PAPPICINI' 4:5 - KITTA' MATANGKASA'

⁵ Accayai anjo empoang kala'biranga sanrapang kila' angngeranga sa'ra gunturu' sannaka lompona. Na ri dallekanna anjo empoang kala'biranga, nia' tuju sulo a'rinra; iaminjo tujua RohNa Allata'ala.

PAPPICINI' 4:5 Iomraidhean Croise

PA'JARIANG 15:7

Nampa Nakana pole Batara ri ia, “INakkemi Batara, le'baka anrurungangko assulu' battu ri pa'rasangang Ur ri Babilonia, sollanna Kupassareang anne buttaya mae ri kau untu' nukammai.”

PAMMUJI 68:35

Akuimi koasaNa Allata'ala makkanaya nakamma ri Israel, koasaNa sa'genna langi'.

KALAPPASSANG 19:16

Ri makatalluna alloa, ri bari'basa'na, battumi gunturuka siagang kilaka. Nia'mo ammumba rammang kapala' rate ri monconga siagang nia'mo kalangngerang sa'ra tarompe' sannaka lompona sa'ranna. Annekkere' ngasemmi sikontu taua ri kemaya napakamma malla'.

KALAPPASSANG 20:18

Ri wattunna nalangngere' taua gunturuka siagang sa'ra tarompeka, kammayatompa nacini'na kilaka siagang a'rumbu monconga, annekkere'mi ke'nanga napakamma malla', siagang ammenteng battu bellami ke'nanga.

KALAPPASSANG 25:37

Apparekko tuju lampu ri bangkenna anjo lampua siagang pataba bajiki sa'genna tassioro' mae ri dallekang singara'na.

KALAPPASSANG 37:23

Ri bangkenna anjo lampua nipareki tuju lampu siagang pakkakasa' untu' nipake antangkasi sumbu lampua siagang baki bulaeng ti'noka.

YEHEZKIEL 1:13

Ri tangnga-tangngana anjo apa attallasaka nia' kucini' sangkamma bara pepe' yareka sulo a'rinra, a'gio'-gio' tenammari-marina, anjo pepeka a'lepa'-lepaki siagang apparacciki kila'-kila' a'lepa'.

YO"EL 3:16

Ammammuki Batara battu ri Sion, iamintu bulu'Na; battu ri Yerusalem a'gunturu' sa'ranNa. Langika siagang buttaya ta'goccangi napakamma. Mingka tuli laNaalleangngangi siagang Najagai Batara iamintu Israel, umma'Na.

ZAKHARIA 4:2

Akkuta'nangi angkana, “Apa nucini'?” Appialima' angkana, “Se're bangkeng lampu bulaeng. Ri coppo' ratena nia' pammolikang minynya', siagang ri tammulilina nia' tuju lampu, massing niaka tuju tampa' sumbuna.

MATIUS 25:1

“Punna battu Ana' Ma'rupataua salaku Batara, lakammai anne pangngebaranna: Nia' sampulo tulolo paerang bunting, massing angngalle sulo, nampa a'lampa mange anruppai bunting bura'nea.

MATIUS 3:11

Inakke je'ne' kupake anje'nekko a'jari pammatei angkanaya ma'nassa toba' mako battu ri gau' dosa-dosanu; mingka labattua sallang ri bokoangangku, iami sallang lanje'nekko pepe' siagang RohNa Allata'ala. La'birangangi nainakke. Manna a'jari pabinting sapatuNa tena todong kusiratang.

LAMPA-LAMPANA 2:3

Nampa nia'mo nacini' ke'nanga lila-lila kamma pepe', allepa' mange-mange sa'genna a'dongko' massing-massing mae ri ke'nanga.

PAPPICINI' 1:4

Sikamma sari'battang niaka ri tujua jama'ah ri daera Asia! Inakke, Yohanes, ma'minasa' nuporo nisare ngaseng barakka' siagang kasalewangang battu ri Allata'ala, Ia niaka battu ri pakaramulanna, ri kamma-kammaya anne, sa'genna satunggu-tungguna; kammayatompa battu ri tujua roh ia niaka ri dallekang empoang kala'biranNa Allata'ala,

PAPPICINI' 10:3

Nampa akkio' sangkamma singa ammarrang lompoa. Le'ba'na akkio' anjo malaekaka, appialimi anjo tujua gunturu' sangkamma sa'ra ammarrunga.

PAPPICINI' 11:19

Nampa tassungkemo Balla'Na Allata'ala ri suruga, na kacinikammo Patti Parjanjianga ilalang. Nampa nia'mo kila' assisambung-sambung siagang sa'ra gunturu' a'gamarrung siagang a'garumbang, kammayatompa ta'ge'goso'mi buttaya nabosi sannaka sarrona, angngerang es.

PAPPICINI' 3:1

“Untu' mae ri malaeka'na jama'ah Sardis tulisiki kamma anne: Iaminne pappasang battu ri Ia ampatangai anjo tujua roh battu ri Allata'ala siagang anjo tujua bintoeng. Kuassengi apa nugaukanga ngaseng. Nukana kalennu attallasa' nusikontutojenna mate!

PAPPICINI' 5:6

Nampa nia' kucini' sikayu Ana' Gimbala' ammenteng ri tangnga-tangngana anjo empoang kala'biranga nikulilingi ri anjo appaka anu attallasa' siagang sikontu anjo pamimpinga. Anjo Ana' Gimbalaka sangkammai le'ba' nisamballe nicini'. Nia' tuju tanru'na siagang tuju matanna: iamintu tujua roh battu ri Allata'ala, nisuroa battu mange ri sikontu linoa.

PAPPICINI' 8:5

Nampa naalle anjo malaekaka anjo pa'dupanga, na nasare pepe' battua ri tampa' pakkoro'bangngang, nampa napasambila irateanganna buttaya. Assa'ra lompomi gunturuka siagang assisambung-sambummi kilaka; kammayatompa ta'ge'goso'mi buttaya.