.

PAPPICINI' 6:4 Iomraidhean Croise

PAMMUJI 17:13

Ammenteng maKi', o, Batara ewai musungku siagang naKibeta ke'nanga. Kipasalamakka' siagang pa'danTa battu ri pa'bakkana tau ja'dalaka.

DANIEL 5:19

Antekamma malompona, sa'genna sikamma tau battua ri sikontu bansaya, suku bansaya siagang bahasaya, annekkereki siagang mallaki ri ia. Punna eroki ammuno tau, nabuno mami anjo taua. Punna eroki napasalama' se'rea tau, napasalamaki anjo taua. Napakatinggi siagang napakatunai taua situru' ero'na.

ZAKHARIA 1:8

kuciniki malaeka'Na Batara a'dongko' sikayu jarang eja. Ammantangi ri se'reang ka'bung lappara' ri alla'na poko'-poko' kayu mura'. Ri bokona nia' pirangkayu are jarang maraengannaya ammenteng, nia' eja tanja'na, nia' lango-lango siagang nia' todong kebo'.

ZAKHARIA 6:2

Anjo sikammaya kareta massing nibesoki ri ayoka jarang; makase'rea jarang eja, makaruaya jarang le'leng,

MATIUS 10:34

“Teako harakki angkanaya passiamakkang battu Kuerang antama' ri anne linoa. Teai passiamakkang Kuerang, passangalinna passisala-salang.

MATIUS 24:6

Lanulangngereki sallang sa'ra bunduka, kammayatompa kabara' pa'bundukanga. Mingka teako mallakki. Nasaba' anjo sikammaya lakajariang ngaseng memang tongi; mingka teaipi anjo wattua nabattu allo kiamaka.

YOHANES 19:11

Appialimi Isa Nakana, “Punna taNasareako' Allata'ala anjo koasanu, tena sikali koasanu mae ri Nakke. Lanri kammana, lompoangangi dosana tau ampassareangai KalengKu mae ri kau, kala ikau.”

PAPPICINI' 12:3

Nampa nia' pole nicini' ri langika apa-apa appakalannasaka. Iamintu nia' sikayu naga eja na sanna' lompona, tujua ulunna siagang sampuloa tanru'na. Massing-massing ulunna ammake ngasengi songko' karaeng.

PAPPICINI' 13:10

“Tau lanitarungkua, musti lanitarungkui. Siagang tau lanibunoa siagang pa'dang mattantu lanibunoi siagang pa'dang. Iaminjo saba'na namusti sa'bara' siagang tamamminraya Umma'Na Allata'ala.”

PAPPICINI' 17:3

Nampa nikoasaima' ri RohNa Allata'ala, siagang nieramma' mange ri parang lompoa ri anjo malaekaka. Anjoreng nia'mo kucini' sitau baine ammempo irate ri dongko'na sikayua olo'-olo' ejaya siagang a'rinraya nicini'; rassi kalenna siagang tulisang-tulisang areng antunraiyai Allata'ala. Nia' tuju ulunna siagang sampulo tanru'na anjo olo'-oloka.

PAPPICINI' 17:6

Nampa nasa'ring kucini' anjo bainea napakamma cera'na Umma'Na Allata'ala siagang cera'na tau nibunoa lanri tamamminrana mae ri Isa. Teai sipato' lannasakku ri wattunna kucini' anjo bainea.