PAPPICINI' 4:10 - KITTA' MATANGKASA'

¹⁰ su'ju'mi anjo pamimping ruampuloa angngappa', mae ri anjo ammempoa ri empoang kala'birang, nampa anynyomba mae ri Ia anjo mattallasaka sa'genna satunggu-tungguna. Nampa napasambila ke'nanga massing songko'na mae ri dallekanna anjo empoang kala'biranga, nangkana,

PAPPICINI' 4:10 Iomraidhean Croise

1 PATTOTTORANG 29:20

Le'baki appala' doang kamma, nakanamo Daud mae ri tau jai niaka a'rappungang anjoreng, “Mammujiko ri Karaeng Allata'alanu!” Jari yangasenna anjo taua mammuji-mujimi mae ri Batara, Allata'ala nasombaya boe-boena ke'nanga. Nampa su'ju' ke'nanga untu' ampakalompoi Batara siagang Karaeng Daud.

2 PATTOTTORANG 7:3

Ri wattunna nacini' ra'ya' Israel anjo pepe' turunga battu rate ri langika siagang singara' kahaderanNa Batara ampantamakki Balla'Na Batara, su'ju' kabusu'mi ke'nanga naung ri daparaka, nampa anynyomba siagang ammuji ri Allata'ala, lanri baji'Na siagang mangngamaseangi satunggu-satungguna.

AYUB 1:20

Nampa ammentemmi Ayub na nakekke' pakeanna tanra susana. Nacukkuru'mi ulunna, nampa su'ju' na nakana,

PAMMUJI 115:1

Teai ikambe, o, Batara, teai ikambe, mingka iKatteji musti nipuji, saba' iKatte tamamminraya siagang tuli mangngamaseang.

PAMMUJI 47:8

Allata'ala Karaeng ri sikontu linoa, pujimi siagang kelong mabaji'!

PAMMUJI 72:11

Sikontu karaenga lasu'juki ri dallekanna, sikontu bansaya a'jari ata-atanna.

PAMMUJI 95:6

Umba kisu'ju' anynyomba mae ri Ia, akkulantu' ri dallekanNa Batara, Tumapparetta.

YESAYA 6:1

Ri taung kamateanna Karaeng Uzia, kuciniki Batara. Ammempoi rate ri empoang kala'biranNa, irate tampa' tinggia siagang mala'birika. JubaNa natongkoki sikontu Balla'Na Batara ri Yerusalem.

DANIEL 12:7

Anjo maraenganga naangkaki rua-rua limanna nai' ri langika. Kulangngereki assumpa lanri Allata'ala mannannunganga siagang nakana, “Anjo sikamma kajarianga lanarapiki sa'genna tallu sitangnga taung. Punna le'ba'mo passessaya ri umma'Na Allata'ala, lakala'busang tommi anjo sikamma kajariang appakalannasaka.”

DANIEL 4:34

Ri wattunna allalomo anjo wattu tuju taunga sallona, accongama' nai' ri langika, nampa ammotere'mo pangngu'rangingku. Jari kupujimi Allata'ala Kaminang Tinggia. Kupakalompoi siagang kupakala'biriki anjo Allata'ala mattallasaka mannannungang. “Allata'ala la'jari Karaeng untu' satunggu-tungguna. Ia makoasa ri sikontu jammanga.

MATIUS 2:11

Antama'mi ke'nanga ri pammantanganna anjo Anaka. Nabuntulu'mi anjo Anaka siagang Maria amma'Na. Su'ju'mi ke'nanga anynyomba ri anjo Anaka. Nampa massing nasungke roko'-roko'na ke'nanga, namassing assare koro'bang, iamintu bulaeng, kamanynyang, siagang mur.

