PAPPICINI' 3:18 - KITTA' MATANGKASA'

¹⁸ Lanri kammanami anjo naKupakaingakko sollannu ammalli ngaseng battu ri Nakke bulaeng, iamintu bulaeng ti'no', sollannu a'jari kalumanynyang. Ammalli todong mako battu ri Nakke pakeang kebo' sollannu akkulle ammakeang siagang nutongko' kalennu natena nussolara' siagang natena nuppakasiri'. Siagang ammalli todong mako pa'balle untu' nupasapu mae ri matannu, sollannu akkulle accini'.

PAPPICINI' 3:18 Iomraidhean Croise

PAMMUJI 107:11

saba' angngewai ke'nanga mae ri Allata'ala siagang tena najampangi parentaNa Kaminang Tinggia.

PAMMUJI 16:7

Mammujia' ri Batara, Ia ampakaingaka'; manna ri wattu bangngina nipasailea' ri sa'ranna pa'maikku.

PAMMUJI 32:8

Nakana Batara, “LaKupicinikiangko oloang mustia nuolo, laKurenrengko siagang laKupakaingakko.

PAMMUJI 73:24

Kirenrenga' siagang pappakainga', siagang Kitarima' lalang kala'birang sallang.

PANGNGEBARANG 1:25

Sikontu pappakaingakku nubalang parekangi siagang pappasaileku nusorongbokoi.

PANGNGEBARANG 1:30

Tale'bakako ero' antarimai sikamma pappakaingakku siagang sikamma pappasaileku.

PANGNGEBARANG 19:20

Punna nungai appilajara' siagang allangngere' pappakainga', sallang la'jariko tau nia' kacara'dekannu.

PANGNGEBARANG 23:23

Ajarang annabaya, kacara'dekang, pangngajara', siagang pammahang, yangasenna anjo siratangi niballi, mingka tena nasiapa anggaranna lanibalukang.

KATO'BA 8:2

Mannurukiko punna nasareko parenta karaenga, teako sambarangngi a'janji mae ri Allata'ala.

YESAYA 47:3

Lanacinikko taua assolara', nihina siagang nipakasiri'. ErokKa' a'balasa' mae ri kau, na tena manna sitau laKupata'lappasa'.”

YESAYA 55:1

Nakana Batara, “Mae ngasengko sikamma tau turerea, angnginung mako battu ri je'ne' nipasadiaya. Battu mako mae tau tenaya doe'na tarimai gandunga nuta'bayarra, siagang angnganre mako! Anggoroka siagang dadika sadiai, alle bawang-bawammi.

YEREMIA 13:26

KalengKu angkaei pakeanga battu ri kalennu sollannu a'jari assolara' siagang a'jari siri'-siri'.

DANIEL 12:2

Jai ri ke'nanga mateamo lattallasa' poleangi; sipa'gang lanakasiaki katallassang mannannunganga na sipa'gang pole lanakasiaki tunaya siagang kapa'risanga sa'genna todong satunggu-tungguna.

MIKHA 1:11

Ikau ngaseng pandudu'na Safir, a'lampamako mange ri tampa' pammelakkanga tammakea pakeang siagang tena siri'-siri'nu! Tu Zaanan tena nabarani assulu' battu ri kotana ke'nanga. Sa'ra ammarranna taua ri Bet-Haezel a'jari tanra mae ri kau angkanaya anjoreng tenamo pa'la'langngang.

NAHUM 3:5

Nakana Batara Kaminang Koasaya, “He Niniwe laKusessako! Kusungkei pakeannu ri dallekanna bansa-bansaya, sa'genna nacini' ngaseng ke'nanga kodinu.

MALEAKHI 3:3

Battu untu' angngadeli, sanrapang tau antangkasiai siagang ampakati'noki peraka. Sanrapangi pade'de' bulaeng ti'no' siagang pade'de' pera' ti'no', kamma tomminjo tunisuroNa Batara laNatangkasi sikamma imanga sollanna akkulle Napassareang koro'bang-koro'banga situru' cara Nakaerokia Batara.

