PAPPICINI' 5:2 - KITTA' MATANGKASA'

² Nampa nia' kucini' se're malaeka' sannaka kassa'na akkiok-kio' lompo nakana, “Inai siratang anreppeki anne segeleka siagang ansungkei anne kittaka?”

PAPPICINI' 5:2 Iomraidhean Croise

AYUB 41:15

Kamma pa'lapa' assusung, iaminjo dongko'na rapa' sikali dakki'na, sanrapang batu terasa'na.

PAMMUJI 103:20

Pujimi Batara, he malaeka'-malaeka' gammaraka, ampilangngeriai siagang anggaukangai parentaNa.

PAPPICINI' 10:1

Nampa nia' kucini' malaeka' maraeng sannaka gammara'na naung battu ri suruga. Nikalimbuki ri rammang, siagang nia' tarawe takkalu' ri ulunna. Accayai rupanna sangkamma mataallo, na bangkenna sangkammai benteng pepe'.

PAPPICINI' 18:21

Le'baki anjo, nia'mo malaeka' sannaka kassa'na angngangka' se're batu lompo, sangkamma batu pa'giling sannaka lompona, nampa napasambila antama' ri tamparanga, siagang nakana, “Kammaminne batena anjo kota Babel masahoroka lanipasambila sarring, sa'genna tenamo nalanibuntulu' ammotere'.

PAPPICINI' 5:1

Nampa nia' kucini' ri limanNa anjo ammempoa ri empoang kala'biranga se're kitta', sangkammaya gulungang karattasa'. Anjo kittaka rassi tulisang pimbali-bali. Nibatei gulunganna anjo kittaka siagang tuju segele'.

PAPPICINI' 5:5

Nampa nakanamo kalase'renna anjo pamimpinga mae ri nakke, “Teako angngarruki! Ciniki! Ammetami anjo singa battua ri suku Yehuda, sossorang lompona Daud. Akkullei Nareppe' anjo segeleka siagang Nasungke anjo kittaka.”