LUKAS 24:52

Su'ju'mi ke'nanga anynyomba ri Ia. Le'baki anjo ammotere'mi ke'nanga mange ri Yerusalem, sanna' ngaseng rannuna nyawana,

1 KORINTUS 15:10

Mingka lanri pangngamaseanNa Allata'ala, nakunipa'jarimo sangkamma anne ri kamma-kammaya anne. Siagang tena nasia-sia pammopporanNa Allata'ala mae ri nakke. Ba'lalo inakkemi kaminang anjama terasa' ri sikamma tunisuroa. Mingka sikontutojenna anjo sikammaya teai usahaku; anjo usahaNa Allata'ala, mangngamaseanga mae ri nakke, siagang niaka angngaganga' sipanjamang.

PAOLE 32:40

INakke tojeng-tojemmi Mattallasaka, iNakke Allata'ala, Kuangkaki limangKu naKuassumpa:

PAPPICINI' 10:6

Assumpai lalang arenNa Allata'ala mattallasaka satunggu-tungguna, ampa'niakai langika, buttaya, tamparanga siagang sikontu apa-apa niaka lalanganna. Nakana anjo malaekaka, “Tenamo nalanipamono' pole wattunna!

PAPPICINI' 11:16

Jari su'ju'mi anynyomba ri dallekanNa Allata'ala anjo ruampuloa angngappa' pamimping, niaka ammempo ri empoang kala'biranna ke'nanga.

PAPPICINI' 15:4

Inai tamallakka ri Katte, Batara? Inai taeroka ampa'la'bangi kalompoanTa? IKatteji bawang matangkasaka. Sikontu bansaya labattui anynyomba ri Katte, nasaba' nacini' ngasemmi sikontu taua kaadelang le'baka Kigaukang.”

PAPPICINI' 15:7

Nampa kalase'renna battu ri anjo appaka anu attallasa' ansarei anjo tujua malaeka' tuju pammoneang bulaenga nipare', rassia siagang kalarroanNa Allata'ala, iamintu Allata'ala Mattallasaka satunggu-tungguna.

PAPPICINI' 19:4

Anjo ruampuloa angngappa' pamimping, siagang anjo appaka olo'-olo' akkulilinga ri anjo empoang kala'biranga, su'ju' ngasemmi anynyomba mae ri Allata'ala ammempoa irate ri anjo empoang kala'biranga. Angkanami ke'nanga, “Aming! Pujimi Allata'ala!”

PAPPICINI' 4:2

Anjo wattua Nakoasai memamma' RohNa Allata'ala. Nampa nia' kucini' ri suruga se're empoang kala'birang, na nia' tau ammempo ri anjo empoang kala'biranga.

PAPPICINI' 4:4

Na nia' todong ruampulo angngappa' empoang kala'birang maraengang angkulilingi anjo empoang kala'birang se'rea. Anjoreng nia' ammempo ruampulo angngappa' pamimping ammakeang kebo', siagang ammake songko' bulaeng.

PAPPICINI' 4:9

Anjo appaka anu attallasa' akkelongi lagu-lagu pammuji, pappakala'biri' siagang kasukkurang mae ri Ia ammempoa ri anjo empoang kala'biranga, iamintu Ia attallasaka sa'genna satunggu-tungguna. Na ri wattunna akkelong anjo anu attallasaka,

PAPPICINI' 5:14

Appialimi anjo appaka anu attallasa', angkana, “Aming!” Nasu'ju'mo anynyomba anjo pamimping-pamimpinga.

PAPPICINI' 5:8

Ri wattu appakammana anjo Ana' Gimbalaka, su'ju'mi naung anjo appaka anu attallasa' siagang anjo ruampuloa angngappa' pamimping ri dallekanNa anjo Ana' Gimbalaka. Massing anna'galaki kacaping siagang mangko' bulaeng niaka kamanynyanna anjo ke'nanga, iamintu pappala' doanganna Umma'Na Allata'ala.

PAPPICINI' 7:11

Sikontu malaekaka ammentengi angkulilingi empoang kala'biranga siagang sikamma anjo pamimpinga, kammayatompa anjo appaka anu attallasa'. Su'ju' ngasengi anjo malaekaka ri dallekanna empoang kala'biranga nampa anynyomba ri Allata'ala.