MATIUS 13:44

“Punna ammarenta Allata'ala, pangngebaranna lakammaminne: Nia' barang-barang taccokko lalang butta, nanibuntulu' ri se'reang tau, na napoterang pole anjo baranga antama' ri buttaya. Nampa, lanri teai sipato' rannuna, a'lampami anjo taua ambalukang ngasengi sikontu barang-baranna, na nampa ammotere' amballi anjo tampaka sumpaeng.”

MATIUS 25:9

Appialimi anjo tulolo cara'deka angkana, ‘Takkulleai! Nasaba' kala'busang ngasengki' sallang minynya'. A'lampamako ammalli ri ga'dea.’

LUKAS 12:21

Kammaminjo sallang kajarianna sikamma tau eroka a'boya kakalumanynyangang untu' kalenna, mingka teai a'boya kakalumanynyangang ri dallekanNa Allata'ala.”

2 KORINTUS 5:3

Iaminjo ballaka sanrapang tubu beruta.

2 KORINTUS 8:9

Nasaba' baji' ngaseng nuassenna angkanaya teai sipato' nikarimangnginta ri Isa Almasi Batarata: Kalumanynyangi, mingka Napa'jari kasi-asimi KalenNa untu' kaparalluannu ngaseng; sollanna battu ri kakasi-asianNa nukkulle a'jari kalumanynyang.

1 TIMOTIUS 6:18

Pakaingaki ke'nanga nanapa'nyata kabajikanga, namasarro anggaukangi apa-apa bajika, lammoro' pa'maiki siagang nangai assare-sarea apa-apa.

YAKOBUS 2:5

U'rangi sikamma sari'battangku, sannaka kukarimangnginna! Ia tau nicini' kasi-asia ri anne linoa, iami nipilei ri Allata'ala untu' a'jari tu kalumanynyang lalang ri katappakkanga. Iaminjo tau kammaya la'jari Umma'Na Allata'ala situru' Napa'janjianga Allata'ala mae ri sikamma tau angkamaseangai.

1 PETRUS 1:7

Matu-matunna ngaseng anjo iamintu sollanna akkulle a'butti katappakkang tojeng-tojennu mae ri Batara yareka tena. Manna bulaeng akkullea panra' niuji tonji siagang pepe'. Jari, anjo katappakkannu la'bi lompoangangi anggaranna na bulaenga; jari musti niuji tongi sollanna a'jari jarre'. Siagang lanri kammana, lanipuji mako siagang lanipakala'biri' mako, kammayatompa lanipakatinggi mako sallang ri allo kabattuanNa ammotere' Isa Almasi.

PAPPICINI' 16:15

“Pilangngeri! BattuA' sangkamma palukkaka! Maupaki tau tuli a'jagaya siagang nakatutuia pakeanna, sa'genna tena nassolara' a'jappa siagang tena nasiri'-siri' a'jappa ri dallekanna tau jaia!”

PAPPICINI' 19:8

Nipassareammi mae ri Ia kaeng lenang accillaka untu' Napake.” (Anjo pakeang lenanga iamintu panggaukang-panggaukang baji' nagaukang Umma'Na Allata'ala.)

PAPPICINI' 2:9

Kuassengi kasusannu ngaseng; Kuassengi angkanaya kasi-asiko, mingka sikontutojenna kalumanynyang ngasengko! Kuassengi sikamma pitina nipamangea ri kau, napare'-pareka sikamma tu nakanaya kalenna tu Yahudi, na sikontutojenna teai; anjo ke'nanga sangnging umma'na Billisika.

PAPPICINI' 3:17

Nukana ngaseng: Akkalumanynyangko siagang ganna' mako ri katallassannu; tenamo apa-apa kakurangannu. Mingka tanuassengai kalennu angkanaya teai sipato' kasi-asinu, siagang teai sipato' appakasi'nana katallassannu. Kasi-asiko, assolarakko, siagang butako.

PAPPICINI' 4:4

Na nia' todong ruampulo angngappa' empoang kala'birang maraengang angkulilingi anjo empoang kala'birang se'rea. Anjoreng nia' ammempo ruampulo angngappa' pamimping ammakeang kebo', siagang ammake songko' bulaeng.

PAPPICINI' 7:13

Akkuta'nammi kalase'renna anjo pamimpinga mae ri nakke angkana, “Inai ngaseng anne tau ammakea juba kebo' siagang battu kemae ngasengi ke'nanga?”