PAPPICINI' 6:15 - KITTA' MATANGKASA'

¹⁵ Nampa karak-karaeng niaka ri lino, sikamma tumalompoa, sikamma panglimaya, sikamma tau kalumanynyanga, siagang sikamma tau anna'galaka koasa kammayatompa sikamma tau maraengannaya, baji' na ata yareka tau bebasa', mange ngasemmi ancokkoi kalenna ri kali'-kali'bong buluka yareka ri alla'-alla'na batua ri buluka.

PAPPICINI' 6:15 Iomraidhean Croise

PA'JARIANG 3:8

Anjo karuenga nalangngere'mi ke'nanga nia' Karaeng Allata'ala a'jappa lalang ri kokoa. Jari accokkomi ke'nanga ri alla'na poko'-poko' kayua sollanna tanicinika ri Batara.

PAMMUJI 76:12

Rupaimi janjinnu mae ri Karaeng Allata'alanu. Sikamma bansa a'reppeseka ammantang siratangi angngerang passare mae ri Allata'ala nikamallakkanga.

YESAYA 2:10

Lantamaki ke'nanga ri kali'bong-kali'bong batua ri bulu'-bulu' batu karang, yareka angngekei ke'nanga kali'bong antama' ri buttaya sollanna ta'lappasa' ke'nanga battu ri pangngalarroinNa siagang koasa kala'biranNa Batara.

YESAYA 2:19

Ri wattu ammentenna Batara siagang Napage'goso' buttaya, lantamaki taua ri sikamma kali'bong batu niaka ri bulu'-bulu' batu karanga, yareka angngekei kali'bong antama' ri buttaya sollanna ta'lappasa' ke'nanga battu ri pangngalarroinNa siagang koasa kala'biranNa Batara. Punna battu anjo alloa, lanibokoi bawammi sikamma barhala-barhala peraka siagang bulaeng napareka nampa nasomba ke'nanga, na'jari balao mami siagang pa'nyikia mami pata.

YESAYA 42:22

Mingka la'busu'mi niella' anjo bansaya; nitahangi ke'nanga lalang ri kamara'-kamara' rawa butta, nitongkoki lalang ri sikamma tarungkua. A'jari tuniella'mi ke'nanga, natena battu antulungi.

MIKHA 7:17

Lakkaloloki ke'nanga ri buttaya rapang ulara'. Mallaki siagang annekkereki ke'nanga lassulu' battu ri pattahanganna ke'nanga, nampa battu mae ri Katte, o Karaeng Allata'alana ikambe.

IBRANI 11:38

Anne linoa teai tampa' siratang mae ri ke'nanga. Mangei ri parang lompoa ke'nanga siagang bulu'-buluka, nammantang lalang ri kali'bong batua yareka kali'bong buttaya.

PAPPICINI' 18:23

Tenamo nalaccini' taua singara' lampu lalang ri kau; siagang tena tommo lanilangngere' passua'-suarrang pa'buntingang antureng. Sikamma padanggannu kaminang pore ri lino, siagang nutipumi sikontu bansaya ri lino siagang pangngassengang bale'-bale' matanu!”

HAKING-HAKING 6:2

Lanri malla' duduna tu Israel mae ri tu Midian, sa'genna mangemi ke'nanga accokko lalang ri kali'bong batu, yareka ri tampa'-tampa' amanga ri moncong-monconga.

1 SAMUEL 13:6

Nampa a'bakkamo ke'nanga maju, ambunduki hebaki tu Israel, sa'genna nia'mi lalang bahaya lompo tu Israel. Accokkomi sipa'gang tu Israelka lalang ri kali'bong batua ri monconga yareka ri alla'-alla'na batu karanga, yareka lalang ri bungunga siagang kalo'bang lalanga ri buttaya.